Lucas 1:6 - Samarenyo Meaning-Based Bible (1984)

⁶ Matadong hira nga duha ha atubangan han Dyos, ngan matinumanon han ngatanan nga mga sugo ngan mga turumanon han Ginoo.

Lucas 1:6 Iomraidhean Croise

Genesis 17:1

Han 99 na an panuigon ni Abram, pinmakita ha iya an Ginoo ngan nagsiring, “Amo ako an Dyos nga Labi Kamakagarahum. Pagsugta ako ngan dayuday pagbuhata an matadong.

Genesis 6:9

Amo ini an susumaton mahitungod kan Noe. May-ada hiya tulo nga mga anak nga kalalaken-an: hira Sem, Ham, ug Jafet. Matadong nga tawo hi Noe ha atubangan han Dyos ngan maupay gud nga tawo hadto nga panahon. Nag-ukoy hiya hin kinabuhi nga nakalipay han Dyos,

Genesis 7:1

Nagsiring an Ginoo kan Noe, “Sulod ngadto han arka upod an imo bug-os nga panimalay. Hinkit-an ko nga ikaw gudla dinhe ha bug-os nga kalibutan an matadong nga tawo.

1 Hadi 15:5

Ginbuhat ini han Ginoo kay ginbuhat ni David an nakalipay ha iya ngan waray gud hiya sumupak hin bisan ano han iya mga sugo, labot la han kaso hiunong kan Urias nga Hiteohanon.

1 Hadi 9:4

Kon mag-alagad ka ha akon ha katangkod ngan kaligdong sugad han pag-alagad ni David nga imo amay, ngan kon pagtumanon mo an ngatanan nga akon iginsugo ha imo ngan magsugot han akon mga balaod,

2 Hadi 20:3

“Hinumdomi, O Ginoo, nga nag-alagad ako ha imo nga matinumanon ngan maunongon, ngan dayuday gintuman ko an karuyag mo ipabuhat ha akon.” Ngan nagtangis hiya hin duro.

2 Cronicas 17:4

Gin-alagad niya an Dyos han iya amay, ginsugot an mga sugo han Dyos, ngan waray niya pagsubara an mga binuhatan han kahadian han Israel.

An Basahan ni Job 1:1

May hadto tawo nga Job an ngaran, nga nag-ukoy didto han tuna han Uza. Matadong an iya kinabuhi ug ginsingba niya an Dyos. Waray gud may nakakasoson han iya kinabuhi ngan mahirot hiya basi diri hiya makabuhat hin bisan ano nga maraot.

An Basahan ni Job 1:8

Nagpakiana an Ginoo, “Hinkit-an mo ba hi Job nga akon surugoon? Waray gud usa dida ha tuna nga makakasugad ha iya hin kamatinumanon ngan kamaupay. Masingbahon hiya ha akon ngan mahirot hiya basi diri hiya makabuhat hin bisan ano nga maraot.”

Mga Salmo 119:6

Kon an ngatanan nga sugo akon pagsundon, an kaawod ug kaalo diri ko maaangkon.

Lucas 1:7

Waray nira anak kay baw-as hi Elisabet, ngan mga lagas na kaupay hira nga duha.

Lucas 16:15

Nagsiring hi Jesus ha ira, “Amo kamo an nagpapakamatadong ha atubangan han mga tawo, kundi maaram an Dyos han iyo mga kasingkasing. Kay an gin-iisip nga mahal hin duro han mga tawo waray la pulos ha atubangan han Dyos.

Lucas 2:25

Niyan, may-ada tawo nga nag-uokoy ha Jerusalem, nga Simeon an ngaran. Maupay ngan mainampoon hiya nga tawo, ngan naghihinulat hiya han katalwasan han Israel. Nakada ha iya an Espiritu Santo,

Mga Buhat 2:25

Kay nagsiring hi David mahitungod ha iya: ‘Dayuday hinkit-an ko an Ginoo ha akon atubangan; haraniay hiya ha akon ngan diri ako pagsasamokon.

Mga Buhat 23:1

Tinutokan ni Pablo an Labaw nga Hukmanan ngan nagsiring hiya, “Kabugtoan ko, murayaw an akon hunahuna mahitungod han bug-os ko nga kinabuhi ha atubangan han Dyos ngada yana nga adlaw.”

Mga Buhat 24:16

Sanglit dayuday nga gintatalinguha ko nga magmalinis an akon konsensya ha atubangan han Dyos ngan han mga tawo.

Mga Buhat 8:21

Waray ka bahin o labot han amon buruhaton kay diri matadong an imo kasingkasing ha atubangan han Dyos.

Mga Taga-Roma 8:4

Ginbuhat ini han Dyos basi an matadong nga mga turumanon han Balaod matuman dinhe ha aton nga nabubuhi sumala han Espiritu, diri sumala han lawasnon nga kinaiya.

1 Mga Taga-Corinto 11:2

Gindadayaw ko kamo kay dayuday nahinunumdom kamo ha akon, ngan ginsusunod niyo an mga pagturon-an nga akon iginhatag ha iyo.

2 Mga Taga-Corinto 1:12

Amo ini an ipinaparayaw namon: nagtutug-an ha amon an amon konsensya nga naghahadi han amon kinabuhi dinhe ha kalibutan, ngan labi na gud an amon pakigkaupod ha iyo an pagkaputli han pagkatangkod, diri pinaagi hin kinaadman la hin tawo kundi pinaagi han gahom han grasya han Dyos.

Deuteronomio 5:33

Tumana ini ngatanan, basi maghingaupay kamo ngan basi magpadayon kamo hin pag-ukoy didto han tuna nga iyo pagtatag-iyahon.

Mga Taga-Filipos 2:15

basi waray ikasaway ha iyo, sugad nga hingpit nga mga anak han Dyos, nga nag-uukoy dinhe ha kalibutan hin mga magraot ngan makasasala nga mga tawo. Kinahanglan magmapawa kamo ha butnga nira sugad hin mga masanag nga bitoon ha kalangitan,

Mga Taga-Colosas 1:22

Kundi yana, tungod han kamatayon ha kros han iya Anak, ginsangkay kamo han Dyos, basi dad-on kamo nga santos, putli, ngan waray dum-it ngadto ha iya atubangan.

1 Mga Taga-Tesalonica 3:13

Dida hini nga paagi, paririg-onon niya an iyo mga kasingkasing, ngan mahihingpit ngan mababaraan kamo ha atubangan han aton Dyos ngan Amay, kon umabot na an aton Ginoo nga Jesus upod an ngatanan nga mga sakop niya.

2 Pedro 3:14

Sanglit, kasangkayan ko, talinguhaa gud an kaputli ngan kawaray dum-it ha atubangan han Dyos ngan an pakigdaet ha iya, samtang naghuhulat kamo hito nga Adlaw.

1 Juan 2:29

Maaram kamo nga matadong hi Cristo, sanglit angay liwat hibaroan niyo nga an bisan hin-o nga nagbubuhat hin matadong anak han Diyos.

1 Juan 2:3

Kon magtuman kita han mga sugo han Dyos, waray ruhaduha nga nakilala kita ha iya.

1 Juan 3:7

Ayaw kamo pagpalimbong, mga anak! An bisan hin-o nga nagbubuhat hin matadong, matadong sugad nga matadong man hi Cristo.