Levitico 26:9 - Samarenyo Meaning-Based Bible (1984)

⁹ Pagbebendisyonan ko kamo ngan tatagan ko kamo hin damo nga mga anak; pagtutumanon ko an akon bahin han Ginsaaran nga akon ginhimo ha iyo.

Levitico 26:9 Iomraidhean Croise

Genesis 1:28

ginbendisyonan hira ngan ginsiring, “Magkamay-ada kamo damo nga mga anak, basi mag-ukoy ha bug-os nga tuna an iyo mga tulin ngan paghadian nira ini. Iginbubutang ko kamo nga tinaporan han kaisdaan, han katamsihan, ngan han ngatanan nga ihalas nga kamanampan.

Genesis 17:20

Hinbatian ko an imo hangyo hiunong kan Ismael, sanglit pagbebendisyonan ko hiya ngan tatagan ko hiya hin damo nga mga anak ngan damo nga mga tulin. Magigin amay hiya hin dose nga mga punoan, ngan hihimoon ko nga usa nga dako nga nasod an iya mga tulin.

Genesis 22:17

nagsasaad ako nga ighahatag ko ha imo in mga tulin nga sugad kadamo han mga bitoon didto ha langit o han mga baras ha baybayon. Pagdadag-on han mga tulin nimo an ira mga kaaway.

Genesis 26:4

Tatagan ko ikaw hin mga tulin nga sugad ka damo han mga bitoon ha langit, ngan ighahatag ko ha ira ini ngatanan nga katunaan. Hahangyoon ako han ngatanan nga kanasoran hin pagpakaupay ha ira sugad han akon pagpakaupay han imo mga tulin.

Genesis 28:14

Magdadamo hira sugad han mga tapotapo han tuna. Pahihiluagon nira an ira katunaan ha ngatanan nga pag-ultan ngan pinaagi ha imo ngan han imo mga tulin pagpapakaupayon ko an ngatanan nga kanasoran.

Genesis 28:3

Pagbendisyonan unta han Dyos nga Labi Kamakagarahum an imo pag-asawa ngan tagan unta kamo hin damo nga mga anak, basi mahimo ka nga amay hin damo nga kanasoran!

Genesis 48:4

Nagsiring hiya ha akon, ‘Tatagan ko ikaw hin damo nga mga anak, basi mahimo an imo mga tulin nga damo nga mga nasod; ighahatag ko ini nga tuna ngadto han imo mga tulin sugad nga ira dayon nga panurundon.’”

Genesis 6:18

kundi maghihimo ako ha imo hin ginsabotan. Sulod ikaw ngadto han arka upod an imo asawa, an imo mga anak nga kalalaken-an, ngan an ira kaasaw-an.

1 Hadi 3:8

Iini ako yana ha butnga han mga tawo nga imo ginpili nga imo kalugaringon, mga tawo nga uraura hin kadamo nga makuri maihap.

2 Hadi 13:23

kundi nalooy ngan pinmaid ha ira an Ginoo. Waray hiya tumugot nga mapuo an Israel, kundi ginbuligan hira, tungod han iya ginsaaran kan Abraham, Isaac, ug Jacob. Waray gud hiya mahingalimot han iya mga tawo.

Nehemias 2:20

Binmaton ako, “Upod an bulig han Dyos han Langit, magmainuswagon gud kami hini nga amon inaatubang nga buhat. Kundi waray niyo katungod han bisan ano nga hiagi dinhe ha Jerusalem, ngan waray niyo bahin han iya mga handomanan.”

Nehemias 9:23

Gintagan mo hira hin mga anak nga sugad kadamo han kabitun-an ha langit, ngan ginpatag-iya ngan ginpaukoy mo hira didto han tuna nga imo iginsaad nga ihahatag ngadto han ira kaapoy-apoyan.

Mga Salmo 107:38

Iya ginpakaupay iya katawhan, ngan nagdamo adton ira kabataan; waray n'ya tugoti nga magtikaiban, mga panon hadton ira kabakahan.

