Lucas 11:9 - Samarenyo Meaning-Based Bible (1984)

⁹ Sanglit nasiring ako ha iyo: pangaro, ngan makarawat kamo; pamiling, ngan nakakaagi kamo; pagtuktok, ngan aabrehan an porta ha iyo.

Lucas 11:9 Iomraidhean Croise

Mga Salmo 118:5

Ha butnga han akon mga pagkagupong, an Ginoo amo an gintawag nakon; ngan iya man ako gihapon ginbaton, ngan hiya gud adton nagtalwas ha akon.

Mga Salmo 27:4

Usa nga butang an akon pinangangaro, usa gud la an akon hinahangyo; nga mag-ukoy ako ha balay han Ginoo, ngatanan nga adlaw samtang buhi pa ako; basi mamalandong ako han iya kaupayan, ngan mangaro han iya kasalagdonan.

Mga Salmo 27:8

Pagsiring nimo, “Magsingba ka ha akon,” binmaton ako, “Akon ka dadaopon.”

Mga Salmo 34:10

Bisan mga liyon may'da pagkagutom, may'da nira pagkukulang hin pagkaon; kundi an ha Ginoo masinugtanon hin kaupayan diri gud kukulangon.

Mga Salmo 34:4

Nag-ampo ak' ngan ginbaton han Ginoo, gintalwas niya han tanan kahadlok ko.

Mga Salmo 50:15

Tawaga ako niyo kon naabot an kakurian; tatalwason ko kamo, ngan pagdadayawon ako niyo.”

Kanta han mga Kanta 5:6

Binuksan ko an porta para han akon higugmaon, kundi waray na hiya dida. Ungara ko gud hin pamati han iya tingog! Ginbiling ko hiya, kundi waray ko na hiagii; gintawag ko hiya, kundi waray na hiya bumaton.

Isaias 45:19

Waray ko tagoa an akon mga pulong, o an akon mga tuyo. Waray ako mag-ungara nga an mga tawo han Israel magbiling ha akon didto ha kamingawan. Ako amo an Ginoo, ngan nagyayakan ako han kamatuoran; iginpapahibaro ko an matadong.”

Jeremias 29:12

Niyan masangpit kamo ha akon. Madangop ngan mag-aampo kamo ha akon, ngan babatonon ko kamo.

Jeremias 33:3

“Sangpit ha akon ngan babatonon ko ikaw; pagsusumatan ko ikaw hin urosahon ngan makatitingala nga mga butang nga diri gud nimo hinbabaroan.

Daniel 9:3

Ngan nag-ampo ako hin kinasingkasing ngadto han Ginoo nga Dyos nga nakimalooy ako ha iya, nga nagpuasa ako, nagbado hin sako, ngan naglingkod ako dida hin mga agbon.

Mateo 21:22

Kon natoo kamo, kakarawaton niyo an bisan ano nga iyo pangaroon dida hin pag-ampo.”

Mateo 21:31

Hin-o man ha ira nga duha an nagtuman han karuyag han amay nira?” Binmaton hira, “An magurang.” “Susumatan ta kamo,” nagsiring hi Jesus ha ira. “An mga parasukot hin buhis ngan an magraot nga kababayen-an mahiuuna pa ha iyo hin pagsulod han Ginhadian han Dyos.

Mateo 6:29

Kundi nasiring ako ha iyo: bisan hi Solomon, dida han iya pagkamanggaranon, waray panapton nga sugad kamakaruruyag han usa hini nga mga bukad.

Marcos 11:24

Tungod hini nasiring ako ha iyo, ‘Bisan ano an pangaroon niyo dida ha pag-ampo, tuohi nga nakarawat na niyo, ngan tatagan kamo han bisan ano nga pangaroon niyo.

Marcos 13:37

Sanglit kon ano an igsisiring ko ha iyo, igsisiring ko liwat ha ngatanan: pagbantay kamo!”

Lucas 11:10

Kay makarawat an nangangaro, ngan makakaagi an namimiling, ngan aabrehan an porta ha iya nga nagtutuktok.

Juan 14:13

Ngan bubuhaton ko an bisan ano nga iyo pangaroon ha akon ngaran, basi pagdayawon an Amay pinaagi han Anak.

Juan 15:16

Waray kamo magpili ha akon; ako an nagpili ha iyo, ngan nagtudlok ha iyo nga magkalakat kamo ngan mamunga hin damo, mga bunga nga nagpapadayon. Sanglit ihahatag ha iyo han Amay an bisan ano nga iyo pangaroon ha iya, ha akon ngaran.

Juan 15:7

Kon magpabilin kamo didi ha akon, ngan magpabilin an akon mga pulong dida ha iyo, mangangaro kamo hin bisan ano nga inuungara niyo, ngan katutumanan kamo.

Juan 4:10

Nagbaton hi Jesus, “Kon maaram ka la han ihinahatag han Dyos, ngan kon hin-o hiya nga naaro ha imo hin pag-inom, mangangaro ka unta ha iya ngan tatagan ka niya hin tubig nga nahatag hin kinabuhi.”

Mga Taga-Roma 2:7

May-ada mga tawo nga nagpapadayon hin pagbuhat hin maupay ngan nangingita han himaya han Dyos, kadungganan, ngan kinabuhi nga waray kamatayon; ihahatag ha ira han Dyos an waray kataposan nga kinabuhi.

2 Mga Taga-Corinto 6:2

Pamatii an siring han Dyos: “Pinamatian ko ikaw ha pag-abot han igo nga takna pagpakita ha imo hin kalooy, Binuligan ko ikaw han pag-abot han adlaw hin pagtalwas ha imo.” Pamati! Amo ini an takna hin pagkarawat han kalooy han Dyos, amo yana an adlaw han katalwasan!

Hebreo 11:6

Waray gud tawo nga makakalipay han Dyos kon waray niya pagtoo. Kay an bisan hin-o nga nadangop han Dyos kinahanglan tumoo nga may-ada Dyos, ngan ini nga Dyos nagbabalos hadton mga nagbibiling ha iya.

Hebreo 4:16

Sanglit pagmadasigon ngan dangop kita han trono han Dyos, diin aadto an grasya basi karawaton naton an kaluoy ngan hiagian naton an grasya nga makakabulig ha panahon han aton pagkinahanglan.

Santiago 1:5

Kundi kon may-ada ha iyo kulang hin kinaadman, kinahanglan mag-ampo hiya sa Dyos nga diri gud magkakawang ha iya kay mahinatagon ngan maluloy-on an Dyos ha ngatanan.

Santiago 5:15

An pag-ampo nga inupdan hin pagtoo nagtatambal han masakiton; igpapahiuli han Ginoo an maupay niya nga panlawas, ngan pasasayloon hiya han iya mga sala.

1 Juan 3:22

Nakarawat kita tikang ha iya hin bisan ano nga aton pinangangaro, kay nagtutuman kita han iya mga sugo ngan nagbubuhat kita han nakakalipay ha iya.

Ginpadayag 2:24

“Kundi an iba ha iyo dida ha Tiatira waray magsunod hini nga mga magraot nga pagturon-an; waray niyo hibaroi an sinisiring han iba nga ‘makuri matugkad nga mga tinago ni Satanas.’ Nasiring ako ha imo nga diri ko na dudugangan an imo yana ginpapas-an.