Lucas 10:2 - Samarenyo Meaning-Based Bible (1984)

² Nagsiring hiya ha ira, “Damo an aranihon, kundi gutiay la an mga mag-arani. Sanglit pag-ampo kamo han tag-iya han aranihon nga magpadara hiya hin mga mag-arani ngadto han iya aranihon.

Lucas 10:2 Iomraidhean Croise

1 Hadi 18:22

Niyan nagsiring hi Elias, “Ako nala an nahisasalin nga manaragna han Ginoo, kundi may-ada 450 nga mga manaragna hi Baal.

Mga Salmo 68:11

An Ginoo nga Dyos naghatag han sugo, ngan ginsumat ini'n babaye nga damo:

Jeremias 3:15

Tatagan ko kamo hin mga punoan nga magsusugot ha akon, ngan maghahadi hira ha iyo nga makinaadmananon ngan masinaboton.

Zacarias 11:17

Maghihingaraot ito nga waray pulos nga magmarangno! Ginbayaan niya an iya panon. Mawawaray hiya gahom tungod hin araway. Maluya na an iya butkon ngan mabubuta an iya tuo nga mata.”

Zacarias 11:5

Naihaw an mga tag-iya han ira karnero ngan diri la ini hira ginsisirotan. Iginbabaligya nira an karne hini ngan nasiring, ‘Pagdayawon an Ginoo! Mga riko na kami!’ Waray pagkalooy han mga karnero bisan an ira kalugaringon nga mga magmarangno.” (

Numero 11:17

Malusad ako ngan makikighimangraw ako ha imo, ngan babahinan ko hira han espiritu nga akon iginhatag ha imo. Niyan makakabulig na hira ha imo hin pagtuman han katungdanan para hini nga mga tawo, ngan diri ka na maglulugaring hin pagdumara ha ira.

Numero 11:29

Binmaton hi Moises, “Nababaraka ka ba tungod han akon kaupayan? Ihatag unta han Ginoo an iya espiritu ngadto han ngatanan niya nga mga tawo, ngan paguliaton hira ngatanan sugad hin mga manaragna!”

Mateo 20:1

“An Ginhadian han langit sugad han tag-iya hin uma hin mga ubas nga timprano pa ha aga linmakat pangita hin mga tawo nga iya susuholan hin pagtrabaho ha iya urubasan.

Marcos 13:34

Sugad ini hin tawo nga binmaya han iya panimalay ngan linmakat ha kahigrayoan. Igintapod niya an pagdumara han iya panimalay ha iya mga surugoon, an tagsa ha iya kalugaringon nga buruhaton; ngan gintugon niya an bantay han portahan nga dayuday mag-ikmat hiya.

Marcos 16:15

Nagsiring hiya ha ira, “Kadto kamo ha bug-os nga kalibutan ngan igwali niyo an Maupay nga Sumat ha ngatanan nga katawhan.

Marcos 16:20

Nagkalakat an mga tinun-an ngan nagwali ha ngatanan nga dapit. An Ginoo kaupod nira dida ha ira mga buhat ngan an ira iginwali ginpadig-on pinaagi han mga milagro nga ira ginbuhat.] [

Lucas 9:1

Gintirok ni Jesus an 12 nga mga tinun-an ngan gintagan hira hin gahom hin pagpagawas han ngatanan nga mga yawa ngan pagtambal han mga sakit.

Mga Buhat 11:19

Nagsarang an mga magtinuohon tungod han pagpakurii ha ira nga nahinabo han pagpataya kan Esteban. Nahingadto in pira ha ira ha Fenicia, ha Cipre, ngan ha Antioquia, nga nagsusumat hira han mensahe ngadto la han mga Judiyo.

Mga Buhat 13:2

Samtang nag-aalagad hira han Ginoo ngan nagpupuasa, nagsiring ha ira an Espiritu Santo, “Laina para ha akon hira Bernabe ug Saulo para hin pagtuman han buruhaton nga iginhatag ko ha ira, nga amo an hinungdan han pagtawga ko ha ira.”

Mga Buhat 13:4

Tungod nga ginsugo man han Espiritu Santo hira Bernabe ug Saulo, kinmadto hira ha Seleucia ngan tikang didto nagsakay hira ngadto ha puro han Cipre.

Mga Buhat 20:28

Bantayi niyo an iyo kalugaringon ngan sugad man an bug-os nga panon nga igintapod ha iyo han Espiritu Santo. Mangnoi niyo an singbahan han Dyos nga gin-angkon niya pinaagi han kamatayon han iya kalugaringon nga Anak.

Mga Buhat 22:21

Ngan nagsiring ha akon an Ginoo, ‘Lakat kay susugoon ko ikaw ha higrayo nga mga dapit, ngadto han mga Hentil.’”

