Levitico 3:1 - Samarenyo Meaning-Based Bible (1984)

¹ Kon may maghalad hin usa han iya mga baka nga ipapahinungod para hin pagkaurosa, kinahanglan todo o umagwas ini ngan waray gud mga dum-it.

Levitico 3:1 Iomraidhean Croise

1 Cronicas 21:26

Nagtindog hiya hin altar para han Ginoo didto ngan nagdara hiya hin mga susunogon nga halad ug mga halad hin pakig-urosa. Nag-ampo hiya ngan pinamatian hiya han Ginoo pinaagi hin pagpadara hin kalayo tikang ha langit nga nagtubod han mga halad dida han altar.

Exodo 20:24

Paghimo kamo hin altar nga tuna para ha akon, ngan ighalad dida hini an iyo mga karnero ngan mga baka sugad nga mga halad nga tinubod ngan sugad nga mga halad hin pakig-urosa. Ha tagsa nga dapit nga akon igingahin nga pagsisingbahan niyo ha akon, makada ako ha iyo ngan magbibendisyon ako ha iyo.

Exodo 24:5

Niyan nagsugo hiya hin batan-on nga kalalaken-an, basi maghalad han Ginoo hin mga hayop nga tutuboron ngan hin mga tudo nga baka nga ighahalad para hin pagkaurosa.

Exodo 29:28

Akon ini sugo nga diri maliliwat nga kanan kapadian an dughan ngan an paa han hayop kon maghahalad an akon mga tawo han ira mga halad hin pagkaurosa. Amo ini an regalo han mga tawo ha akon nga Ginoo.

Mga Darahonon 7:14

“Naghalad ako yana nga adlaw, ngan may-ada ako sora tikang han mga halad nga gin-ihaw.

Ezequiel 43:27

Kon matapos na an usa ka simana magtitikang na an kapadian hin paghalad dida han altar han mga halad nga tinubod ngan han mga halad para hin pagkaurosa nga dara han mga tawo. Niyan malilipay ako ha iyo ngatanan. Ako nga Ginoo nga Dyos an nagyakan.”

Levitico 1:10

Kon maghalad an tawo hin usa han iya mga karnero o mga kanding, kinahanglan lalaki ini ngan waray gud mga dum-it.

Levitico 1:3

Kon maghalad hiya hin usa han iya mga baka basi pagtuboron, kinahanglan magdara hiya hin lalaki nga waray gud mga dum-it. Kinahanglan ighalad ini niya ngadto han agian han Tulda han Ginoo basi karawaton hiya han Ginoo.

Levitico 17:5

An kahulogan hini nga sugo amo ini: nga pagdad-on na han mga tawo han Israel ngadto han Ginoo adton ira mga gin-ihaw nga ira ginhalad didto ha gawas han kampo. Pagdadad-on nira ngadto han padi didto han agian han Tulda ngan pag-iihawon ini nira nga mga halad hin pagkaurosa.

Levitico 3:6

Kon usa nga karnero o kanding an gamiton para hin halad nga pagkaurosa, kinahanglan nga lalaki o babayi ini, kundi kinahanglan waray gud mga dum-it.

Levitico 9:18

Gin-ihaw niya an lalaki nga baka ngan an lalaki nga karnero nga usa nga halad hin pagkaurosa para han mga tawo. Gindad-an hiya han iya mga anak nga kalalaken-an han dugo, ngan iya iginsablig ini ngada han ngatanan nga upat nga mga ligid han altar.

Levitico 9:4

ngan hin usa nga lalaki nga baka ngan hin usa nga lalaki nga karnero para hin halad hin pagkaurosa. Ighahalad ini nira ngadto han Ginoo upod han halad nga pagkaon nga sinaktan hin lana. Kinahanglan pagbuhaton ini nira kay mapakita ha ira an Ginoo yana nga adlaw.”

Amos 5:22

Kon maghalad kamo han iyo mga hayop nga tinubod ngan mga halad nga pagkaon, diri ako makarawat hini. Diri ako makarawat han mga mananap nga iyo ginpatambok, nga gindadara nga halad ngadi ha akon.

Malaquias 1:14

Higabaan unta an malimbong nga tawo nga naghahalad ha akon hin waray pulos nga hayop, nga may-ada man unta niya didto han iya panon maupay nga hayop nga iginsaad niya hin paghatag ha akon! Kay dako ako nga hadi ngan nahahadlok ha akon an mga tawo han ngatanan nga mga nasod.”

Malaquias 1:8

Kon nagdadara kamo hin buta o masakiton o piang nga hayop nga ihahalad ha akon, naghuhunahuna ba kamo nga angay an iyo ginbuhat? Sarihi daw niyo paghatag ha gobernador hin hayop nga sugad hito! Makakapahimuot ba ini ha iya o tatagan ba kamo hin pahalipay?”

Numero 15:8

Kon pagdad-on ngadto han Ginoo in todo nga baka nga usa nga halad nga susunogon, o nga usa nga hayop nga tutuboron ha pagtuman hin saad, o nga usa nga halad hin pagkaurosa,

Numero 6:14

ngan ighahalad niya ngadto han Ginoo in tulo nga mga hayop nga waray mga dum-it: usa nga nati nga karnero nga lalaki nga usa ka tuig an panuigon para hin usa nga halad nga tutuboron; usa nga nati nga karnero nga babayi nga usa ka tuig an panuigon para hin usa nga halad tungod hin sala, ngan hin usa nga karnero nga lalaki para hin usa nga halad hin pagkaurosa.

Deuteronomio 12:27

Ighalad niyo didto an mga halad nga susunogon dida han altar han Ginoo. Ighalad liwat niyo adto nga mga hayop nga tutuboron nga kinakaon niyo an karne ngan ihuwad an dugo ngada han altar.

Mga Taga-Colosas 1:20

Sanglit, pinaagi han Anak, naglarang an Dyos nga mahibalik an bug-os nga ginhimo nga mga butang ngadto ha iya. Pinaagi han kamatayon han iya Anak ha kros, ihinatag han Dyos an kalinaw, ngan nahibalik ngadto ha iya ngahaw an ngatanan nga mga binuhat ha langit ngan ha tuna.

Hebreo 10:22

Sanglit dangop kita han Dyos upod in tangkod nga kasingkasing ngan marig-on nga pagsarig, upod in mga kasingkasing nga nalinisan na tikang hin salaan nga konsensya ngan panhunahuna, ngan mga lawas nga nahugasan na hin limpyo nga tubig.

1 Juan 1:3

Iginsusumat liwat namon ha iyo an amon hinkit-an ngan hinbatian, basi mahitampo kamo ha amon dida hin minagburugto nga pagkaurosa naton han Amay ngan han iya anak nga hi Jesu-Cristo.

Mga Maghurukom 20:26

Niyan sinmagka an ngatanan nga mga tawo han Israel ngadto ha Betel ngan nagmabidoon hira. Nagkalingkod hira didto ha atubangan han Ginoo ngan waray mangaon hira tubtob han pagkagab-i. Naghalad hira hin mga halad hin pagdaet ngan hin mga halad nga tinubod—ini ngatanan ha atubangan han Ginoo.

Mga Maghurukom 21:4

Temprano pa han pagkaaga nagkabuhat an mga tawo ngan nagtindog hin altar. Naghalad hira hin mga halad hin pagkaurosa ngan hin mga halad nga tinubod.