Levitico 4:2 - Samarenyo Meaning-Based Bible (1984)

² hin pagsumat han mga tawo han Israel nga adton makasala ngan makasupak hin diri tinuyo han mga sugo han Ginoo, kinahanglan magtuman hiya hinin nasunod nga mga lagda.

Levitico 4:2 Iomraidhean Croise

Genesis 20:9

Niyan gintawag ni Abimelec hi Abraham ngan ginpakianhan hiya, “Ano an imo ginbuhat ha amon? Ano nga sayop an akon nabuhat ha imo nga tinagan mo kami hini nga dako nga karat-an, ako ngan an akon ginhadian, nga diri unta angay pagbuhaton mo ha akon?

Mga Salmo 19:12

Han iya ngahaw sayop waray nakita, han tago nga sala, hi ako bawia.

Mga Salmo 19:13

Han tinuyo nga sala, ako talwasa, ayaw hira ha akon papaghadia. Ngan mahihingpit an akon kinabuhi, ngan magagawas na han sala nga grabi.

Ecclesiastes 5:6

Ayaw itugot nga an imo mga pulong makapasala ha imo, basi sidngon mo an padi han Dyos nga diri mo tinuyo. Kay ano nga imo man tinagan hin higayon nga an Dyos masina ha imo? Kay ano nga ipabungkag mo ha iya an imo ginkabudlayan?

Levitico 22:14

“Kon kumaon hin bisan ano han baraan nga mga halad in bisan hin-o nga diri sakop hin padianon nga panimalay, kundi diri niya tinuyo an pagkaon hini, kinahanglan baydan niya an padi han ngatanan upod an patubo nga 20 por syento.

Levitico 4:1

Ginsugo han Ginoo hi Moises

Levitico 4:13

Kon an bug-os nga bungto han Israel an nakasala ngan nakatalapas hin diri tinuyo hin usa han mga sugo han Ginoo,

Levitico 4:22

Kon usa nga punoan an nakasala ngan nakatalapas hiya nga diri tinuyo hin usa han mga sugo han Ginoo,

Levitico 4:27

Kon ordinaryo nga tawo an nakasala ngan nakatalapas hiya nga diri tinuyo hin usa han mga sugo han Ginoo,

Numero 35:11

pagpili kamo hin mga syudad nga arayopan nga dadangpan hin tawo kon makamatay hiya nga diri tinuyo.

Deuteronomio 19:4

Kon in usa ka tawo makamatay hin diri tinuyo hin tawo nga diri niya kaaway, makakapalagiw hiya ngadto ha bisan hain hini nga mga syudad ngan matatalwas hiya.

1 Timoteo 1:13

bisan kon ginpakaraot, ginpakurian, ngan gintamay ko hiya hadto anay. Kundi nalooy an Dyos ha akon kay waray pa ako hadto pagtoo ngan waray ako sabot han akon ginbuhat.

Hebreo 5:2

Tungod nga maluya liwat hiya, napaid man hiya hadton mga tapang ngan mga nakakasayop.

Hebreo 9:7

Kundi an Labaw nga Padi la an napakadto han tulda ha sulod ngan gintutuman ini niya makausa la ha kada tuig. Nagdadara hiya hin dugo nga ihinahalad niya sa Dyos para han iya kalugaringon ngan para han mga sala nga nabuhat han mga tawo hin waray pakasabot nga nakasala hira.

Santiago 3:10

Naguwa ha usa la nga baba in mga pulong hin pagpasalamat ngan pagpakaraot. Kabugtoan ko, diri ini angay mahinabo!

1 Samuel 14:27

Kundi waray makasabot hi Jonatan han pagpanhimaraota ni iya tatay han mga tawo; sanglit kinmuha hiya han dugos pinaagi han tungkod nga iya gindara, ngan ginkuhit niya ini dida hin balay han putyokan, ngan kinmaon hiya han dugos. Inmabat hiya dayon hin kakusog.