Levitico 4:7 - Samarenyo Meaning-Based Bible (1984)

⁷ Niyan bubutangan niya hin dugo an mga sungaysungay han mga kanto han altar nga tuboran hin insyenso didto han Tulda. Ihuhuwad niya an salin han dugo ngada han ubos han altar nga tuboran hin mga halad nga aada han agian han Tulda.

Levitico 4:7 Iomraidhean Croise

Mga Salmo 118:27

Dyos an Ginoo; nagin maupay ha am', an malipay nga pagsaurog tikangan; dara'n mga sanga nga mga dahonan, ngan magmartsa palibot dit' han halaran.

Exodo 29:12

Kuha han dugo han baka ngan pinaagi han imo tudlo butangi hin dugo an mga sungay-sungay han altar. Katapos ighuwad an iba nga dugo ngada ha ubos han altar.

Levitico 1:5

Iihawon niya ha agian an baka ngan ighahalad an dugo ngadto han Ginoo han kapadian nga mga tulin ni Aaron, ngan onina isasablig an dugo ngada han ngatanan nga upat nga mga ligid han altar nga aada han agian han Tulda.

Levitico 16:18

kinahanglan gumawas hiya ngadto han altar para han mga halad nga tutuboron, ngan paglilinisan ini niya. Kinahanglan kumuha hiya han dugo han lalaki nga baka ngan han dugo han kanding, ngan ipahid ini niya dida han mga sungaysungay han mga kanto han altar.

Levitico 4:18

Bubutangan niya hin dugo an mga sungaysungay han mga kanto han altar nga tuboran hin insyenso ha sakob han Tulda, ngan ihuhuwad an salin han dugo ngada han ubos han altar nga tuboran hin mga halad, nga aada han agian han Tulda.

Levitico 4:25

Itutunlob han padi an iya tudlo dida han dugo han hayop, ibubutang ini dida han mga sungaysungay han mga kanto han altar, ngan ihuhuwad an salin han dugo ngada han ubos han altar.

Levitico 4:30

Itutunlob han padi an iya tudlo dida han dugo han hayop, ibubutang ini dida han mga sungaysungay han mga kanto han altar, ngan ihuhuwad an salin nga dugo hini ngada han ubos han altar.

Levitico 4:34

Itutunlob han padi an iya tudlo dida han dugo han hayop, ibubutang ini dida han mga sungaysungay han mga kanto han altar, ngan ihuhuwad an salin han dugo ngada han ubos han altar.

Levitico 5:9

ngan wawarikwik in bahin han dugo hini ngada han ligid han altar. Patuturoon an salin nga dugo ngada han ubos han altar. Halad ini hin pagkuha hin sala.

Levitico 6:30

Kundi kon pagdad-on ngadto han Tulda in bahin han dugo ngan gamiton ini dida han seremonyas hin pagkuha hin sala, kinahanglan diri pagkaonon an hayop; kinahanglan pagtuboron an halad nga hayop.

Levitico 8:15

Gin-ihaw ini ni Moises ngan kinmuha hiya han dugo, ngan pinaagi han iya tudlo iginpahid an dugo dida han mga sungaysungay han mga kanto han altar basi ighalad ini. Niyan ginhuwad niya an salin nga dugo ngada han ubos han altar. Hini nga paagi iya iginhalad ngan ginlinisan ngan nabaraan ini.

Levitico 9:9

Gindad-an hiya han iya mga anak nga kalalaken-an han dugo, ngan itinunlob niya dida hini an iya tudlo, ginpahiran han dugo an mga sungaysungay han mga kanto han altar, ngan iginhuwad an salin nga dugo ngada ha ubos han altar.

Mga Taga-Efeso 2:13

Kundi yana ha pakig-usa kan Cristo Jesus, kamo nga hadto anay nahirayo han Dyos, nahirani na pinaagi han kamatayon ni Cristo.

Hebreo 9:15

Tungod hini, hi Cristo amo an naghimo hin bag-o nga ginsaaran basi adton mga gintawag han Dyos kumarawat han dayon nga mga kaupayan nga iginsaad han Dyos. Mahihimo ini kay may-ada na man kamatayon nga nagtatalwal han mga tawo han mga sayop nga ira nabuhat dida han nagsusugot pa hira han syahan nga ginsaaran.

Hebreo 9:21

Ha amo man nga paagi, ginsabligan liwat ni Moises hin dugo an tulda ngan an ngatanan nga garamiton hin pagsingba.

Ginpadayag 6:9

Niyan ginbuong an Kordero an ikalima nga silyo ngan hinkit-an ko ha ubos han altar an mga kalag hadton mga pinanmatay tungod kay iginpasangyaw nira an pulong han Dyos ngan nagmatinumanon hira han ira pagsaksi.