Lucas 1:11 - Samarenyo Meaning-Based Bible (1984)

¹¹ Pinmakita ha iya in usa nga anghel han Ginoo, nga natindog didto ha tuo nga dapit han altar diin gintutubod an insyenso.

Lucas 1:11 Iomraidhean Croise

Levitico 16:13

Didto ha atubangan han Ginoo igbubutang niya an insyenso dida han mga baga, ngan makakalukop an aso han insyenso han takop han Kahon han Ginsaaran, basi diri niya hikit-an ini ngan diri hiya mamatay.

Lucas 1:19

Binmaton an anghel, “Ako amo hi Gabriel nga natindog ha atubangan han Dyos nga nagsugo ha akon hin pagyakan ngan pagsumat ha imo hini nga maupay nga sumat.

Lucas 1:28

Kinmadto an anghel ha iya ngan nagsiring, “Maghimaya ka! Puno ka hin grasya! An Ginoo aada ha imo!”

Lucas 2:10

Kundi nagsiring ha ira an anghel, “Ayaw kamo kahadlok! Hahani ako ngan may-ada ako dara nga maupay nga sumat para ha iyo, nga maghahatag hin dako nga kalipayan han ngatanan nga katawhan.

Lucas 2:9

Pinmakita ha ira in usa nga anghel han Ginoo, ngan nalamragan hira han himaya han Ginoo, ngan nagkahadlok hira.

Mga Buhat 5:19

Kundi hito ngahaw nga gab-i gin-abrehan hin usa nga anghel han Ginoo an mga portahan han prisohan ngan ginpagawas an mga apostoles, ngan nagsiring ha ira,

Hebreo 1:14

Sanglit ano man ngay-an an mga anghel? Mga espiritu hira ngatanan nga nag-aalagad han Dyos, ngan ginpadara niya hin pagbulig hadton mga makarawat han katalwasan.

Ginpadayag 9:13

Nagpatunog han iya trompeta an ikaunom nga anghel. Hinbatian ko in tingog tikang han upat nga mga kanto han altar nga bulawan ha atubangan han Dyos.

Mga Maghurukom 13:3

Pinmakita an anghel han Ginoo han babaye ngan nagsiring, “Waray ka gud mag-anak, kundi diri maiha magbuburod ka ngan mag-aanak hin lalake.

Mga Maghurukom 13:9

Gintuman han Dyos an hangyo ni Manoa ngan binmalik an iya anghel ngadto han babaye samtang nalingkod ini hiya didto han uma. Diri upod niya hi Manoa nga iya bana,