Lucas 10:7 - Samarenyo Meaning-Based Bible (1984)

⁷ Pabilin dida hito ngahaw nga balay; kaon ngan inom han ira idudurot ha iyo, kay an magburudlay takos han iya suhol. Ayaw kamo pagbinurobalhin hin urokyan.

Lucas 10:7 Iomraidhean Croise

Numero 18:31

Kamo ngan han iyo mga panimalay makakahimo hin pagkaon han nahisalin ha bisan diin nga dapit, kay mga suhol ini ha iyo tungod han iyo pag-alagad ha sakob han Tulda.

Marcos 6:10

Gintugon pa hira, “Kon diin kamo nga balay karawata ngan pasak-a pabilin kamo dida ngahaw tubtob han iyo pagbaya hito nga dapit.

Lucas 10:6

Kon naukoy didto in tawo nga murayaw an kinabuhi, ibilin ha iya an iyo ginpamulong nga kamurayaw; kon diri, bakwia an iyo ginpamulong nga kamurayaw.

Lucas 9:4

Kon karawaton kamo, pabilin dida hito nga balay ngada han pagbaya niyo han bungto;

Mga Buhat 16:15

Ginbunyagan hiya ngan an bug-os niya nga panimalay. Gindapit kami niya hin pagsiring, “Kon gin-iisip man ako niyo nga tinuod nga matinuohon han Ginoo, didi kamo saka ha akon balay.” Ngan waray gud hiya pabaribad.

Mga Buhat 16:34

Kahuman ginpauswag niya hira Pablo ug Silas ngadto han iya balay ngan gindurotan hira hin pagkaon. Malipayon na hiya ngan an iya panimalay kay tinmoo na man hira han Dyos.

Mga Buhat 16:40

Ginmawas han prisohan hira Pablo ug Silas ngan napakadto han balay ni Lydia. Didto iginkita nira an mga magtinuohon, ira gindasig hira hin mga pulong, ngan kahuman, ginmikan hira.

Mga Taga-Galacia 6:6

An tawo nga gintututdoan han Cristiano nga mensahe, kinahanglan magpaangbit han iya magturutdo han ngatanan nga mag-upay nga mga butang niya.

Deuteronomio 12:12

Pagmalipayon kamo didto ha iya atubangan kaupod han iyo mga anak, mga surugoon, ngan han mga Levita nga nag-uokoy didto han iyo mga bungto; hinumdomi niyo nga diri magtatag-iya an mga Levita hin tuna nga ira kalugaringon.

Deuteronomio 18:8

Makarawat hiya hin pareho kadamo nga pagkaon nga kinakarawat han iba nga kapadian, ngan makakagtipig hiya han bisan ano nga ipadara ha iya han iya panimalay.

1 Timoteo 5:13

Mahibabaro liwat hira pagkarag han ira panahon hin pagpinanungbalay; kundi labaw pa kamaraot, mahibabaro hira paglinibak ngan pagyinubit, pagyinakan hin mga butang nga diri kaangayan.

2 Timoteo 2:6

An parauma nga nagkabudlay hin dako kinahanglan amo an makaangkon han syahan nga bahin han inani.