Levitico 3:8 - Samarenyo Meaning-Based Bible (1984)

⁸ ipapandong an iya kamot dida han ulo hini ngan pag-ihawon ini didto ha atubangan han Tulda. Isasablig han kapadian an dugo hini ngada han ngatanan nga upat nga mga ligid han altar,

Levitico 3:8 Iomraidhean Croise

Isaias 53:6

Sugad kita ngatanan hin mga karnero nga nagkawawara, an kada usa ha aton napakadto han iya kalugaringon nga aragian. Kundi kinarawat han Ginoo an kastigo, an kastigo nga angay ha aton ngatanan.

Levitico 1:11

Iihawon ini niya didto han amihanan nga dapit han altar ngan isasablig han kapadian an dugo hini ngada han ngatanan nga upat nga mga ligid han altar.

Levitico 1:4

Ipapandong han tawo an iya kamot dida han ulo han hayop ngan kakarawaton ini nga usa nga halad nga pagtutuboron hin pagkuha han iya mga sala.

Levitico 1:5

Iihawon niya ha agian an baka ngan ighahalad an dugo ngadto han Ginoo han kapadian nga mga tulin ni Aaron, ngan onina isasablig an dugo ngada han ngatanan nga upat nga mga ligid han altar nga aada han agian han Tulda.

Levitico 3:13

ipapandong an iya kamot dida han ulo hini ngan pag-iihawon ini didto ha atubangan han Tulda. Isasablig han kapadian an dugo hini ngada han ngatanan nga upat nga mga ligid han altar,

Levitico 4:15

ipapandong han mga pangulo han bungto an ira mga kamot ha ulo hini, ngan pag-iihawon ini didto.

Levitico 4:24

Ipapandong niya an iya kamot ha ulo hini ngan pag-iihawon ini didto han amihanan nga dapit han altar, diin gin-iihaw an mga hayop para han mga pagtutuboron nga halad. Halad ini hin pagkuha hin sala.

Levitico 4:4

Pagdadad-on niya an baka ngadto han agian han Tulda, ipapandong niya an iya kamot dida han ulo hini ngan pag-iihawon ini didto ha atubangan han Ginoo.

Mateo 3:17

Ngan nagsiring in tingog tikang ha langit, “Amo ini an akon hinigugma nga Anak nga nakakalipay gud ha akon.”

2 Mga Taga-Corinto 5:19

Amo ini an amon mensahe: nga pinaagi kan Cristo nakikigsangkay an Dyos han ngatanan nga mga tawo. An Dyos diri nagdudumot han ira mga sala, ngan gintagan kita niya han mensahe kon ginpapaunan-o niya paghimo ha ira nga iya kasangkayan.

2 Mga Taga-Corinto 5:21

Waray gud sala hi Cristo, kundi tungod ha aton, ginpaangbit hiya han Dyos han aton sala, basi nga ha aton pakigkausa ha iya, makaangbit man kita han pagkamatadong han Dyos.

Mga Taga-Efeso 2:18

Pinaagi kan Cristo kita ngatanan, an mga Judiyo ngan mga Hentil, makakadangop na kita, dida hin usa la nga Espiritu, ha atubangan han Amay.

Mga Taga-Efeso 3:12

Ha pakig-usa ha iya, ngan pinaagi han aton pagsarig ha iya, may-ada na kita kagawasan hin pagdangop ha atubangan han Dyos upod an bug-os nga pagtapod.

1 Pedro 2:24

Didto ha kros an aton mga sala gindara ni Cristo ha iya lawas, basi mamatay kita dida han sala ngan mabuhi kita nga matadong. Pinaagi han iya mga kasamdan nagkauupay kamo.