Lucas 11:2 - Samarenyo Meaning-Based Bible (1984)

² Ginsiring hira ni Jesus, “Sugara hini an iyo pag-ampo: ‘Amay: Pagdayawon unta an imo baraan nga ngaran; maghadi ka unta ha amon.

Lucas 11:2 Iomraidhean Croise

1 Hadi 8:43

pamatii an iya pag-ampo. Pamatii hiya didto ha langit diin nag-uokoy ka, ngan buhata an iya ginhahangyo ha imo, basi kumilala ngan mahadlok ha imo an ngatanan nga mga tawo han kalibutan ngan magsugot hira ha imo sugad han ginbubuhat han imo mga tawo nga Israel. Niyan mahibabaro hira nga ini nga Templo nga akon gintindog amo an dapit nga angay pagsingbahan ha imo.

2 Hadi 19:19

Yana, O Ginoo nga amon Dyos, talwasa kami han mga taga-Asiria, basi mahibaro an ngatanan nga mga nasod han kalibutan nga hi ikaw la, O Ginoo, amo an Dyos.”

2 Cronicas 20:6

ngan nag-ampo hin dako nga tingog, “O Ginoo nga Dyos han amon kaapoy-apoyan, naghahadi ka tikang ha langit han ngatanan nga mga nasod han kalibutan. Gamhanan ngan makusog ka, ngan waray makakaato ha imo.

Mga Salmo 103:20

Kusgan nga mga anghel, dayawa an Ginoo, namamati, natuman han iya mga sugo.

Mga Salmo 108:5

O Dyos, ipahayag ha langit an imo pagkadako, ngan ha bug-os nga tuna an imo gahom!

Mga Salmo 11:4

Aada an Ginoo han baraan nga templo, ngan aadto ha langit an iya trono. Nagbabantay hiya han mga katawhan, ngan maaram hiya han ira binuhatan.

Mga Salmo 57:11

Ipakita ha langit an imo kaharangdon, O Dyos, ngan ha bug-os nga tuna an imo kadungganan!

Ecclesiastes 5:2

Panhunahuna anay san-o ka magyakan, ngan ayaw pagdalidali hin pagsaad sa Dyos. Aadto hiya ha langit ngan aanhi ka ha tuna, sanglit ayaw pagyakan labaw han angay mo igyakan.

Isaias 63:16

Ikaw an amon amay. Diri makilala ha amon hira Abraham ug Jacob nga amon kaapoy-apoyan, kundi ikaw, O Ginoo, amo an amon amay nga dayuday nagtutubos ha amon.

Ezequiel 36:23

Kon ipakita ko na ngadto han mga nasod an pagkabaraan han akon harangdon nga ngaran nga iyo ginpakaalohan ha butnga nira, niyan makilala hira nga ako amo an Ginoo. Ako nga Ginoo nga Dyos an nagyakan. Gagamiton ko kamo hin pagpakita ngadto han mga nasod nga baraan ako.

Daniel 2:28

Kundi may usa nga Dyos didto ha langit nga nagpapadayag hin mga makuri matukib nga mga butang. Ginpahibaro niya ha imo, Harangdon nga Hadi, an mahinanabo ha tiarabot nga mga panahon. An imo inop ug panan-awon nga imo nakita samtang nakaturog kay amo ini:

Daniel 2:44

Sulod han panahon hini nga mga punoan, pagtitindogon han Dyos han langit in usa nga ginhadian nga diri gud matatapos. Diri gud ini madadaog, kundi amo ini an magbubungkag han ngatanan nga mga ginhadian, ngan magpapabilin ini ha dayon nga mga katuigan.

Daniel 7:18

Kundi makarawat hin hadianon nga gahom an katawhan han Gilalabawi nga Dyos ngan titipigan ini nira ha dayon nga katuigan.”

Daniel 7:27

Ighahatag ngadto han katawhan han Gilalabawi nga Dyos an kusog ngan pagkagamhanan han ngatanan nga mga ginhadian dinhe ha tuna. Diri gud matatapos an ira hadianon nga gahom, ngan mag-aalagad ngan magsusugot ha ira an ngatanan nga mga punoan dinhe ha tuna.”

Oseas 14:2

Balik ngadto han Ginoo ngan ighalad niyo ha iya ini nga pag-ampo: “Pasayloa kami han ngatanan nga amon mga sala ngan karawta an amon pag-ampo, ngan pagdadayawon ka namon sumala han amon iginsaad.

Levitico 10:3

Niyan nagsiring hi Moises kan Aaron, “Amo ini an iginhimangraw han Ginoo han iya pagsiring, ‘Kinahanglan magtahod han akon pagkabaraan an ngatanan nga nag-aalagad ha akon; igpapadayag ko an akon himaya ngadto han akon mga tawo.’” Kundi hinmilom la hi Aaron.

Levitico 22:23

Makakaghalad kamo hin hayop nga may kulang o diri hingpit nga kaporma ha iya lawas sugad nga iyo kaburot-on nga halad, kundi diri ini kakarawton ha pagtuman hin usa nga saad.

Habacuc 2:14

Kundi maluluob an tuna han hibaro han himaya han Ginoo sugad nga puno hin tubig an kadagatan.

Mateo 10:32

“Aangkonon ko man ha atubangan han akon Amay ha langit an bisan hin-o nga magpadayag ha kadam-an nga akon hiya.

Mateo 3:2

Nagsiring hiya, “Magbasol ngan bayai an iyo mga sala kay hirani na an Ginhadian han langit.”

