Levitico 26:8 - Samarenyo Meaning-Based Bible (1984)

⁸ makakapirde hin usa ka gatos an lima ha iyo ngan makakapirde hin napulo ka yukot an usa ka gatos.

Levitico 26:8 Iomraidhean Croise

1 Cronicas 11:11

An syahan amo hi Jesbaam han banay ni Hecamoni ug hiya an pangulo han sinisiring “An Tutulo.” Nakig-away hiya pinaagi han iya bangkaw kontra hin 300 ka tawo ngan pinamatay niya ini ngatanan dida hin usa la nga pakig-away.

1 Cronicas 11:20

Hi Abisai, an bugto ni Joab, amo an pangulo han “Bantogan nga Traynta.” Nakig-away hiya pinaagi han iya bangkaw kontra hin 300 nga mga tawo ngan pinamatay niya hira ngan nabantogan hiya dida han hugpo han “Bantogan nga Traynta.”

Ester 9:16

Nagtitirok liwat an mga Judiyo didto han mga lalawigan hin pagpanalipod han ira kalugaringon. Ginbulos nira an ira mga kaaway pinaagi hin pagpatay hin 75,000 nga mga tawo nga nagdumot ha ira. Kundi waray hira manikas.

Levitico 26:7

Magmamadaogon kamo kontra han iyo mga kaaway;

Zacarias 12:8

Dida hito nga panahon pananalipdan han Ginoo adton mga nag-uokoy didto ha Jerusalem, ngan masusugad kan David ka makusog bisan an labi hin kamaluya dida ha ira. An mga tulin ni David magmamando ha ira sugad han anghel han Ginoo, sugad han Dyos ngahaw.

Numero 14:9

Ayaw kamo pagsupil han Ginoo ngan ayaw kamo kahadlok han mga tawo nga nag-uokoy didto. Diri makuri an pagpirde ha ira. Kaupod ta an Ginoo ngan ginpirde na an kadiyosan nga nanalipod ha ira; sanglit ayaw kamo kahadlok.”

Numero 31:4

Tikang han kada tribo han Israel ipadara niyo in usa ka yukot nga kalalaken-an ngadto ha pag-awayan.”

Deuteronomio 28:7

“Pagpipirdehon han Ginoo an iyo mga kaaway kon sulongon kamo nira. Masulong hira ha usa nga agian, kundi makalagiw hira ha iyo ha ngatanan nga mga agian.

Deuteronomio 32:30

Kay ano nga ginpirde hin usa ka tawo in usa ka yukot, ngan hin duha la ka tawo an napulo ka yukot? Ginbayaan hira han Ginoo nga ira Dyos; iginsalikway hira han ira makagarahum nga Dyos.

Josue 23:10

Bisan hin-o ha iyo makakapadalagan hin usa ka yukot nga mga tawo tungod kay an Ginoo nga iyo Dyos amo an nakikig-away para ha iyo sugad han iya ginsaad.

Mga Maghurukom 15:15

Niyan hin-agian niya in tul-an nga sulang hin asno nga bag-o pa la nga namatay. Iya ginpurot, ngan pinaagi hini ginpatay niya in 1,000 nga mga tawo.