Lucas 15:5 - Samarenyo Meaning-Based Bible (1984)

⁵ Kon hiagian na ini niya, malipayon na hiya, ngan papas-anon ini niya,

Lucas 15:5 Iomraidhean Croise

Isaias 62:12

Pagtatawgon kamo nga “Baraan-nga-Katawhan-han-Dyos,” “An-Katawhan-nga-Gintubos-han-Ginoo.” Pagtatawgon an Jerusalem nga “An-Syudad-nga-Hinihigugma-han-Dyos,” “An-Syudad-nga-Waray-Igsalikway-han-Dyos.”

Isaias 62:5

Sugad hin usa nga olitawo nga nangangasawa hin uray nga babaye, Pangangasaw-on ka niya nga nagtuha ha imo. Sugad nga nalilipay in usa nga bana han iya asawa, Malilipay man ha imo an imo Dyos.

Isaias 63:9

tikang han ngatanan nira nga mga pag-antos. Diri adto usa nga anghel, kundi an Ginoo ngahaw an nagtalwas ha ira. Iya gintalwas hira tungod han iya paghigugma ngan pagpaid. Iya hira dayuday ginmangnoan han una pa nga mga adlaw,

Ezequiel 18:23

Naghuhunahuna ba kamo nga nalilipay ako hin pagkita nga namamatay in usa nga maraot nga tawo?” napakiana an Ginoo nga Dyos. “Diri, karuyag ko lugod hikit-an hiya nga nagbabasol ngan nabubuhi.

Ezequiel 33:11

Sidnga hira nga sugad nga ako nga Ginoo nga Dyos, amo an buhi nga Dyos, diri ako nalilipay hin pagkita hin usa nga makasasala nga namamatay. Gabay lugod nga hinkit-an ko hiya nga nahunong hin pagpakasala ngan nabubuhi. O Israel, hunonga na an maraot nga imo ginbubuhat. Kay ano nga naruruyag ka nga mamatay?

Miqueas 5:4

Kon umabot hiya, paghahadian niya an iya mga tawo pinaagi han kusog nga natikang han Ginoo ngan pinaagi han pagkaharangdon han Ginoo nga Dyos. Mag-uokoy nga murayaw an iya mga tawo kay an mga tawo ha bug-os nga kalibutan makilala han iya pagkagamhanan,

Miqueas 7:18

Waray na iba nga diyos nga sugad ha imo, O Ginoo; nagpapasaylo ka han mga sala han imo mga tawo nga nanhisalin nga buhi. Diri ka nagpapabilin hin kasina ha kadayonan, kundi nalilipay ka hin pagpakita ha amon han imo dayuday nga paghigugma.

Sofonias 3:17

Aada ha iyo an Ginoo nga iyo Dyos; mahatag hin pagdarag-an an iya gahom. Malilipay ha iyo an Ginoo, ngan ha iya paghigugma tatagan kamo niya hin bag-o nga kinabuhi. Magkakanta ngan magmamalipayon hiya tungod ha iyo,

Lucas 15:32

Kundi kinahanglan maglipay ngan magrayhak kita, kay namatay ini nga imo bugto, kundi yana buhi na hiya; nawara, kundi yana hin-agian na hiya.’”

Lucas 15:4

“Pananglit usa ha iyo may usa ka gatos nga karnero, ngan mawara in usa ha ira—ano man an iya bubuhaton? Binabayaan niya an nobentay nuybe didto han panibsiban, ngan nalakat hiya hin pamiling han nawara, tubtob nga iya ini hiagian.

Lucas 15:6

ngan dadad-on hin pag-oli ngadto ha ira. Niyan, iya dadapiton an iya kasangkayan ngan mga kahigrani, ngan sisidngon niya, ‘Pagsaurog kita! Malipayon ako hin duro nga hinagian ko an akon nawara nga karnero!’

Lucas 19:9

Nagsiring hi Jesus ha iya, “Inmabot an katalwasan ngada hini nga balay yana nga adlaw, kay tulin man liwat ni Abraham ini nga tawo.

Lucas 23:43

Nagbaton hi Jesus ha iya, “Susumatan ko ikaw: yana ngahaw nga adlaw, maupod ka ha akon ngadto ha Paraiso.”

Juan 15:11

“Iginsumat ko ini ha iyo basi mahingada ha iyo an akon kalipay, ngan basi mahingpit an iyo kalipay.

Mga Taga-Efeso 2:10

An Dyos amo an aton Magburuhat, ngan ha aton pakig-usa kan Cristo Jesus, ginhimo kita niya para hin kinabuhi nga mag-upay an mga binuhatan, nga gin-aandam na niya nga aton pagtutumanon.

Mga Taga-Efeso 3:7

Ginhimo ako nga surugoon han Maupay nga Sumat tungod han kanan Dyos talagsaon nga hatag, nga iginhatag niya ha akon pinaagi han iya gahom.

1 Mga Taga-Tesalonica 1:5

Kay gindara namon ha iyo an Maupay nga Sumat, diri pinaagi hin mga pulong la, kundi pinaagi liwat hin gahom ngan han Espiritu Santo, ngan upod an bug-os nga pagsarig han iya kamatuoran. Maaram kamo kon ginunan-o namon hin pag-ukoy han nakada pa kami ha iyo; para adto han iyo kaupayan.

2 Timoteo 2:26

Ngan onina, mahibalik hira ha maupay nira nga panhunahuna, ngan makakalikay hira han bitik han Yawa nga nagdakop ngan nag-oripon ha ira.

Hebreo 12:2

Tutok kita kan Jesus nga amo an sinasarigan han aton pagtoo tikang ha tinikangan ngadto ha kataposan. Waray hiya humunong tungod han kros! Lugod, tungod han kalipay nga naghuhulat ha iya, waray niya ikaawod an pagkamatay ha kros, ngan yana, nalingkod na hiya ha tuo han trono han Dyos.

1 Pedro 1:5

Para ini ha iyo ngan pinaagi hin pagtoo pinananalipdan kamo han gahom han Dyos tungod han katalwasan nga andam nga igpapadayag ha kataposan nga panahon.