Levitico 5:2 - Samarenyo Meaning-Based Bible (1984)

² Kon malipat in usa ka tawo hin pagkapot hin bisan ano nga mahugaw sumala han seremonyas, sugad pananglit hin usa nga patay nga hayop, mahugaw ngan makakasala hiya kon makasabot hiya han iya nabuhat.

Levitico 5:2 Iomraidhean Croise

Mga Salmo 19:12

Han iya ngahaw sayop waray nakita, han tago nga sala, hi ako bawia.

Isaias 52:11

Bayai gud niyo an Babilonia, kamo ngatanan nga nagdadara han mga garamiton han Templo. Ayaw pagkamkam han igindidiri nga butang; pagbaraan kamo ha iyo ngahaw ngan lakat kamo.

Levitico 11:11

Kinahanglan iyo pag-isipon nga mahugaw an sugad nga mga binuhat. Kinahanglan diri kamo kumaon hini, o bisan pagkapot han patay nga mga lawas hini.

Levitico 11:8

Ayaw kamo pagkaon hini nga mga mananap o bisan pagkapot han patay nga mga lawas hini; maghugaw ini hira.

Levitico 4:13

Kon an bug-os nga bungto han Israel an nakasala ngan nakatalapas hin diri tinuyo hin usa han mga sugo han Ginoo,

Levitico 5:17

Kon nakasala nga diri tinuyo an bisan hin-o hin pagsupak hin usa han mga sugo han Ginoo, salaan hiya ngan kinahanglan baydan niya an multa.

Levitico 5:3

Kon malipat in usa ka tawo hin pagkapot hin bisan ano nga mahugaw nga aada ha tawo, bisan kon ano ini, makakasala hiya kon makasabot hiya han iya nabuhat.

Levitico 5:4

Kon magdalidali in usa ka tawo hin pagsumpa, hiunong hin bisan ano, makakasala hiya kon makasabot hiya han iya nabuhat.

Levitico 7:21

Ngan kon may kumaon han karne hini nga halad katapos niya makakapot hin bisan ano nga mahugaw sumala han seremonyas, matikang ha tawo o ha mananap, diri na gud hiya pag-iisipon nga usa han kanan Dyos mga tawo.

Hageo 2:13

Niyan nagpakiana hi Hageo, “Pananglit mahugawan in usa ka tawo kay kinmamkam hiya hin patay nga lawas, kon unina kumamkam hiya han bisan ano hini nga mga pagkaon, magmamahugaw ba liwat ini nga mga pagkaon?” Binmaton an kapadian, “Oo.”

Numero 19:22

Mahugaw an bisan ano nga pagkamkamon hin usa nga mahugaw nga tawo, ngan an bisan hin-o nga magkamkam han butang nga ginkamkam han mahugaw nga tawo nagpapabilin nga mahugaw ngada han pagkagab-i.

Lucas 11:44

Pagkamakaharadlok para ha iyo! Sugad kamo hin mga lubnganan nga waray tigaman nga tinatamakan han mga tawo, kay diri man hira maaram.”

2 Mga Taga-Corinto 6:17

Sanglit nasiring an Ginoo: “Kinahanglan bumaya kamo ha ira, ngan lumain kamo ha ira. Ayaw kamo paghilabot han mahugaw, ngan kakarawaton ko kamo.

Deuteronomio 14:8

Ayaw kamo pagkaon hin baboy. Kinahanglan pag-isipon niyo nga mahugaw ini; nagkakabahin an mga kulo hini, kundi diri nasabsab hin banwa. Ayaw kamo pagkaon han bisan ano hini nga mga mananap o bisan pagkamkam han patay nga mga lawas hini.