Lucas 11:4 - Samarenyo Meaning-Based Bible (1984)

⁴ Pasayloa kami han amon nga sala, kay napasaylo man kami hadton mga makakasala ha amon. Ngan ayaw itugot nga mahingadto kami hin makuri nga pagsulay.’”

Lucas 11:4 Iomraidhean Croise

Genesis 48:16

Pagbendisyonan unta hira han anghel nga nagtalwas ha akon tikang han ngatanan nga karat-an! Mabuhi unta ha kadayonan an akon ngaran ngan an ngaran nira Abraham ug Isaac nga akon mga ginikanan pinaagi hini nga kabataan! Magkamay-ada unta hira damo nga mga anak, damo nga mga tulin!”

1 Hadi 8:34

pamatii hira didto ha langit. Pasayloa an mga sala han imo mga tawo ngan igbalik hira ngadto han tuna nga imo iginhatag ha ira kaapoy-apoyan.

1 Hadi 8:36

pamatii hira didto ha langit. Pasayloa an mga sala han hadi ngan han mga tawo han Israel ngan tutdoi hira hin pagbuhat han matadong. Niyan, O Ginoo, ipadara an uran nganhi hini nga imo tuna nga iginhatag mo ha imo mga tawo nga ira dayon nga panurundon.

Mga Salmo 121:7

Tikang han ngatanan mga kataragman, tatalwason ka han Dyos, pananalipdan.

Mga Salmo 25:11

Tumana an imo saad, O Ginoo, ngan pasayloa an akon mga sala, kay damo hira hin duro.

Mga Salmo 25:18

Hunahunaa an ngatanan ko nga kagul-anan ngan pag-antos ngan pasaylo-a an ngatanan ko nga mga sala.

Daniel 9:19

O Ginoo, pamatii kami. O Ginoo, pasayloa kami. O Ginoo, pamatii kami ngan buhat na gud! Ayaw na paglangan basi kumilala an ngatanan nga amo ka an Dyos! Imo ini nga syudad ngan ini nga katawhan.”

Oseas 14:2

Balik ngadto han Ginoo ngan ighalad niyo ha iya ini nga pag-ampo: “Pasayloa kami han ngatanan nga amon mga sala ngan karawta an amon pag-ampo, ngan pagdadayawon ka namon sumala han amon iginsaad.

Mateo 18:35

Ngan gintapos ni Jesus an pananglitan hin pagsiring, “Amo man ini an bubuhaton han akon Amay ha langit ha tagsa ha iyo, kon diri kamo magpasaylo han iyo bugto tikang han iyo kasingkasing.”

Mateo 26:41

Pagbantay ngan pag-ampo kamo, basi diri kamo mahulog ngadto hin kasulay. Andam an espritu, kundi maluya an lawas.”

Lucas 11:5

Nagsiring pa hi Jesus ha iya mga tinun-an, “Kon pananglitan usa ha iyo makadto ha balay hin sangkay ha katutnga hin gab-i, ngan masiring ha iya, ‘Sangkay, pahudma daw ako hin tulo ka bug-os nga tinapay.

Lucas 13:4

Ano man an hiunong han 18 nga nagkamatay ha Siloe, han kadat-ogi ha ira han lantawan? Naghuhunahuna ba kamo nga nagpapamatuod ini nga mas makasasala hira kay han iba nga mga tawo nga nag-uokoy ha Jerusalem?

Lucas 22:46

Ngan nagsiring hiya ha ira, “Kay ano nga nangangaturog kamo? Pagmata kamo ngan pag-ampo nga diri kamo masulay.”

Lucas 8:13

An binhe nga nataktak ha batoon nga tuna amo an namamati, kundi diri gud ini nakakapanggamot; natoo hira hin madaliay la, ngan nabaya kon naabot na an panahon hin pagsulay ha ira.

Juan 17:15

Diri ako nahangyo nga kuhaon mo hira ha kalibutan, kundi nga panalipdan mo hira han Yawa.

1 Mga Taga-Corinto 10:13

An ngatanan nga mga pagsulay nga inmabot ha iyo, amo ngahaw nga pagsulay nga naabot ha mga tawo. Kundi nagtutuman gud an Dyos han iya saad, ngan diri hiya matugot nga pagsulayon kamo labaw han iyo gahom hin pag-ato; ha takna nga pagsulayon kamo, tatagan kamo niya hin kusog hin pag-ato, basi matalwas kamo.

Mga Taga-Colosas 3:13

Pagsinabtanay kamo, ngan paggiparopasaylo kamo kon in usa ha iyo may-ada sumbong kontra hin iba. Kinahanglan maggiparupasaylo kamo, sugad han pagpasaylo ha iyo han Ginoo.

2 Mga Taga-Tesalonica 3:3

Kundi katataporan an Ginoo. Paririg-unon kamo niya ngan pananalipdan kamo han mga karat-an han Yawa.

2 Timoteo 4:18

Ngan tatalwason ako han Ginoo tikang han ngatanan nga karat-an, ngan dadad-on ako niya ngadto han iya langitnon nga Ginhadian. Ha iya an himaya ha kadayonan! Amen.

Santiago 2:13

Kay diri malolooy an Dyos kon maghukom na hiya han tawo nga waray pagkalooy. Kundi dinadaog gud han kalooy an paghukom.

Ginpadayag 2:10

Ayaw kahadlok han bisan ano nga imo pag-aantoson. Pamati! Pagsasarihan ka han Yawa pinaagi hin pagpriso ha imo, ngan mag-aantos ka sulod hin napulo ka adlaw. Sarig ha akon bisan kon unongan mo han imo kinabuhi, nga ihahatag ko ha imo an upa han pagdarag-an nga amo an kinabuhi.

Ginpadayag 3:10

Tungod kay gintipigan mo man an akon sugo hin pag-ilob, akon ta liwat ikaw pananalipdan ha panahon han kasamokan nga maabot nganhi ha kalibutan ha pagsori han mga tawo dinhe ha tuna.