Lucas 10:9 - Samarenyo Meaning-Based Bible (1984)

⁹ tambala niyo an mga magsakit didto hito nga bungto, ngan sidnga an mga tawo, ‘Haraniay na ha iyo an Ginhadian han Dyos.’

Lucas 10:9 Iomraidhean Croise

Daniel 2:44

Sulod han panahon hini nga mga punoan, pagtitindogon han Dyos han langit in usa nga ginhadian nga diri gud matatapos. Diri gud ini madadaog, kundi amo ini an magbubungkag han ngatanan nga mga ginhadian, ngan magpapabilin ini ha dayon nga mga katuigan.

Mateo 3:2

Nagsiring hiya, “Magbasol ngan bayai an iyo mga sala kay hirani na an Ginhadian han langit.”

Mateo 4:17

Tikang hadto nagtikang hi Jesus hin pagwali, “Bayai niyo an iyo mga sala, kay hirani na an Ginhadian han langit!”

Marcos 4:30

“Ano ba an aton ikatatanding han Ginhadian han Dyos?” nagpakiana hi Jesus. “Ano nga pananglitan an sadang naton gamiton hin pagsaysay hini?

Marcos 6:13

Nagpaiwas hira hin damo nga mga yawa, ngan nagdihog hira hin lana ha damo nga mga magsakit, ngan gin-upay nira hira.

Lucas 10:10

Kundi kon sumulod kamo hin bungto ngan diri kamo karawaton, kadto kamo ha kadalanan ngan siring,

Lucas 10:11

‘Ginpapadpad namon kontra ha iyo bisan an tapotapo han iyo bungto nga nadukot ha amon mga tiil; kundi tigamni ini, haraniay na ha iyo an Ginhadian han Dyos!’

Lucas 9:2

Niyan ginsugo niya hin pagwali han Ginhadian han Dyos ngan pagtambal han mga magsakit.

Juan 3:3

Nagbaton hi Jesus, “Susumatan ko ikaw hin tinuod: waray tawo nga makakakita han Ginhadian han Dyos, labot kon matawo na liwat hiya.”

Juan 3:5

Nagbaton hi Jesus, “Susumatan ko ikaw hin tinuod: waray tawo nga makakasulod han Ginhadian han Dyos labot kon matawo hiya pinaagi hin tubig ngan han Espiritu.

Mga Buhat 28:28

Ngan gintapos ni Pablo hin pagsiring, “Sanglit kinahanglan hibaroan niyo nga iginpadara na ha mga Hentil an mensahe han katalwasan han Dyos. Mamamati gud hira!” [

Mga Buhat 28:31

Nagwali hiya mahitungod han Ginhadian han Dyos, ngan nagtutdo hiya mahitungod han Ginoo nga Jesu-Cristo. Dayag an iya pagtutdo ngan waray na niya paghialang ngan waray na niya nahadlok.