Lucas 12:8 - Samarenyo Meaning-Based Bible (1984)

⁸ “Susumatan ko kamo: an bisan hin-o nga magpadayag ha kadam-an nga akon hiya amo man an bubuhaton han Anak han Tawo ha atubangan han mga anghel han Dyos;

Lucas 12:8 Iomraidhean Croise

1 Juan 2:23

Kay bisan hin-o nga nasalikway han Anak nasalikway man han Amay; kundi bisan hin-o nga makarawat han Anak makarawat man liwat han Amay.

2 Timoteo 2:12

Kon magpadayon kita hin pag-ilob, maghahadi man kita upod ha iya. Kon iglirong ta hiya, iglilirong man kita niya.

Lucas 15:10

Ha amo nga paagi, susumatan ko kamo, nalilipay an mga anghel han Dyos, tungod hin usa nga makasasala nga nabaya na han sala.”

Ginpadayag 2:13

Maaram ako kon diin ka pag-uokoy; aadto ka han dapit nga hinmumutangan han trono ni Satanas. Inmunong ka ha akon ngan waray mo bayai an imo pagtoo ha akon, bisan ha panahon han pagpataya kan Antipas, an akon matapod nga saksi, didto han inuokyan ni Satanas.

Ginpadayag 2:10

Ayaw kahadlok han bisan ano nga imo pag-aantoson. Pamati! Pagsasarihan ka han Yawa pinaagi hin pagpriso ha imo, ngan mag-aantos ka sulod hin napulo ka adlaw. Sarig ha akon bisan kon unongan mo han imo kinabuhi, nga ihahatag ko ha imo an upa han pagdarag-an nga amo an kinabuhi.

Mga Salmo 119:46

Imo mga sugo igsumat ha mga kahadian, ngan diri gud ako kaaalohan.

1 Samuel 2:30

Hadto nga panahon nagsaad ako an Ginoo nga Dyos han Israel, nga mag-aalagad ha akon nga kapadian an imo panimalay ngan an imo banay ha ngatanan nga katuigan. Kundi yana nasiring ako nga diri ko na gud ini pagtutumanon nga akon saad. Papasidunggan ko lugod adton mga nagpapasidungog ha akon, ngan tatamayon ko adton mga nagtatamay ha akon.

Mateo 8:20

Ginbaton hiya ni Jesus, “May mga buho an mga miro, ngan may mga salag an katamsihan, kundi waray ngani hinihigdaan hin pagpahuway an Anak han Tawo.”