Lucas 16:1 - Samarenyo Meaning-Based Bible (1984)

¹ Nagsiring hi Jesus ha iya mga tinun-an, “May-ada hadto usa nga riko nga may-ada niya tinaporan. Nasumatan ini nga riko nga tawo, nga ginkikinaragan la han tinaporan an kwarta han iya agaron.

Lucas 16:1 Iomraidhean Croise

Genesis 15:2

Kundi binmaton hi Abram, “O Ginoo nga Dyos, ano man nga kaupayan an akon makukuha han imo balos, kay waray ko man mga anak? Amo la hi Eliezer nga taga-Damasco an akon manurunod.

Genesis 43:19

Sanglit dida han porta han balay, nagsiring hira ngadto han surugoon nga tinaporan,

1 Cronicas 28:1

Ginpatawag ni David ngadto ha Jerusalem an ngatanan nga mga dagko nga pagkatawo han Israel. Sanglit nagtitirok didto ha Jerusalem an mga pangulo han mga tribo, an mga tagdumara han mga buruhaton han ginhadian, an mga puno han mga banay, an mga tinaporan han mga hiagi ug kahayopan han hadi ug han iya mga anak, an ngatanan nga mga opisyal han palasyo, mga pangulo han mga sondalo ug an mga dagko nga pagkatawo han mga bungto.

Mga Darahonon 18:9

An tawo nga hubya sugad ka maraot hin tawo nga parapanruba.

Oseas 2:8

Diri gud hiya magmamatuod nga amo ako an naghatag ha iya han pagkaon, han bino, han lana hin olibo, ngan han ngatanan nga salapi ug bulawan nga ginamit niya hin pagsingba kan Baal.

Mateo 20:8

“Han pagkakulop na, ginsiring han tag-iya an iya tinaporan, ‘Tawga an mga nagtrabaho ngan tagi hira han ira suhol. Unaha pagbayad adton mga urhe magtrabaho, ngan urhe adton mga una magtrabaho.

Lucas 12:42

Binmaton an Ginoo, “Hin-o man ngay-an an matinumanon ngan may-ada aram nga surugoon? Amo hiya an tataporan han iya agaron pagdumara han panimalay ngan paghatag ha iba nga mga surugoon han ira bahin han pagkaon, ha igo nga panahon.

Lucas 15:13

Paghagos hin pira ka adlaw iginbaligya han manghod an iya bahin ngan binmaya han ira panimalay dara an kwarta. Kinmadto hiya hin hirayo nga tuna, diin iya ginkaragan an iya kwarta hin waray pulos nga kinabuhi.

Lucas 15:30

Kundi ginkaragan hini nga imo anak an ngatanan mo nga hiagi ha maraot nga kinabuhi, ngan ha iya pag-oli, asay mo lugod gin-ihawan han pinatambok nga nati nga baka!’

Lucas 16:19

“May-ada hadto usa nga riko nga nagbabado han gimamahali nga mga panapton ngan nagpapatakas han iya mga bahandi ha adlaw-adlaw.

Lucas 16:2

Sanglit iginpatawag ini nga tinaporan ngan ginsiring, ‘Ano ba ini nga akon hinbabatian hiunong ha imo? Hala, tuhayi daw ako han ngatanan nga akon igintapod ha imo, kay diri ka na magigin tinaporan ko.’

Lucas 19:20

Inmabot in lain pa nga surugoon ngan nagsiring, ‘Agaron, iini an imo kwarta nga bulawan. Ginputos ko ini hin panyo.

Lucas 8:3

Juana, nga asawa ni Chuza nga usa nga opisyal han korte ni Herodes; Susana, ngan damo pa nga iba nga kababayen-an nga naggamit han ira kalugaringon nga pinakabuhian hin pagbulig kan Jesus ngan han iya mga tinun-an.

Tito 1:7

Kinahanglan diri sarawayon in pangulo han singbahan, kay nagdudumara hiya han buruhaton han Dyos. Kinahanglan diri hiya parayawan o diri madagmit masina o diri parahubog, o diri maisog, o diri maimot.

Santiago 4:3

Ngan kon nangangaro kamo, diri kamo nakakarawat, kay maraot man an iyo katuyoanan; nangangaro kamo basi gamiton la niyo para han iyo kalugaringon nga mga kahilayan.

1 Pedro 4:10

Sugad hin maupay nga magmarangno han magkalainlain nga mga hatag han Dyos, kinahanglan gamiton han tagsatagsa an talagsaon nga hatag nga kinarawat niya tikang sa Dyos, para han kaupayan han iba.