Levitico 8:3 - Samarenyo Meaning-Based Bible (1984)

³ Niyan tiroka didto an bug-os nga bungto.”

Levitico 8:3 Iomraidhean Croise

1 Cronicas 13:5

Sanglit gintirok ni David an mga tawo tikang ha ngatanan nga dapit han Israel, tikang ha pag-ultan han Ehipto didto ha timogan ngadto han Aragian Hamat ha amihanan nga dapit basi madara han Kahon han Ginsaaran tikang ha Kiriat Jearim ngadto ha Jerusalem.

1 Cronicas 15:3

Sanglit gintawag ni David an ngatanan nga mga tawo han Israel ngadto ha Jerusalem basi madara an Kahon han Ginsaaran ngadto han iya gin-andam nga dapit.

2 Cronicas 30:13

Nagtitirok ha Jerusalem in damo hin duro nga mga tawo dida han ikaduha nga bulan para hin pagsaurog han Pyesta han Tinapay nga Waray Patubo.

2 Cronicas 30:25

Sanglit nagmalipayon an ngatanan—an mga tawo han Juda, an kapadian, an mga Levita, an mga tawo nga nagkaabot tikang ha amihanan, ngan an mga lumalangyaw nga didto na nag-ukoy ha Israel ug Juda.

2 Cronicas 5:2

Niyan ginpatawag ni Hadi Solomon an ngatanan nga mga pangulo han mga tribo ngan mga banay han Israel, nga magtitirok hira ha Jerusalem, basi dad-on ngadto ha Templo an Kahon han Ginsaaran han Ginoo tikang ha Sion, an Syudad ni David.

2 Cronicas 5:6

Nagtitirok ha atubangan han Kahon han Ginsaaran hi Hadi Solomon ngan an ngatanan nga mga tawo han Israel, ngan naghalad hira hin damo kaupay nga mga karnero ngan mga baka.

Nehemias 8:1

Dida han ikapito nga bulan napahimutang na an ngatanan nga mga tawo han Israel dida han ira mga bungto. Dida han syahan nga adlaw hito nga bulan nagtitirok hira ngatanan didto ha Jerusalem, didto han plasa ha sulod gudla han Ganghaan Tubig. Ginhangyo nira hin pagkuha han basahan han Balaod hi Esdras nga padi ngan batid han Balaod nga iginhatag han Ginoo ha Israel pinaagi kan Moises.

Mga Salmo 22:25

Dida han dako nga katirok pagdadayawon ko ikaw tungod han imo nabuhat; ha atubangan hadton nagsisingba ha imo maghahalad ako hin mga halad nga akon iginsaad.

Levitico 14:11

Pagdadad-on han padi an tawo ngan ini nga mga halad ngadto han agian han Tulda han Ginoo.

Levitico 8:2

“Dad-a hi Aaron ngan an iya mga anak nga kalalaken-an ngadto han agian han akon Tulda ngan dad-a an padianon nga mga biste, an lana nga igdirihog, an todo nga baka para han halad tungod hin sala, an duha nga lalaki nga mga karnero, ngan an basket hin tinapay nga waray patubo.

Levitico 8:4

Gintuman ni Moises sumala han iginsugo han Ginoo, ngan han katirok na han bungto,

Numero 20:8

“Kuhaa an tungkod nga aadto ha atubangan han Kahon han Ginsaaran ngan tiroka niyo ngan hi Aaron an bug-os nga bungto. Didto ha atubangan nira ngatanan sidnga an bato nga aadto didto nga humatag hin tubig, ngan mabugwak in tubig tikang han bato para han mga tawo, basi uminom hira ngan an ira mga kahayopan.”

Numero 21:16

Tikang didto nagpadayon hira ngadto hin usa nga dapit nga tinatawag ‘Mga Atabay’ diin nagsiring kan Moises an Ginoo, “Tiroka an mga tawo ngan tatagan ko hira hin tubig.”

Numero 8:9

Niyan pagtiroka an bug-os nga bungto han Israel ngan patindoga an mga Levita ha atubangan han akon Tulda.

Mga Buhat 2:1

Han pag-abot na han adlaw han Pentecostes, nagkatitirok an ngatanan nga mga magtinuohon ha usa nga dapit.