Levitico 4:3 - Samarenyo Meaning-Based Bible (1984)

³ Kon an Labaw nga Padi an nakasala, ngan tungod hini madarahigan hin sala an mga tawo, ighahalad niya in usa nga todo nga baka nga waray gud mga dum-it, ngan ighahalad ini ngadto han Ginoo para han iya sala.

Levitico 4:3 Iomraidhean Croise

2 Cronicas 29:21

Nagdara hira hin pito nga mga todo nga baka, pito nga mga karnero, pito nga mga nati nga karnero, ngan pito nga mga kanding nga halad hin pagkuha han mga sala han hadianon nga panimalay ngan han mga tawo han Juda, ngan ha paglinis han Templo. Ginsugo han hadi an kapadian nga mga tulin ni Aaron hin paghalad ha altar han mga mananap nga tutuboron.

Esdras 8:35

Naghalad hin mga unong nga tinubod ngadto han Dyos han Israel an ngatanan nga binmalik tikang han paghalina ha ira. Naghalad hira hin 12 nga mga tudo nga baka para han bug-os nga Israel, 96 nga mga karnero nga lalaki, ngan 77 nga mga nati nga karnero; naghalad liwat hira hin 12 nga mga kanding basi malinisan hira han ira mga sala. Gintubod ini ngatanan nga mga mananap nga halad ngadto han Ginoo.

Exodo 29:14

Kundi sunoga an unod, an panit, ngan an mga tinae hini didto ha gawas han kampo. Amo ini an halad hin pagkuha han mga sala han kapadian.

Exodo 29:21

Kuha han dugo nga aada han altar ngan han lana nga igdirihog, ngan igsablig ini ngadto kan Aaron ngan han iya mga biste, ngan ngadto han iya mga anak nga kalalaken-an ngan han ira mga biste. Katapos, nahimo na ang halad ngadi ha akon hiya, an iya mga anak nga kalalaken-an, ngan an ira mga biste.

Exodo 29:7

Niyan kuhaa an lana nga idirihog ngan ibubo ini ha iya ulo ngan dihogi hiya.

Exodo 30:10

Kinahanglan pagbubuhaton ni Aaron hin makausa ha kada tuig an seremonyas hin paglinis han altar pinaagi hin pagbutang han dugo han hayop nga iginhalad para hin sala dida han upat nga mga sungaysungay han altar. Kinahanglan pagbuhaton ini ha kada tuig ha ngatanan nga panahon nga tiarabot. Kinahanglan baraan gud ini nga altar nga iginhalad ha akon nga Ginoo.”

Ezequiel 40:39

May-ada upat nga lamesa didto hini nga aragian nga kwarto, duha ha kada ligid han kwarto. Gin-iihaw nira dida hini nga mga lamesa an mga mananap nga iharalad nga mga halad nga tutuboron hin bug-os o ighahalad nga mga halad nga tinubod para hin sala, o mga halad para hin paglukat.

Ezequiel 43:19

Adto la nga kapadian nga sakop han tribo ni Levi, nga mga tulin ni Sadoc, amo an mapakanhi ha akon atubangan hin pag-alagad ha akon. Ako nga Ginoo nga Dyos an nagsusugo hini. Tatagan mo hira hin nati nga baka nga lalaki nga ighahalad sugad nga halad nga tinubod para hin sala.

Ezequiel 44:27

ngan unina masulod hiya ngadto han sakob nga bungsaran han Templo ngan maghahalad hiya hin usa nga halad nga tinubod para han paglinis ha iya, basi makag-alagad na liwat hiya didto ha Templo. Ako nga Ginoo nga Dyos an nagyakan.

Levitico 1:10

Kon maghalad an tawo hin usa han iya mga karnero o mga kanding, kinahanglan lalaki ini ngan waray gud mga dum-it.

Levitico 1:3

Kon maghalad hiya hin usa han iya mga baka basi pagtuboron, kinahanglan magdara hiya hin lalaki nga waray gud mga dum-it. Kinahanglan ighalad ini niya ngadto han agian han Tulda han Ginoo basi karawaton hiya han Ginoo.

Levitico 16:11

Kon maghahalad hi Aaron han lalaki nga baka sugad nga halad tungod hin sala para ha iya ngahaw ngan han iya panimalay,

Levitico 16:3

Makakasulod la hiya han Labi ka Baraan nga Dapit dida la kon magdara hiya hin usa nga lalaki nga nati nga baka para hin usa nga halad tungod hin sala, ngan hin usa nga lalaki nga karnero para hin usa nga halad nga tutuboron.”