Mga Buhat 8:4

An nagkaburublag nga mga magtinuohon napakadto ha magkalainlain nga dapit ngan nagpasangyaw han mensahe.

1 Mga Taga-Corinto 12:28

Sanglit ha singbahan iginpahimutang han Dyos an ngatanan sugad han ira pagkasunodsunod: syahan, mga apostoles; ikaduha, mga manaragna; ngan ikatulo, mga magturutdo; ngan nasunod an magburuhat hin mga milagro, sinusundan han mga gintagan hin gahom hin panambal, o pagbulig han iba, o pagwaydong ha ira, o pagyakan hin lain nga mga pinulongan.

1 Mga Taga-Corinto 15:10

Kundi tungod han grasya han Dyos nahimo ako nga amo ako yana, ngan waray makawang an grasya nga iginhatag ha akon. Lugod nakagbuhat ako hin labaw pa kay han iba nga mga apostoles, bisan kon ha tinuod, diri adto akon kalugaringon nga buhat, kundi an grasya han Dyos nga nagbubuhat pinaagi ha akon.

2 Mga Taga-Corinto 6:1

Sanglit sugad nga mga kabulig kami han Dyos, nahangyo kami ha iyo nga diri niyo karagan an iyo nakarawat nga grasya han Dyos.

Mga Taga-Filipos 2:21

An tagsa namamalanga la han ira kalungaringon nga kaupayan, diri an kan Jesu-Cristo.

Mga Taga-Filipos 2:25

Nakahunahuna ako nga kinahanglan ipadara ko ha iyo hi Epafrodito, an aton bugto, nga akon kabulig ngan kausa nga amo an iyo ginpakadi hin pagbulig ha akon.

Mga Taga-Filipos 2:30

kay nahingada ha dako nga kataragman an iya kinabuhi ngan harapit hiya mamatay, tungod han ginpabuhat ni Cristo, basi makabulig ha akon nga kamo ngahaw waray hini makahimo.

Mga Taga-Colosas 1:29

Basi mahimo ini, nagkakabudlay ug naniningkamot gud ako, ngan ginagamit ko an kusog nga iginhahatag ni Cristo ha akon ngan amo ini an nagbubuhat dinhe ha akon.

Mga Taga-Colosas 4:12

Nangungumosta liwat ha iyo hi Epafras nga usa pa nga kausa han iyo hugpo, ngan surugoon ni Cristo Jesus. Dayuday nag-aampo hiya para ha iyo, ngan nangangamuyo han Dyos nga magmarig-on kamo sugad hin mga hamtong ngan natataporan nga mga Cristianos dida hin tim-os nga pagsugot han kaburut-on han Dyos.

1 Mga Taga-Tesalonica 2:9

Kabugtoan, waray ruhaduha nga nahinunumdom pa kamo han amon mga pagkabudlay ngan pagginuol! Nagbudlay kami adlaw—gab-i, basi diri kami makasamok ha iyo samtang nagwawali kami ha iyo han Maupay nga Sumat nga tikang han Dyos.

1 Mga Taga-Tesalonica 5:12

Kabugtoan, nahangyo kami ha iyo nga tahoron niyo hin kaangayan adton mga nagbubuhat dida ha iyo, hira nga ginpile han Ginoo pagmando ngan pagtutdo ha iyo.

2 Mga Taga-Tesalonica 3:1

Ha kataposan, kabugtoan, pag-ampo kamo para ha amon, basi an mensahe han Ginoo magmadali hin paghisangyaw ngan tagan hin kadungganan sugad gud han nahinabo dida ha iyo.

1 Timoteo 4:10

Amo man ngani nga nanlilimbasog ngan nagbubuhat kita, kay aada an aton paglaom han buhi nga Dyos nga amo an Magtaralwas han ngatanan nga mga tawo, ngan labi na gud han mga natoo.

2 Timoteo 4:5

Kundi kinahanglan dayuday pugngan mo an imo kalugaringon; antosa an kakurian, buhata an imo ka magwarali han Maupay nga Sumat, ngan tumana an imo mga buruhaton sugad nga surugoon han Dyos.

Filemon 1:1

Tikang kan Pablo, nga binilanggo tungod kan Cristo Jesus, ngan tikang kan Timoteo nga aton bugto— Ngadto kan Filemon nga amon sangkay ngan kausa ha pagbuhat,

Hebreo 3:6

Kundi matinumanon hi Cristo ha iya pagkaanak nga ginhimo nga tinaporan han balay han Dyos. Kita amo an iya balay, kon ipadayon naton an aton kadasig ngan pagtapod han mga butang nga aton ginlalaoman.

Ginpadayag 2:1

“Isurat ini ngadto han anghel han singbahan ha Efeso: “Amo ini an tugon tikang ha iya nga nakapot han pito nga mga bitoon ha iya tuo nga kamot, ngan naglalakat ha butnga han pito nga mga bulawan nga burutangan hin suga.