Lucas 12:5 - Samarenyo Meaning-Based Bible (1984)

⁵ Pakikitaon ko kamo han angay kahadlokan: kahadloki an Dyos nga kahuman niya pamatay, may gahom hin paglabog ha iyo ngadto ha impyerno!

Lucas 12:5 Iomraidhean Croise

2 Pedro 2:4

Waray kalooyi han Dyos an nagpakasala nga mga anghel, kundi iginlabog hira ngadto ha impyerno, diin ginkadenahan hira ha kasisidman, ngan naghuhulat hira han Adlaw han Paghukom.

Mateo 10:28

Ayaw kamo kahadlok han makakamatay han lawas, kundi diri makakamatay han kalag; asay lugod kahadloki niyo an Dyos nga makakamatay han kalag ngan han lawas didto ha impyerno.

Ginpadayag 14:7

Nagsiring hiya hin dako nga tingog: “Pasidunggi niyo an Dyos ngan dayawa an iya pagkaharangdon! Kay inmabot na an panahon nga maghuhukom hiya han katawhan. Pagsingba kamo ha iya nga naghimo han langit, tuna, dagat, ngan han mga burabod!”

Hebreo 10:31

Makalilisang an pagkahulog ngadto han mga kamot han buhi nga Dyos!

Mga Salmo 9:17

An kamatayon amo an dadangatan, han ngatanan nga mga tampalasan; ug amo gihapon an sangpotanan, hadton masalikway han Dyos nga katawhan.

Mga Darahonon 14:26

An pagtahod han Ginoo usa nga pagtapod ngan karig-onan han tawo ngan han iya panimalay.

Ginpadayag 20:14

Ngan iginlabog an kamatayon ngan an gin-uokyan han mga minatay ngadto han linaw han kalayo. (Ini nga linaw han kalayo amo ini an ikaduha nga kamatayon.)

1 Mga Taga-Tesalonica 4:6

Sanglit mahitungod hini, kinahanglan waray tawo nga magbuhat hin maraot ha iya bugto o mapanamastamas ha iya. Ginsumatan na kamo namon hini hadto pa, ngan ginpahimangno na liwat kamo nga pagsisirotan han Ginoo adton magbuhat hin sugad nga mga kasaypanan.

Mateo 25:41

“Niyan masiring hiya ngadto han mga tawo ha iya wala: ‘Iwas kamo nga ginpanhimaraot han Dyos! Pakadto kamo han kalayo nga diri mapaparong nga gin-andam para han Yawa ngan han iya mga anghel!

Ginpadayag 15:4

Hin-o in diri mahahadlok ha imo, O Ginoo? Hin-o in madiri pagpasangyaw han imo pagkagamhanan? Ikaw gud la an baraan. Makanhi ngan magsisingba ha imo an ngatanan nga kanasoran, kay hinkikit-an han ngatanan an imo magtadong nga mga buhat.”

Mateo 5:22

Kundi yana nasiring ako ha iyo: dadad-on ha hukmanan an bisan hin-o nga masina han iya bugto; dadad-on ha Labaw nga Hukmanan an bisan hin-o nga magbiaybiay han iya bugto; ngan an matawag han iya bugto, ‘Tuyawtuyaw ka;’ mahingangadto ha kalayo han impyerno!

Jeremias 5:22

Ako amo an Ginoo; kay ano nga diri kamo natahod ha akon? Kay ano nga diri kamo nakurog ha akon atubangan? Iginbutang ko an baybayon sugad nga pag-ultan han dagat, an usa nga dayon nga pag-ultan ngan diri ini matatabok. Bisan magrumpat ngan madagko an mga balod han dagat, diri gud malalapwas an pag-ultan.

Mateo 25:46

Sanglit ikakadto ini hira ha sirot nga waray kataposan; kundi mapakadto an mga magtadong ha dayon nga kinabuhi.”

Jeremias 10:7

Hin-o an diri magpapasidungog ha imo nga hadi han ngatanan nga kanasoran? Angay ka pagpasidunggan. Waray usa nga sugad ha imo dida han ngatanan nga mga makinaadmananon han kanasoran, o dida hin bisan hin-o han ira kahadian.

Marcos 13:23

Daan ko kamo ginsusumatan hini; sanglit pagbantay gud kamo.