Levitico 3:6 - Samarenyo Meaning-Based Bible (1984)

⁶ Kon usa nga karnero o kanding an gamiton para hin halad nga pagkaurosa, kinahanglan nga lalaki o babayi ini, kundi kinahanglan waray gud mga dum-it.

Levitico 3:6 Iomraidhean Croise

Isaias 60:7

Pagdadad-on ngada ha imo sugad nga mga halad nga tinubod An ngatanan nga mga karnero han Cedar ug Nebaiot, Ngan ighahalad dida han altar hin pagpahalipay han Ginoo. Hihimoon han Ginoo an iya Templo nga labaw pa hin kamaanyag.

Levitico 1:10

Kon maghalad an tawo hin usa han iya mga karnero o mga kanding, kinahanglan lalaki ini ngan waray gud mga dum-it.

Levitico 1:2

nga pinapagtuman han mga Israelita kon maghalad hira han ira mga hayop nga pagtutuboron. Kon maghalad an bisan hin-o hin hayop nga pagtutuboron, makakahimo hiya hin paghalad hin usa han iya mga baka o usa han iya mga karnero o mga kanding.

Levitico 19:5

“Kon mag-ihaw kamo hin hayop para hin halad hin pagkaurosa, pagtumana niyo an mga turumanon nga akon iginhatag ha iyo, ngan kakarawton ko an iyo halad.

Levitico 22:20

Kon maghalad kamo hin bisan ano nga hayop nga may mga dum-it, diri ini kakarawton han Ginoo.

Levitico 23:19

Paghalad liwat kamo hin usa nga kanding nga lalaki para hin usa nga halad tungod hin sala ngan hin duha nga lalaki nga mga nati nga karnero nga tag usa ka tuig an panuigon para hin usa nga halad hin pagkaurosa.

Numero 6:14

ngan ighahalad niya ngadto han Ginoo in tulo nga mga hayop nga waray mga dum-it: usa nga nati nga karnero nga lalaki nga usa ka tuig an panuigon para hin usa nga halad nga tutuboron; usa nga nati nga karnero nga babayi nga usa ka tuig an panuigon para hin usa nga halad tungod hin sala, ngan hin usa nga karnero nga lalaki para hin usa nga halad hin pagkaurosa.

Mga Buhat 4:27

Kay ha tinuod nagkatirok dinhe hini nga syudad hira Herodes ug Poncio Pilato kaupod han mga Hentil ngan han mga tawo han Israel kontra kan Jesus, an imo baraan nga Surugoon nga imo ginhimo nga Mesiyas.

Mga Taga-Galacia 3:28

Sanglit waray na kalainan an mga Judiyo ngan an mga Hentil, an mga oripon ngan an mga talwas, an kababayen-an ngan an kalalaken-an; uusa la kamo ngatanan ha pakig-usa kan Cristo Jesus.

Mga Taga-Galacia 4:4

Kundi han pag-abot na han igo nga panahon, ginpakanhi han Dyos an iya kalugaringon nga Anak. Kinmanhi hiya usa nga anak hin tunan-on nga iroy, ngan nag-ukoy ha ubos han Balaod han mga Judiyo,

Mga Taga-Efeso 1:10

Ini nga kaburut-on hin paghingpit han mga butang kon umabot na an igo nga panahon, amo an pag-urosa han ngatanan nga mga binuhat ha langit ngan ha tuna, dida kan Cristo nga amo an pangulo.