Levitico 27:3 - Samarenyo Meaning-Based Bible (1984)

^3-7 sumala han opisyal nga suruklan: –lalake nga 20 ngadto ha 60 an panuigon: 50 ka bug-os nga salapi –kon babaye: 30 ka bug-os nga salapi –lalake nga 5 ngadto ha 20 an panuigon: 20 ka bug-os nga salapi –kon babaye: 10 ka bug-os nga salapi –lalake nga ubos hin 5 ka tuig an panuigon: 5 ka bug-os nga salapi –kon babaye: 3 ka bug-os nga salapi –lalake nga lapos na hin 60 an panuigon: 15 ka bug-os nga salapi –kon babaye: 10 ka bug-os nga salapi

Levitico 27:3 Iomraidhean Croise

2 Hadi 12:4

Gintawag ni Joas an kapadian ngan ginsugo hira nga tirokon an kwarta nga bayad han mga paghalad ha Templo, pati an mga bayad han kada adlaw nga mga paghalad ngan an kwarta nga huyayag nga hatag han mga tawo.

Exodo 30:13

An ngatanan nga nahiupod han pag-ihap, kinahanglan magbayad han ginkikinahanglan nga kwarta nga tinimbang sumala han timbangan nga opisyal. Kinahanglan an tagsatagsa magbayad hini nga usa nga halad ha akon.

Exodo 38:24

May kabug-aton nga 1,000 ka kilo sumala han timbangan nga opisyal an ngatanan nga bulawan nga iginhalad ngadto han Ginoo para han baraan nga Tulda.

Levitico 27:14

Kon maghalad in usa ka tawo han iya balay ngadto han Ginoo, an padi an mag-iigo han kabaraydan sumala han kamaupay o kamaraot han balay ngan diri na ini matatawaran.

Levitico 27:25

Ipapasikad an ngatanan nga kabaraydan han timbangan nga ginagamit ha sanktuaryo.

Levitico 5:15

Kon nakasala nga diri tinuyo ini bisan hin-o pinaagi hin diri pakadara ngadto han Ginoo han bayad hin mga butang nga baraan, magdadara hiya hin iya halad ngadto han Ginoo nga bayad hin usa nga lalaki nga karnero o kanding nga waray mga dum-it. Pag-iigoigoon an balor hini sumala han opisyal nga timbangan.

Levitico 6:6

Pagdadad-on niya ngadto han padi sugad nga iya halad nga bayad ngadto han Ginoo in usa nga lalaki nga karnero o kanding nga waray mga dum-it. Pag-iigoigoon an balor hini sumala han opisyal nga timbangan.

Numero 18:16

Tutubson an kabataan nga usa ka bulan pa la hin lima ka bug-os nga salapi, sumala han opisyal nga suruklan nga amo gud ini nga kabaraydan hin paglakat.

Numero 3:47

Baydi hin lima ka bug-os nga salapi para han kada usa, sumala han suruklan nga opisyal,