Lucas 10:3 - Samarenyo Meaning-Based Bible (1984)

³ Kadto na! Ginsusugo ta kamo sugad hin mga karnero ha butnga hin mga lubo.

Lucas 10:3 Iomraidhean Croise

Mga Salmo 22:21

Bawia ako tikang hini nga mga liyon; waray ko gud mahihimo hini nga ihalas nga mga todo.

Sofonias 3:3

An iya mga punoan sugad na la hin mag-isog nga mga liyon; an iya mga maghurukom sugad na la hin gutom nga mga lubo, nga uraura hin kalamot nga kinakaon pati tul-an nga waray salin ha pagkaaga.

Mateo 10:16

“Pamati kamo! Sinusugo ko kamo sugad hin mga karnero ngadto ha panon hin mga lubo. Sanglit kinahanglan mag-ikmat kamo sugad hin mga halas ngan magmalumo kamo sugad hin sarapati.

Mateo 10:22

Pagdudumtan kamo han ngatanan tungod ha akon, kundi matatalwas an magpailob tubtob ha kataposan.

Mateo 7:15

“Pag-ikmat kamo han buwaon nga mga manaragna; napahirani hira ha iyo sugad hin mga karnero pagkit-on, kundi balitaw, ha sulod, sugad gud hira hin magbangis nga mga lubo.

Lucas 10:4

Ayaw kamo pagdara hin supot o surudlan hin limos o sandalyas; ayaw kamo pakigbali bisan kan kanay dida ha dalan.

Juan 10:12

An sinuholan la, kay diri magmarangno ngan diri tag-iya han mga karnero, nabaya ha ira ngan nakalagiw kon nakita hiya hin lubo; sanglit tinatabag han lubo an mga karnero ngan nagsasarang hira.

Juan 15:20

Hinumdomi an iginsiring ko ha iyo: ‘Waray oripon nga labaw han iya agaron.’ Kon ginpakurian ako nira, pagpapakurian man liwat kamo nira; kon gintuman nira an akon mensahe, pagtutumanon man liwat nira an iyo mensahe.

Juan 16:2

Paiiwason kamo nira ha ira mga sinagoga. Maabot an panahon nga an magpapatay ha iyo makakahunahuna nga nag-aalagad hiya han Dyos.

Mga Buhat 20:29

Maaram ako nga kon tumalikod na ako, maabot in mga tawo nga sugad hin magbangis nga mga mananap, nga magpapasarang han panon.

Mga Buhat 9:16

Ngan ako ngahaw an magpapakita ha iya han ngatanan nga iya pag-aantoson tungod ha akon.”

Mga Buhat 9:2

ngan nangaro hin mga surat nga magpapakilala ha iya didto ha mga sinagoga han mga Judiyo ha Damasco, basi kon hiagian niya didto in bisan hin-o nga lalake o babaye nga mga sakop han Dalan han Ginoo, makakahimo hiya hin pagdakop ngan ibabalik niya ngadto ha Jerusalem.