Levitico 3:5 - Samarenyo Meaning-Based Bible (1984)

⁵ Pagtutuboron han kapadian ini ngatanan dida han altar upod han iba nga mga halad nga pagtutuboron. Nakakalipay han Ginoo an kahamot hini nga halad nga pagkaon.

Levitico 3:5 Iomraidhean Croise

1 Hadi 8:64

Hito manta nga adlaw iya liwat ginhalad an butnga nga bahin han bungsaran, an dapit ha atubangan han Templo ngan iya ginhalaran hin mga hayop nga tinubod nga mga bug-os pa, hin mga halad nga pagkaon, ngan han tambok han mga hayop han mga halad hin pakigdait. Ginbuhat ini niya kay haligotay para hini ngatanan nga mga halad an bronse nga altar.

2 Cronicas 35:14

Katapos hini naggahin an mga Levita hin karne para ha ira ngahaw ngan para han kapadian nga tulin ni Aaron, kay nalibang an kapadian tubtob han pagkagab-i hin pagtubod han mga bug-os nga hayop ngan han tambok nga mga halad.

Exodo 29:13

Sunod, kuhaa an ngatanan nga sibo, an gimamaupayi nga bahin han atay, ngan an duha nga mga isul upod an sibo dida hini, ngan tubora ini dida han altar sugad nga halad ha akon.

Ezequiel 44:15

Nagsiring an Ginoo nga Dyos, “Kundi nagpadayon adton kapadian nga mga sakop han tribo ni Levi hin pag-alagad nga matinumanon ha akon didto ha Templo han pagbaya ha akon han iba han mga tawo han Israel. Sanglit yana, amo hira an mag-aalagad ha akon ngan ha akon atubangan maghahalad hira ha akon han tambok ug han dugo han tutuboron nga mga halad.

Ezequiel 44:7

Ginhugawan nira an akon Templo pinaagi hin pagtugot nira han diri tinori nga mga lumalangyaw, mga tawo nga diri nagsusugot ha akon nga sumulod han Templo ha takna nga iginhahalad ha akon an tambok ngan an dugo han mga halad nga tinubod. Sanglit ginsupak han akon mga tawo an akon ginsaaran pinaagi han ngatanan nga makapupungot nga mga butang nga ira ginbuhat.

Levitico 1:13

Kinahanglan paghugasan han tawo an mga sakob han ginhawa ngan an mangorhi nga mga paa, ngan ighahalad han padi an inihaw nga hayop ngadto han Ginoo ngan pagtutuboron ini ngatanan dida han altar. Nakakalipay han Ginoo an kahamot hini nga halad nga pagkaon.

Levitico 1:17

Kakaptan niya an mga pako ngan pipikason niya an lawas hini, ngan diri bubutason an mga pako, ngan pagtutuboron ini nga bug-os dida han altar. Nakakalipay han Ginoo an kahamot hini nga halad nga pagkaon.

Levitico 1:9

Kinahanglan paghugasan han tawo an mga sakob han ginhawa ngan an mangorhi nga mga paa, ngan pagtuboron han nangungulo nga padi an bug-os nga halad dida han altar. Nakakalipay han Ginoo an kahamot hini nga halad nga pagkaon.

Levitico 3:11

Pagtutuboron han nangungulo nga padi ini ngatanan dida han altar sugad nga usa nga halad nga pagkaon ngadto han Ginoo.

Levitico 3:4

an mga isol ngan an tambok hini, ngan an labi ka maupay nga bahin han atay.

Levitico 4:31

Niyan kukuhaon niya an ngatanan nga tambok hini sugad nga kinukuha an tambok han mga hayop nga gin-iihaw para han mga halad nga pagkaurosa, ngan pagtutuboron ini niya dida han altar, ngan nakakalipay han Ginoo an kahamot hini. Hini nga paagi tutuboron han padi an halad para han sala han tawo, ngan pasasayloon hiya.

Levitico 4:35

Niyan kukuhaon niya an ngatanan nga tambok hini sugad nga kinukuha an tambok han karnero nga gin-iihaw para han mga halad nga pagkaurosa, ngan pagtutuboron ini niya dida han altar upod an mga halad nga pagkaon nga iginhatag ngadto han Ginoo. Hini nga paagi tutuboron han padi an halad para han sala han tawo, ngan pasasayloon hiya.

Levitico 6:12

Kinahanglan diri kawarayan hin kalayo dida ha altar ngan diri gud ini pagparongon. Kada aga pagsusung-an ini han padi, ibabawbaw dida hini an halad nga susunogon, ngan pagsusunogon niya an tambok han halad nga pagkaurosa.

Levitico 7:28

Iginhatag han Ginoo kan Moises an masunod nga mga turumanon

Levitico 9:17

Gindara niya an halad nga pagkaon ngan kinmuha hiya hin usa ka kumkom nga harina ngan ginsunog ini didto han altar. (Labot la ini han ikinaadlaw nga halad nga ginsusunog.)

Numero 15:8

Kon pagdad-on ngadto han Ginoo in todo nga baka nga usa nga halad nga susunogon, o nga usa nga hayop nga tutuboron ha pagtuman hin saad, o nga usa nga halad hin pagkaurosa,

Numero 18:17

Kundi diri tutubson an suhag han mga baka, mga karnero, ngan mga kanding; akon gud ini ngan kinahanglan ighalad nga mga hayop nga tutuboron. Isablig ngada han altar an dugo hini ngan tubora an tambok sugad nga halad nga pagkaon, kanay alimyon nakakalipay han Ginoo.

Numero 28:12

Sugad nga usa nga halad nga pagkaon, ighalad in harina nga sinaktan hin lana hin olibo: upod han kada baka nga todo, mga 3 ka kilo nga harina; upod han karnero nga lalaki, mga 2 ka kilo;

Numero 28:3

Amo ini an mga halad nga pagkaon nga pagdadad-on niyo ngadto han Ginoo; para han ikinaadlaw nga halad nga susunogon: duha nga nati nga mga karnero nga lalaki nga tag-usa ka tuig an panuigon, nga waray mga dum-it.

1 Pedro 2:5

Dangop nga sugad kamo hin buhi nga mga bato, ngan ipagamit an iyo kalugaringon hin pagtindog han espirituhanon nga templo, diin mag-aalagad kamo sugad nga baraan nga kapadian hin paghalad hin espirituhanon ngan nakakalipay nga mga tinubod nga unong ngadto han Dyos pinaagi kan Jesu-Cristo.