Lucas 12:2 - Samarenyo Meaning-Based Bible (1984)

² Mabubuksan an bisan ano nga tinahoban, ngan mahibabaroan an tagsa nga tinago.

Lucas 12:2 Iomraidhean Croise

Ecclesiastes 12:14

An Dyos an maghuhukom han ngatanan nga aton ginbubuhat, magmaupay o magmaraot, bisan an mga butang nga ginbuhat hin hilom.

Jeremias 16:17

Nakita ako han ngatanan nga ira ginbubuhat. Waray natatago tikang ha akon; nakita gud ako han ira mga sala.

Oseas 8:13

Naghahalad hira ha akon hin mga hayop nga tinubod ngan kinakaon nira an karne han mga halad. Kundi ako an Ginoo nga diri nalilipay ha ira, ngan yana hinunumdoman ko an ira mga sala ngan kakastigohon ko hira tungod hini; pababalikon ko hira ngadto ha Ehipto!

Marcos 4:22

Ipadadayag an natatago; bubuksan an natatahoban.

Lucas 8:17

An bisan ano nga tinago, ipadadayag; ngan an bisan ano nga tinahoban, ipahahayag.

Mga Taga-Roma 2:16

Sanglit sumala han Maupay nga Sumat nga akon iginwawali, amo ini an mahinanabo hito nga Adlaw, kon an Dyos pinaagi kan Jesu-Cristo, maghukom na han ngatanan nga tinago nga mga panhunahuna han mga tawo.

1 Mga Taga-Corinto 4:5

Sanglit ayaw kamo paghukom bisan kan kanay nga diri pa naabot an gintalaan nga panahon. Kinahanglan an kataposan nga paghukom humulat han pag-abot han Ginoo; ipapadayag niya an mga butang nga natatago yana dida han kasisidman, ngan bubuksan an tinago nga mga tinguha han kasingkasing han mga tawo. Ngan onina makarawat tikang han Dyos an tagsa nga tawo han pagdayaw nga angay ha iya.

2 Mga Taga-Corinto 5:10

Kay kinahanglan umatubang kita ngatanan kan Cristo basi paghukman kita niya. An tagsatagsa makarawat han angay ha iya, sumala han maupay o maraot nga iya nabuhat dinhe ha kalibutan.