Lucas 12:4 - Samarenyo Meaning-Based Bible (1984)

⁴ “Kasangkayan ko, susumatan ko kamo, ayaw kamo kahadlok hadton mga nakakamatay han lawas, kundi katapos waray na nira nahihimo.

Lucas 12:4 Iomraidhean Croise

Mga Darahonon 29:25

May kataragman an pagkabaraka han ginhuhunahuna ha imo han iba, kundi waray ka na kataragman kon sumarig ka han Ginoo.

Kanta han mga Kanta 5:1

Sinmulod ako ha akon tanaman, akon hinigugma, akon pangarasaw-on. Nanguha ako hin balsamo ug mirra; kinmaon ako han balayan nga puno hin dugos inminom ako han bino ug gatas. Kaon ngan inom, mga hinigugma, tubtob han iyo kahubog han gugma!

Kanta han mga Kanta 5:16

Matam-is paghadkan an iya baba; aada ha iya an ngatanan ko nga ungara. Amo ini hiya, an akon higugmaon, O kababayen-an han Jerusalem.

Isaias 41:8

“Kundi ikaw, Israel nga akon surugoon, amo kamo an mga tawo nga akon ginpili, an mga tulin ni Abraham nga akon sangkay.

Jeremias 1:17

Pag-andam, Jeremias; kadtoa ngan pagsumati hira han ngatanan nga ipinapagsumat ko ha imo. Ayaw kahadlok ha ira yana, kay kon diri, ikaw lugod an akon paghahadlokon kon kaupod ka na nira.

Jeremias 1:8

Ayaw kahadlok ha ira, kay aada ako ha imo hin pagpanalipod ha imo. Ako nga Ginoo an nagyakan!”

Ezequiel 2:6

“Kundi ikaw, anak hin tawo, kinahanglan diri ka mahadlok ha ira o hin bisan ano nga ira igyayakan. Aatohan ngan pagtatamayon ka nira; masusugad ini hin pag-ukoy ha butnga hin mga bungad. Ayaw gihapon kahadlok hito nga mga masupilon o hin bisan ano nga ira igyayakan.

Mateo 10:28

Ayaw kamo kahadlok han makakamatay han lawas, kundi diri makakamatay han kalag; asay lugod kahadloki niyo an Dyos nga makakamatay han kalag ngan han lawas didto ha impyerno.

Juan 15:13

An gidadakoi nga gugma nga maaangkon hin usa ka tawo tungod han iya kasangkayan, amo an pagtubyan han iya kinabuhi para ha ira.

Mga Buhat 20:24

Kundi waray ko pag-awili ini nga akon kinabuhi, basta matuman ko la an akon misyon, ngan mahuman ko an buruhaton nga iginhatag ha akon han Ginoo nga Jesus, nga amo an pagpahayag han Maupay nga Sumat mahitungod han grasya han Dyos.

Mga Buhat 4:13

Nahipausa an mga sakop han Labaw nga Hukmanan han kaisog nga ginpakita nira Pedro ug Juan, ngan han ira kasayod nga ordinaryo la ini nga mga tawo nga waray mga hibaro. Nasabtan nira nga mga kaupod-upod ngay-an hira ni Jesus.

Mga Taga-Filipos 1:28

Ayaw kamo kahadlok han iyo mga kaaway; dayuday magmadasigon kamo, ngan magpapakita ini ha ira nga ira an kapakyasan ngan iyo an pagdarag-an, kay an Dyos an nahatag han pagdarag-an!

Santiago 2:23

Ngan natuman an kasuratan nga nagsiring, “Tinmoo han Dyos hi Abraham ngan tungod han iya pagtoo, gin-isip han Dyos nga matadong hiya.” Sanglit gintawag hi Abraham nga sangkay han Dyos.

1 Pedro 3:14

Kundi bisan kon mag-antos kamo tungod hin pagbuhat hin maupay, pagkapalaran niyo! Ayaw kamo kahadlok han mga tawo, ngan ayaw kabaraka.

Ginpadayag 2:10

Ayaw kahadlok han bisan ano nga imo pag-aantoson. Pamati! Pagsasarihan ka han Yawa pinaagi hin pagpriso ha imo, ngan mag-aantos ka sulod hin napulo ka adlaw. Sarig ha akon bisan kon unongan mo han imo kinabuhi, nga ihahatag ko ha imo an upa han pagdarag-an nga amo an kinabuhi.