Lucas 13:8 - Samarenyo Meaning-Based Bible (1984)

⁸ Kundi binmaton an magbarantay, ‘Ayaw la pagpudla; pahagosa ta anay hin usa ka tuig. Liliboton ko hin pag-ukab ngan bubutangan ko hin abuno.

Lucas 13:8 Iomraidhean Croise

Mga Salmo 106:23

Sanglit, siring han Dyos, hira pagpupuohon, kon diri pa hi Moises, an iya surugoon; inmabtubang han Dyos basi hin pagpugong, han iya kapungot nga diri ipadayon.

Exodo 34:9

Nagsiring hiya, “O Ginoo, kon nalilipay ka ha akon, nahangyo ako nga umupod ka ha amon. Magtig-a an mga ulo hini nga mga tawo, kundi pasayloa an amon karat-an ngan an amon sala, ngan karawata kami nga imo kalugaringon nga mga tawo.”

Jeremias 15:1

Niyan nagsiring ha akon an Ginoo, “Bisan kon tumindog dinhe hira Moises ug Samuel hin pakimalooy ha akon, diri gud ako malolooy hini nga mga tawo. Paiwasa hira; ipahirayo hira ha akon atubangan.

Jeremias 18:20

Angay ba baloson hin maraot an maupay? Kundi nagluong hira para han akon kinabuhi. Hinumdomi kon an akon pagkada ha imo ngan paghimangraw tungod ha ira, basi diri mo hira kasinahan.

Joel 2:17

An kapadian nga nag-aalagad han Ginoo ha butnga han altar ngan han aragian han Templo, kinahanglan magtangis ngan mag-ampo: “Kalooyi an imo mga tawo, O Ginoo. Ayaw itugot nga pagtamayon ngan pagyubiton kami han iba nga mga nasod hin pagsiring, ‘Hain na an iyo Dyos?’”

Lucas 13:7

Sanglit ginsiring niya an iya magbarantay han tanaman, ‘Kitaa daw, tulo na ka tuig an akon pagbinalikbalik nganhi pangita hin bunga hini nga igos, kundi waray ko hin-aagian. Gabay pudlon ini nga kahoy, kay kanugon la han katambok han tuna?’

Lucas 13:9

Manggad nala bumunga han sunod nga tuig; kay kon diri pa, amo na in pagpudla naton.’”

Lucas 14:35

Diri na ini maupay para ha tuna o magamit para hin pag-abuno; gabay na la ilabog. Sanglit, pamati kamo kon may niyo mga durunggan!”

Mga Taga-Roma 10:1

Kabugtoan ko, akon gud ungara ug pag-ampo ha bug-os ko nga kasingkasing nga matalwas unta an kalugaringon ko nga mga tawo!

Mga Taga-Roma 11:14

basi mangabugho an akon igkasi mga Judiyo, ngan tungod hito matalwas an iba ha ira.

2 Pedro 3:9

Diri maglalangan hin pagtuman an Ginoo han iya iginsaad, sumala han hunahuna han iba. Lugaring, mapinailobon gud hiya ha iyo, kay diri niya karuyag nga mapuo kamo kundi karuyag niya nga bumaya kamo an ngatanan han iyo mga sala.