Levitico 5:1 - Samarenyo Meaning-Based Bible (1984)

¹ Ginkikinahanglan in mga halad tungod hin sala dida han nasunod nga mga higayon. Kon tawagon in usa ka tawo ngadto ha hukmanan hin paghatag hin kasayoran ngan diri hiya magsumat hiunong han iya hinkit-an o hinbatian, kinahanglan andam hiya hin pagkarawat han sirot tungod han karat-an nga maabot ha iya.

Levitico 5:1 Iomraidhean Croise

1 Hadi 22:16

Binmaton hi Acab, “Makakapira ba ako pagsisiring ha imo nga an kamatuoran la an imo igyakan ha akon ha ngaran han Ginoo?”

1 Hadi 8:31

“Kon iginsusumbong in usa ka tawo hin pakasala hin iya amyaw ngan pagdad-on hiya ha imo altar dinhe hini nga Templo ngan papagsumpaon nga diri hiya salaan,

2 Cronicas 18:15

Kundi binmaton hi Acab, “Kon nagyayakan ka ha ngaran han Ginoo, pagsumat han kamatuoran! Makakapira ako sisiring ha imo?”

Mga Salmo 38:4

Nalulumos ako han akon mga pagtalapas; usa hira nga paras-anon nga mabug-at pagdad-on.

Exodo 22:11

kinahanglan kumadto an tawo han dapit hin pagsingba ngan magsumpa hiya nga waray hiya magkawat han hayop han tag-iya. Kon waray man kawata han naghupot an hayop, aangkonon han tag-iya an napirde ngan diri kinahanglan magbayad ha iya an naghupot;

Mga Darahonon 29:24

An kabulig hin kawatan amo an iya dako nga kaaway. Kakastigohon hiya kon magsumat hiya han kamatuoran didto ha hukmanan, ngan kon diri hiya magsumat, higagabaan hiya han Dyos.

Mga Darahonon 30:9

Kon may-ada ko damo, bangin ako sumiring nga diri na ako nagkikinahanglan ha imo. Kundi kon pobre ako, bangin ako mangawat ngan pagpakaalohan ko an akon Dyos.

Isaias 53:11

Katapos hin kinabuhi nga tugob hin pag-antos, magmamalipayon na liwat hiya; hibabaroan niya nga waray makawang an iya pag-antos. An akon hinigugma nga surugoon nga akon nalilipayan, amo an magdadara han kastigo para hin amo nga mga tawo, ngan tungod ha iya akon hira pasasayloon.

Jeremias 23:10

Puno an tuna hin mga tawo nga maglingo han Ginoo; mga magraogdaog hira ngan nagpapasagad la hira han ira gahom. Tungod han panhimaraot han Ginoo, nagmamabidoon an tuna, ngan nagmara an mga panabsaban.

Ezequiel 18:20

An tawo nga nakakasala amo man an mamamatay. Diri pagpapaantoson in usa nga anak tungod han mga sala han iya amay, o in usa nga amay tungod han mga sala han iya anak. Babaloson in usa nga maupay nga tawo tungod han maupay nga iya binubuhat, ngan mag-aantos in usa nga maraot nga tawo tungod han maraot nga iya binubuhat.

Ezequiel 18:4

Ako an tag-iya han kinabuhi han tagsa nga tawo, an kinabuhi han kag-anak, sugad man han anak. An tawo nga nakakasala amo an mamamatay.

Levitico 17:16

Kon diri niya pagtumanon ini, kinahanglan mag-antos hiya han mga bunga han iya pagtalapas.

Levitico 19:8

Bisan hin-o nga kumaon hini, magigin salaan hiya kay ginpasipad-an man niya an butang nga baraan nga iginhalad ha akon, ngan diri na hiya pag-iisipon nga sakop han akon bungto.

Levitico 20:17

Kon mangasawa in usa nga lalake han iya bugto nga babaye o han iya bugto ha amay o ha iroy nga babaye, kinahanglan pakaalohan hira ha atubangan han mga tawo ngan paiwason hira han bungto. Nakighilawas hiya han iya bugto nga babaye ngan kinahanglan mag-antos hiya han mga bunga han iya pagtalapas.

Levitico 4:2

hin pagsumat han mga tawo han Israel nga adton makasala ngan makasupak hin diri tinuyo han mga sugo han Ginoo, kinahanglan magtuman hiya hinin nasunod nga mga lagda.

Levitico 5:15

Kon nakasala nga diri tinuyo ini bisan hin-o pinaagi hin diri pakadara ngadto han Ginoo han bayad hin mga butang nga baraan, magdadara hiya hin iya halad ngadto han Ginoo nga bayad hin usa nga lalaki nga karnero o kanding nga waray mga dum-it. Pag-iigoigoon an balor hini sumala han opisyal nga timbangan.

Levitico 5:17

Kon nakasala nga diri tinuyo an bisan hin-o hin pagsupak hin usa han mga sugo han Ginoo, salaan hiya ngan kinahanglan baydan niya an multa.

Levitico 7:18

Kon pagkaonon an bisan ano hini dida han ikatulo ka adlaw, diri ini nga halad kakarawaton han Dyos. Waray kapulsanan para ha iya ini nga halad, kundi pag-iisipon nga mahugaw, ngan an bisan hin-o nga kumaon hini, mag-aantos han karat-an nga iya dadangatan.

Numero 9:13

Kundi an bisan hin-o nga malinis sumala han seremonyas ngan diri aadto hin paglalaktan ngan diri nagsasaurog han Paglabay, diri na hiya pag-iisipon nga kausa han akon mga tawo, kay waray niya maghalad ha akon dida han igintalaan nga panahon. Kinahanglan mag-antos hiya han mga bunga han iya sala.

Mateo 26:63

Kundi hinmilom la hi Jesus. Nagsiring liwat ha iya an Labaw nga Padi, “Ha ngaran han Dyos nga buhi, pinapagsumpa ko ikaw: pagsumati kami kon amo ka ba an Mesiyas, an Anak han Dyos.”

1 Pedro 2:24

Didto ha kros an aton mga sala gindara ni Cristo ha iya lawas, basi mamatay kita dida han sala ngan mabuhi kita nga matadong. Pinaagi han iya mga kasamdan nagkauupay kamo.

Mga Maghurukom 17:2

Ginsiring niya an iroy niya, “Han pagkawata ha imo han 1,100 ka bug-os nga salapi, gintunglo mo an mga tawo. Hinbatian ko ikaw han pagbuhat mo hini. Kitaa, aadi ha akon an kwarta. Ako an nagkuha hini.” Nagsiring an iroy niya, “Bendisyonan ka unta han Ginoo, anak ko!”