Levitico 4:4 - Samarenyo Meaning-Based Bible (1984)

⁴ Pagdadad-on niya an baka ngadto han agian han Tulda, ipapandong niya an iya kamot dida han ulo hini ngan pag-iihawon ini didto ha atubangan han Ginoo.

Levitico 4:4 Iomraidhean Croise

2 Cronicas 29:23

Ha kataposan gindara nira an mga kanding ngadto han hadi ngan han iba nga magsiringba ngan ginpandongan ini han ira mga kamot.

Isaias 53:6

Sugad kita ngatanan hin mga karnero nga nagkawawara, an kada usa ha aton napakadto han iya kalugaringon nga aragian. Kundi kinarawat han Ginoo an kastigo, an kastigo nga angay ha aton ngatanan.

Daniel 9:26

Ngan dida han katapos hito nga panahon papatayon hin diri matadong an pangulo nga pinili han Dyos. Pagbubungkagon an syudad ngan an Templo han masulong nga kasondalohan hin usa nga gamhanan nga punoan. Maabot an kataposan sugad hin baha nga nagdadara han araway ug kabungkagan nga igin-andam han Dyos.

Levitico 16:21

Ipapandong niya ha ulo han kanding an duha niya nga kamot ngan igkokompisal ha bawbaw han ulo han kanding an ngatanan nga mga karat-an, mga sala, ngan mga pagsupil han mga tawo han Israel basi mahingadto ini ngatanan han ulo han kanding. Kahuman, palalayawon an kanding ngadto ha kamingawan pinaagi hin tawo nga gintudlok hin pagbuhat hini.

Levitico 4:15

ipapandong han mga pangulo han bungto an ira mga kamot ha ulo hini, ngan pag-iihawon ini didto.

Levitico 4:29

Ipapandong niya an iya kamot ha ulo hini ngan pag-iihawon an kanding didto han amihanan nga dapit han altar diin gin-iihaw an mga hayop para han mga tutuboron nga halad.

Levitico 8:14

Niyan gindara ni Moises an todo nga baka para han halad tungod hin sala, ngan ipinandong nira Aaron ngan han iya mga anak nga kalalaken-an an ira mga kamot dida han ulo han baka.

Numero 8:12

Niyan igpapandong han mga Levita an ira mga kamot dida han mga ulo han duha nga mga todo nga baka; ighahalad an usa nga halad tungod hin sala ngan an ikaduha, nga usa nga halad nga tutuboron, basi pagbuhaton an seremonyas hin paglinis para han mga Levita.

1 Pedro 3:18

Kay namatay hi Cristo makausa ngan para han ngatanan tungod han mga sala. Namatay hiya, usa nga maupay nga tawo para han mga makasasala, basi dad-on kamo ngadto sa Dyos. Ginpatay hiya ha lawas, kundi ginbuhi ha espiritu,