Lucas 1:16 - Samarenyo Meaning-Based Bible (1984)

¹⁶ Damo in mga tawo han Israel nga bubuligan niya hin pagbalik ngadto han Ginoo nga ira Dyos.

Lucas 1:16 Iomraidhean Croise

Isaias 49:6

Nagsiring ha akon an Ginoo, “May-ada ko darudako nga buruhaton para ha imo nga akon surugoon. Diri la nga ibabalik an kagamhanan han nanhisalin nga mga tawo han Israel, kundi hihimoon ko liwat ikaw nga kapawa ngadto han mga nasod— basi matalwas an bug-os nga kalibutan.”

Daniel 12:3

Adton may kinaadman magmamalamrag sugad han kamapawa han kalangitan. Adton mga nagtututdo hin damo nga mga tawo hin pagbuhat han matadong, masirang ha kadayonan sugad han bitoon nga waray pagkatunod.”

Malaquias 3:1

Nabaton an Ginoo nga Labi Kamakagarahum, “Susugoon ko an akon magsarangyaw hin pag-andam han dalan para ha akon. Niyan maabot dayon ngadto han iya Templo an Ginoo nga iyo ginpipinamiling. Maabot an magsarangyaw nga iyo karuyag hikit-an ngan magsasangyaw hiya han akon ginsaaran.”

Mateo 21:32

Kay kinmanhi ha iyo hi Juan nga Parabunyag hin pagtutdo ha iyo han matadong nga aragian, ngan waray kamo tumoo ha iya; kundi tinmoo ha iya an mga paragsukot hin buhis ngan an magraot nga kababayen-an. Bisan ngani kamo, kahuman niyo pakakita, waray gihapon kamo magbasol ngan magtoo ha iya.”

Lucas 1:76

“Tatawgon ka, anak ko, nga manaragna han Gihahataasi nga Dyos. Mag-uuna ka han Ginoo hin pag-andam han dalan nga iya aagian;

Lucas 3:3

Sanglit, ginsudoy ni Juan an bug-os nga katunaan nga hirani han Salog han Jordan, ngan nagwali, “Bayai an iyo mga sala ngan magpabunyag kamo, ngan pasasayloon kamo han Dyos han iyo mga sala.”