Mateo 5:16

Ha sugad nga paagi, kinahanglan an iyo suga magmapawa ha atubangan han mga tawo, basi hikit-an nira an iyo maupay nga buhat, ngan pagdayawon nira an Amay niyo ha langit.

Lucas 11:1

Usa ka panahon nag-ampo hi Jesus didto hin usa nga dapit. Kahuman na niya, nagsiring ha iya in usa han iya mga tinun-an, “Ginoo, tutdoi daw kami hin pag-ampo, sugad gud nga nagtutdo hi Juan han iya mga tinun-an.”

Mga Taga-Roma 1:7

Sanglit nagsusurat ako ha iyo ngatanan nga aada ha Roma, nga mga hinigugma han Dyos ngan gintawag nga magin iya kalugaringon nga mga tawo: Tagan unta kamo han Dyos nga aton Amay ngan han Ginoo Jesu-Cristo han grasya ngan han kamurayaw.

Mga Taga-Roma 8:15

Kay an Espiritu nga iginhatag han Dyos ha iyo diri mag-ooripon ha iyo ngan diri maghahadlok ha iyo; lugod hihimoon kamo han Espiritu nga mga anak han Dyos, ngan pinaagi han gahom han Espiritu matawag kita han Dyos, “Amay ko!”

1 Mga Taga-Corinto 1:3

An Dyos nga aton Amay ngan an aton Ginoo Jesu-Cristo maghatag unta ha iyo han grasya ug kamurayaw.

2 Mga Taga-Corinto 1:2

Ihatag unta ha iyo han Dyos nga aton Amay ngan han Ginoo Jesu-Cristo an grasya ug an kalinaw.

Mga Taga-Galacia 1:4

Naghatag hi Cristo han iya kalugaringon para han aton mga sala, hin pagtuman han kaburut-on han aton Dyos ngan Amay, basi matalwas kita hini yana nga maraot nga panahon.

Mga Taga-Efeso 1:2

Tagan unta kamo han Dyos nga aton Amay ngan han Ginoo Jesu-Cristo hin grasya ngan kamurayaw.

Mga Taga-Filipos 1:2

Tagan unta kamo han Dyos nga aton Amay ngan han Ginoo Jesu-Cristo han grasya ug kamurayaw.

Mga Taga-Filipos 4:20

Ngadto han aton Dyos nga Amay an himaya nga waray kataposan. Matuman kunta.

Mga Taga-Colosas 1:2

Ngadto han mga tawo han Dyos ha Colosas, nga mga matinumanon nga kabugtoan nga kausa naton dida kan Cristo: Ihatag unta ha iyo han Dyos nga aton Amay an grasya ngan an kamurayaw.

1 Mga Taga-Tesalonica 1:1

Tikang kan Pablo, Silas ug Timoteo— Ngadto han mga kaapi han singbahan ha Tesalonica, nga mga sakop han Dyos nga Amay ngan han Ginoo Jesu-Cristo: Maiyo unta an grasya ngan an kamurayaw.

1 Mga Taga-Tesalonica 1:3

Kay gindudumdom namon ha atubangan han aton Dyos ngan Amay an ginpapakita han iyo mga mag-upay nga buhat tungod han iyo pagtoo, an kamaduruto niyo tungod han mapaso niyo nga gugma, ngan an karig-on han iyo paglaom dida han aton Ginoo Jesu-Cristo.

2 Mga Taga-Tesalonica 2:16

An aton Ginoo Jesu-Cristo ngahaw, ngan an Dyos nga aton Amay nga nahigugma ha aton, ngan nahatag ha aton han dayon nga kadasig ngan maupay nga paglaom pinaagi han iya grasya magpuno unta han iyo mga kasingkasing hin kadasig ngan magrig-on unta ha iyo hin pagbuhat ngan pagyakan han ngatanan nga maupay.

Ginpadayag 11:15

Niyan nagpatunog han iya trompeta an ikapito nga anghel, ngan nagka may-ada dagko nga mga tingog ha langit nga nasiring, “An gahom hin paghadi han kalibutan iya na yana han aton Ginoo ngan han iya Cristo, ngan maghahadi hiya ha kadayonan!”

Ginpadayag 15:4

Hin-o in diri mahahadlok ha imo, O Ginoo? Hin-o in madiri pagpasangyaw han imo pagkagamhanan? Ikaw gud la an baraan. Makanhi ngan magsisingba ha imo an ngatanan nga kanasoran, kay hinkikit-an han ngatanan an imo magtadong nga mga buhat.”

Ginpadayag 19:6

Ngan hinbatian ko in sugad hin damo nga mga tawo, sugad han haganas hin makusog nga busay, sugad hin mga dinaguhob hin dalugdog. Hinbatian ko hira nga nasiring, “Dayawon an Dyos! Kay Hadi an Ginoo, nga aton Dyos nga Labi Kamakagarahum!

Ginpadayag 20:4

Niyan hinkit-an ko in mga trono, ngan adton mga nalingkod hini nga mga trono tinagan hin gahom hin paghukom. Hinkit-an ko liwat an mga kalag hadton mga pinanmatay tungod nga iginpasangyaw nira an kamatuoran nga ginpadayag ni Jesus ngan an pulong han Dyos. Waray ini hira magsingba han mapintas nga mananap, o han ladawan hini, o kumarawat han tigaman han mapintas nga mananap ha ira mga agtang o mga kamot. Nagkababanhaw hira ngan naghadi upod kan Cristo sulod hin usa ka yukot ka tuig.