Lucas 16:3 - Samarenyo Meaning-Based Bible (1984)

³ Nagsiring ha iya ngahaw ini nga tinaporan, ‘Ta, kukuhaan na daw ako han akon agaron han akon pagkatinaporan. Ano daw an sadang ko buhaton? Diri man ako mailob hin paghornal kay maluyahon ako, ngan makaarawod in pakilimos.

Lucas 16:3 Iomraidhean Croise

Ester 6:6

Sanglit sinmulod hi Aman ngan nagsiring ha iya an hadi, “May-ada usa ka tawo nga karuyag ko gud pagpasidunggan. Ano an angay ko pagbuhaton para hini nga tawo?” Naghunahuna hi Aman ha iya ngahaw, “Yana, hin-o pa man an karuyag pagpasidunggan han hadi? Ako gud ini, waray iba.”

Mga Darahonon 13:4

Bisan diunan-o an pagkinaruyag hin usa nga hubya, diri gud ini niya makukuha. Maaangkon han maduruto an ngatanan nga iya mga ungara.

Mga Darahonon 15:19

Igkikita ka hin kakurian bisan diin kon ikaw hubya, kundi mawawaray mo kasamokan kon tangkod ka la.

Mga Darahonon 18:9

An tawo nga hubya sugad ka maraot hin tawo nga parapanruba.

Mga Darahonon 19:15

Padayon hin paghinubya; padayon hin pagkaturog, kundi gugutomon ka.

Mga Darahonon 20:4

An parauma nga uraura hin kahubya hin pag-arado han iya kaumhan ha angay nga panahon, pag-abot han kat-ani waray gud niya pag-aanihon.

Mga Darahonon 29:21

Kon tagan mo an imo surugoon han ngatanan nga iya karuyag tikang han pagkabata, may adlaw nga kukuhaon niya an ngatanan nga imo gintatag-iya.

Isaias 10:3

Mag-aano man kamo kon pagkastigohon na kamo han Dyos? Mag-aano man kamo kon pagdad-an kamo niya hin karat-an tikang hin hirayo nga nasod? Ngain man kamo dadalagan hin pakibulig? Diin man niyo tatagoa an iyo mga manggad?

Jeremias 5:31

puro la mga buwa an ginyayakan han mga manaragna; nagdudumara an kapadian sumala han sugo ha ira han mga manaragna, ngan diri la nariwa an akon mga tawo. Kundi ano man an ira pagbubuhaton kon matapos na ini ngatanan?”

Oseas 9:5

Ngan kon umabot na an panahon han igintalaan nga mga pyesta ha pagpasidungog han Ginoo, ano man an ira pagbubuhaton?

Mateo 20:8

“Han pagkakulop na, ginsiring han tag-iya an iya tinaporan, ‘Tawga an mga nagtrabaho ngan tagi hira han ira suhol. Unaha pagbayad adton mga urhe magtrabaho, ngan urhe adton mga una magtrabaho.

Marcos 10:46

Inmabot hi Jesus ha Jerico upod an iya mga tinun-an ngan hin damo nga mga tawo. Han nagtitigawas na hira han bungto, may buta nga ginngangaranan kan Bartimeo, anak ni Timeo, nga nalingkod hin pakilimos didto ha ligid han dalan.

Lucas 12:17

Naghunahuna hiya, ‘Waray ko na dapit nga hihimosan han ngatanan nga akon mga abot. Ano ba an akon bubuhaton?

Lucas 16:2

Sanglit iginpatawag ini nga tinaporan ngan ginsiring, ‘Ano ba ini nga akon hinbabatian hiunong ha imo? Hala, tuhayi daw ako han ngatanan nga akon igintapod ha imo, kay diri ka na magigin tinaporan ko.’

Lucas 16:20

May-ada man liwat usa nga makililimos nga Lazaro an ngaran, nga lukop an iya lawas hin mga katol. Agsob hiya dad-on ngadto han porta han riko,

Lucas 16:22

Namatay an makililimos ngan gindara han anghel ngadto ha sapit ni Abraham, didto han kombite ha langit. Namatay man liwat an riko ngan iginlubong,

Lucas 16:4

Yana, maaram ako kon ano an akon bubuhaton, basi kon mawaray na ako trabaho, mamamay-ada ako kasangkayan nga makarawat ha akon ha ira panimalay.’

Lucas 18:4

Hin maiha nga panahon ginpasibay-an la ini han maghurukom, kundi ha kataposan nagsiring an maghurukom ha iya ngahaw, ‘Bisan kon waray ako pagkahadlok han Dyos o pagtahod han mga tawo,

Juan 9:8

Sanglit nagpakiana an iya mga amyaw ngan an mga tawo nga nakakita ha iya hadto, nga nakikilimos, “Diri ba amo ini an tawo nga hadto nalingkod didto ngan agsob makilimos?”

Mga Buhat 3:2

May didto usa ka tawo nga lulid tikang han iya katawo nga nakada han ginngangaranan nga “Matahom nga Aragian.” Gindadara hiya kada adlaw ngada hini nga aragian basi makilimos han mga tawo nga napakadto ha Templo.

Mga Buhat 9:6

Buhat ngan pakadto ha syudad, ngan didto pagsusumatan ka kon ano an imo pagbubuhaton.”

2 Mga Taga-Tesalonica 3:11

Nasiring kami hini, kay nasumatan kami nga may mga tawo dida ha iyo nga naghihinubya, nga waray binubuhat kon diri an paghilabot han buruhaton han iba.