Lucas 10:4 - Samarenyo Meaning-Based Bible (1984)

⁴ Ayaw kamo pagdara hin supot o surudlan hin limos o sandalyas; ayaw kamo pakigbali bisan kan kanay dida ha dalan.

Lucas 10:4 Iomraidhean Croise

Genesis 24:33

Han gindudurot na an pagkaon, nagsiring an tawo, “Diri ako makaon kon diri ko igsumat anay an kinahanglan ko igyakan.” Nagsiring hi Laban, “Ayaw paghialang, pagyakan.”

Genesis 24:56

Kundi nagsiring an surugoon, “Ayaw na kami paghawiri. Ginpauswag han Ginoo an akon paglakat; pabalika na ako ngadto han akon agaron.”

2 Hadi 4:24

Ngan ginpamunturahan niya an asno ngan ginsiring an surugoon, “Palaksiha an asno ngan ayaw pagpahinaya, kon diri ko ikaw sidngon.”

2 Hadi 4:29

Inmatubang kan Gihasi hi Eliseo ngan ginsiring, “Dali! Dad-a an akon tungkod ngan lakat dayon. Ayaw gud pakighimangraw bisan kanay nga imo igkasugat, ngan ayaw pagbaton kon may magpakiana ha imo. Pasingadto dayon han balay ngan ipadapat ha bawbaw han bata an akon tungkod.”

Mga Darahonon 4:25

Siplat hin matadong upod in tangkod nga pagtapod; ayaw pagtamod hin kaawod.

Marcos 6:7

Gintirok niya an dose nga mga tinun-an, ngan iya ginsugo hin padispadis. Tinagan niya hira hin gahom hin pakadaog han mga yawa

Lucas 22:35

Ngan nagsiring hi Jesus ha ira, “Han pagsugoa ko ha iyo hadto nga waray pitaka, supot nga surudlan hin limos, o sandalyas, nagkulang ba kamo hin bisan ano?” “Waray,” nagbaton hira.

1 Samuel 21:8

Nagsiring hi David kan Ahimelec, “May-ada ba nimo bangkaw o espada nga ikakahatag ha akon? Uraura hin kaapiki an sugo han hadi nga waray ko na ngani panahon hin pagkuha han akon espada o hin bisan ano nga hinganiban.”