Levitico 16:5

Ihahatag han bungto han Israel, kan Aaron in duha nga lalaki nga kanding para hin usa nga halad tungod hin sala ngan hin usa nga lalaki nga karnero para hin usa nga halad nga tutuboron.

Levitico 16:6

Ighahalad niya in usa nga lalaki nga baka nga usa nga halad nga tutuboron hin pagkuha han iya kalugaringon nga mga sala ngan han mga sala han iya panimalay.

Levitico 4:14

niyan ha paghibaroi gudla han sala, pagdadad-on han bungto in usa nga todo nga baka nga ira halad tungod hin sala. Pagdadad-on ini nira ngadto han Tulda han Ginoo;

Levitico 4:23

niyan, ha pagpahibaroa gudla ha iya han iya sala, dadad-on niya nga iya halad in usa nga lalaki nga kanding nga waray gud mga dum-it.

Levitico 4:28

niyan ha pagpahibaroa gudla ha iya han iya sala, dadad-on niya nga iya halad in usa nga babayi nga kanding nga waray mga dum-it.

Levitico 4:5

Niyan makuha an Labaw nga Padi hin dugo han baka ngan dadad-on ini ngadto han Tulda.

Levitico 5:6

ngan sugad nga sirot han iya sala, kinahanglan magdara hiya ngadto han Ginoo hin usa nga babayi nga karnero o kanding nga iya ighahalad. Ighahalad han padi an hayop nga tutuboron para han sala han tawo.

Levitico 6:18

Ha ngatanan nga panahon nga tiarabot makakakaon hini in bisan hin-o han mga tulin nga kalalaken-an ni Aaron sugad nga ira bahin nga waray katapos han pagkaon nga iginhalad ngadto han Ginoo. Bisan hin-o nga magpasipara hin pagkapot hin usa nga halad nga pagkaon, madadaot hiya tungod han gahom han pagkabaraan hini nga halad.

Levitico 8:12

Gin-ordenahan niya hi Aaron pinaagi hin pagbob-i han iya ulo han igdirihog nga lana.

Levitico 9:2

Nagsiring hiya kan Aaron, “Kuha hin usa nga todo nga baka ngan hin usa nga lalaki nga karnero nga waray mga dum-it, ngan ighalad ini ngadto han Ginoo, an baka para hin halad tungod hin sala ngan an karnero para hin halad nga tutuboron.

Levitico 9:3

Niyan sidnga an mga tawo han Israel hin pagkuha hin usa nga lalaki nga kanding para hin halad tungod hin sala, usa nga nati nga baka nga usa ka tuig an panuigon, ngan usa nga nati nga karnero nga usa ka tuig an panuigon nga waray mga dum-it para hin halad nga tutuboron,

Numero 16:22

Kundi hinmapa ha tuna hira Moises ug Aaron ngan nagsiring, “O Dyos, ikaw amo an burabod han ngatanan nga kinabuhi. Kon makasala in usa ka tawo, masisina ka ba han bug-os nga bungto?”

Numero 8:8

Niyan magdadara hira hin nati nga baka nga lalaki ngan hin harina nga sinaktan hin lana hin olibo nga ginkikinahanglan nga halad nga pagkaon; ngan makuha ka hin lain nga baka nga lalaki para han halad tungod hin sala.

Mga Taga-Roma 8:3

An waray mahimo han Balaod tungod han kamaluya han aton kinaiya ginbuhat han Dyos. Ginhukman niya ha karat-an an sala ha aton lawasnon nga kinaiya pinaagi hin pagpadara han iya kalugaringon nga Anak; nga kinmanhi nga may kinaiya nga sugad han kinaiya hin salaan nga tawo, basi pagpuohon an sala.

2 Mga Taga-Corinto 5:21

Waray gud sala hi Cristo, kundi tungod ha aton, ginpaangbit hiya han Dyos han aton sala, basi nga ha aton pakigkausa ha iya, makaangbit man kita han pagkamatadong han Dyos.

Hebreo 5:3

Ngan tungod nga maluya man hiya, kinahanglan maghalad hiya diri la para han mga sala han mga tawo, kundi para liwat han iya kalugaringon nga mga sala.

Hebreo 9:12

Han pagkadto ni Cristo han tulda ngan pagsulod niya makausa ngan para han ngatanan ngadto hin Labi ka Baraan nga Dapit, waray hiya magdara han dugo hin mga kanding ngan mga baka basi ihalad; kundi asay lugod iginhalad niya an iya kalugaringon nga dugo, ngan nakaangkon para ha aton hin dayon nga katalwasan.