Mga Salmo 89:3

Siring mo, “Naghimo ak' hin ginsaaran, kaupod han tawo nga ak' ginpili man; ngan may-ada tawo nga ak' ginsaaran, nga ak' surugoon nga David an ngaran.

Exodo 1:7

kundi damo an mga anak han ira mga tulin nga mga Israelita. Nagdamo hira hin duro ngan nagmakusog gud hira ug nakaluob hira han Ehipto.

Exodo 2:25

Hinkit-an niya an pagkaoripon han mga Israelita, ngan nalooy hiya ha ira.

Exodo 6:4

Ginhimo ko liwat ha ira an akon ginsaaran ngan akon ginsaad hin paghatag ha ira han tuna han Canaan, an tuna diin hira nag-ukoy sugad nga mga lumalangyaw.

Isaias 55:3

“Pamati yana, mga tawo ko, ngan daop kamo ha akon; daop ha akon ngan mabubuhi kamo! Hihimoon ko ha iyo in dayon nga ginsabotan, ngan ihahatag ko ha iyo an mga kaupayan nga akon iginsaad kan David.

Jeremias 23:3

Pagtitirokon ko an nahisalin han akon mga tawo tikang han mga nasod diin akon hira ginpasarang, ngan ibabalik ko hira ngadto han ira kalugaringon nga tuna. Manganganak hira hin damo ngan magdadamo na liwat hira.

Jeremias 23:4

Magtutudlok ako hin mga punoan nga magmamangno ha ira. Diri na mahahadlok o malilisang an akon mga tawo, ngan diri ko na hira pagkakastigohon. Ako nga Ginoo an nagyakan.”

Jeremias 33:3

“Sangpit ha akon ngan babatonon ko ikaw; pagsusumatan ko ikaw hin urosahon ngan makatitingala nga mga butang nga diri gud nimo hinbabaroan.

Ezequiel 16:62

Babag-ohon ko an akon ginsaaran ha imo, ngan makilala ka nga ako amo an Ginoo.

Ezequiel 36:9

Dapig ako ha iyo ngan tatalinguhaon ko nga pag-aradohon ngan pagtamnan na liwat an iyo tuna.

Levitico 26:15

Kon dumiri kamo hin pagsugot han akon mga balaod ngan mga sugo, ngan diri kamo magtuman han ginsaaran nga akon ginhimo ha iyo,

Lucas 1:72

Nagsiring hiya nga malolooy hiya han aton mga ginikanan, ngan manunumdom hiya han iya baraan nga ginsaaran.

Deuteronomio 28:11

Tatagan kamo han Ginoo hin damo nga mga anak, damo nga kabakahan, ngan damo nga mga abot didto han tuna nga iya iginsaad han iyo kaapoy-apoyan nga iya ighahatag ha iyo.

Deuteronomio 28:4

“Bebendisyonan kamo han Ginoo hin damo nga mga anak, damo nga mga abot, ngan damo nga mga baka ug mga karnero.

Deuteronomio 7:13

Hihigugmaon ngan bebendisyonan kamo niya basi magdamo kamo ngan magkamay-ada niyo damo nga mga anak. Bebendisyonan niya an iyo kaumhan, basi mamay-ada niyo pagkaon, bino, ngan lana hin olibo; ngan bebendisyonan kamo niya pinaagi hin paghatag ha iyo hin damo nga mga baka ngan mga karnero. Ighahatag niya ha iyo ini ngatanan nga mga kaupayan didto han tuna nga iya iginsaad ngadto ha iyo kaapoy-apoyan nga iya ihahatag ha iyo.

Hebreo 8:9

Diri ini sugad han ginsaaran nga ginhimo ko para han ira mga kaapoy-apoyan, ha adlaw han pagtugwayi ko ha ira basi makapalagiw hira ha tuna han Ehipto. Waray hira magtuman han ginsaaran nga ginhimo ko ha ira, sanglit pinabay-an ko hira, nasiring an Ginoo.