Lucas 11:8 - Samarenyo Meaning-Based Bible (1984)

⁸ Niyan, ano man an imo bubuhaton? Susumatan ko kamo, bisan kon waray niya tuyo hin pagbuhat ngan paghatag ha imo hin tinapay, tungod nga sangkay ka man niya, kundi mabuhat na la hiya, ngan mahatag han ngatanan nga imo ginkikinahanglan, kay diri ka man naawod hin pagpadayon hin pag-inaro.

Lucas 11:8 Iomraidhean Croise

Genesis 32:26

Nagsiring an tawo, “Buhii na ako kay mapawa na.” “Diri ko ikaw bubuhian kon diri mo ako pagbendisyonan,” binmaton hi Jacob.

Lucas 11:7

Ngan kon pananglit magbaton an imo sangkay tikang ha sakob, ‘Ayaw na ako pagsamoka! Trangkado na an porta, ngan nangangahigda na an akon kabataan ug ako. Diri na ako makakabuhat hin paghatag ha imo hin bisan ano.’

Mga Taga-Roma 15:30

Inaaghat ko kamo, kabugtoan, pinaagi han aton Ginoo Jesu-Cristo ngan pinaagi han gugma nga ihinahatag han Espiritu: duyogi ako niyo hin kinasingkasing nga pag-ampo sa Dyos para ha akon.

2 Mga Taga-Corinto 12:8

Nag-ampo ako ha Ginoo makatulo mahitungod hini, ngan naghangyo nga kuhaon ini.

Mga Taga-Colosas 2:1

Tugoti ako hin pagsumat ha iyo han duro nga akon pagkabudlay para ha iyo, para han mga taga Laodicea, ngan para han ngatanan nga diri nakilala ha akon.

Mga Taga-Colosas 4:12

Nangungumosta liwat ha iyo hi Epafras nga usa pa nga kausa han iyo hugpo, ngan surugoon ni Cristo Jesus. Dayuday nag-aampo hiya para ha iyo, ngan nangangamuyo han Dyos nga magmarig-on kamo sugad hin mga hamtong ngan natataporan nga mga Cristianos dida hin tim-os nga pagsugot han kaburut-on han Dyos.

Mga Maghurukom 14:17

Nagtinangis hiya sulod han pito ka adlaw han kombite. Kundi dida han ikapito ka adlaw ginsumatan hiya ni Samson han kahulogan han tirigohon, kay sinasamokan na ha iya hi Samson. Niyan ginsumatan niya an mga Filisteohanon.

1 Samuel 1:12

Naiha an pag-inampoon ni Ana ngadto han Ginoo ngan gin-ininaw ni Eli an iya mga im-im.