Levitico 4:6 - Samarenyo Meaning-Based Bible (1984)

⁶ Itutunlob niya an iya tudlo dida han dugo ngan iwawarikwik ini hin makapito ha atubangan han baraan nga biray.

Levitico 4:6 Iomraidhean Croise

Exodo 40:21

Niyan iginsulod niya an Kahon ngadto han Tulda ngan igintaod an biray nga salipod. Dida hini nga paagi iya ginsalipdan an Kahon han Ginsaaran sumala han iginsugo han Ginoo.

Exodo 40:26

Iginsulod niya ngadto han Tulda an altar nga bulawan ha atubangan han biray,

Levitico 14:16

itutunlob ngada hini in tudlo han iya tuo nga kamot, ngan igwawarikwik ini hin makapito didto han atubangan han Ginoo.

Levitico 14:18

Ipapahid niya dida han ulo han tawo an salin han lana nga aada han palad han iya kamot. Dida hini nga paagi pagbubuhaton niya an seremonyas hin paglinis.

Levitico 14:27

ngan pinaagi hin tudlo han iya tuo nga kamot igwawarikwik ini hin makapito didto ha atubangan han Ginoo.

Levitico 14:7

Igwawarikwik niya an dugo hin makapito ngadto han tawo nga paglilinisan han iya sakit nga sanla, ngan katapos igpapahibaro nga malinis na hiya. Palulupdon niya an buhi nga tamsi ha igbaw han kaumhan.

Levitico 16:14

Makuha hiya han dugo han lalaki nga baka, ngan pinaagi han iya tudlo igwawarikwik niya hin makapito an iba nga dugo ha atubangan han Kahon han Ginsaaran.

Levitico 16:19

Pinaagi han iya tudlo, kinahanglan iwarikwik niya hin makapito an iba nga dugo ngada han altar. Dida hini nga paagi paglilinisan niya ini tungod han mga sala han mga tawo han Israel ngan mababaraan ini.

Levitico 25:8

Pag-ihap hin pito ka tag pito ka tuig, nga maabot hin 49 ka tuig ngatanan.

Levitico 26:18

“Kon bisan pa hini ngatanan diri la gihapon kamo magsugot ha akon, pagdudugangan ko hin pito ka pilo an iyo kastigo.

Levitico 26:24

niyan pagkokontrahon ko kamo ngan pagkakastigohon ko kamo hin pito pa ka pilo hin kamakuri kay han una.

Levitico 26:28

niyan, ha akon kapungot, pagkokontrahon ko kamo ngan pagkakastigohon ko na liwat kamo hin pito pa ka pilo hin kamakuri kay han una.

Levitico 4:17

itutunlob an iya tudlo dida hini ngan iwawarikwik an dugo hin makapito ha atubangan han biray.

Levitico 4:25

Itutunlob han padi an iya tudlo dida han dugo han hayop, ibubutang ini dida han mga sungaysungay han mga kanto han altar, ngan ihuhuwad an salin han dugo ngada han ubos han altar.

Levitico 4:30

Itutunlob han padi an iya tudlo dida han dugo han hayop, ibubutang ini dida han mga sungaysungay han mga kanto han altar, ngan ihuhuwad an salin nga dugo hini ngada han ubos han altar.

Levitico 4:34

Itutunlob han padi an iya tudlo dida han dugo han hayop, ibubutang ini dida han mga sungaysungay han mga kanto han altar, ngan ihuhuwad an salin han dugo ngada han ubos han altar.

Levitico 8:11

Kinmuha hiya hin bahin han lana ngan iginsablig ini hin makapito ngada han altar ngan han kasangkapan hini, ngan ngada han palanggana ngan han tungtongan hini, basi ighalad ini ngadto han Ginoo.

Levitico 8:15

Gin-ihaw ini ni Moises ngan kinmuha hiya han dugo, ngan pinaagi han iya tudlo iginpahid an dugo dida han mga sungaysungay han mga kanto han altar basi ighalad ini. Niyan ginhuwad niya an salin nga dugo ngada han ubos han altar. Hini nga paagi iya iginhalad ngan ginlinisan ngan nabaraan ini.

Levitico 9:9

Gindad-an hiya han iya mga anak nga kalalaken-an han dugo, ngan itinunlob niya dida hini an iya tudlo, ginpahiran han dugo an mga sungaysungay han mga kanto han altar, ngan iginhuwad an salin nga dugo ngada ha ubos han altar.

Numero 19:4

Niyan makuha hi Eleazar hin dugo hini ngan pinaagi han iya tudlo iwawarikwik hin makapito tipakadto han Tulda.

Josue 6:4

Pipito nga mga padi an mag-uuna han Kahon han Ginsaaran ug an tagsa ha ira may-ada dara nga budyong nga hinimo hin sungay hin lalaki nga karnero. Ha ikapito ka adlaw ikaw ug an imo mga sondalo magmamartsa palibot han syudad makapito upod an mga padi nga magpapatunog han ira mga budyong nga sungay.

Josue 6:8

Sanglit, sumala han sugo ni Josue, an mga armado nga gwardya nag-una han mga kapadian nga nagpapatunog han ira mga budyong nga sungay; sunod ha ira an kapadian nga nagpapas-an han Kahon han Ginsaaran ngan ha orhe, may-ada gihapon mga gwardya. Waray hunong an pagpatunog han mga budyong.