Levitico 26:6 - Samarenyo Meaning-Based Bible (1984)

⁶ “Tatagan ko kamo hin kalinaw didto han iyo tuna, ngan makakakaturog kamo hin waray niyo sadang kahadlokan. Pagpupuohon ko an magpintas nga kamanampan didto han tuna, ngan mawawaray na araway didto.

Levitico 26:6 Iomraidhean Croise

2 Hadi 2:24

Linmingi hi Eliseo, tinutokan hira, ngan gintunglo hira ha ngaran han Ginoo. Ngan ginmawas ha kagurangan in duha nga babayi nga mga uso ngan ginhunothunot in 42 han kabataan.

1 Cronicas 22:9

Kundi nagsaad hiya ha akon. Nagsiring hiya, ‘Magkakamay-ada ka anak nga maghahadi dida hin kalinaw, kay diri na magsasamok an iya mga kaaway. Hi Solomon an iya ngaran kay ha panahon han iya pagkahadi, ihahatag ha Israel in kalinaw ug kahimyangan.

2 Cronicas 20:30

sanglit naghadi ha kalinaw hi Josafat, ngan gintagan hiya han Dyos hin kalinaw bisan diin han iya ginhadian.

An Basahan ni Job 11:19

Diri ka mahahadlok han imo mga kaaway; mapaugop ha imo in damo nga mga tawo.

An Basahan ni Job 5:23

Diri na batoon an aradohon nga imo mga uma; diri ka na susulongon hin ihalas nga kamanampan.

Mga Salmo 144:14

Mag-anak hin damo an am' kabakahan, waray kapunitan o bisan kawad-an. Mawaray unta ha at' kakalsadahan magnguyngoy tungod hin mga kakurian!

Mga Salmo 147:14

Gintatalwas n'ya an im' mga pag-ultan, tikang han tanan nga mga kataragman. Ngan iya ka gud ginpapatagusyahan hadton giuupayi nga katrigohan.

Mga Salmo 29:11

Iya katawhan hin kusog tinagan, hin kalinaw hira ginbendisyonan.

Mga Salmo 3:5

Nahigda ako ngan nakaturog, ngan ha bug-os nga gab-i pinananalipdan ako han Ginoo.

Mga Salmo 4:8

Ha akon pagpahuway, nakaturog ako ha kalinaw; kay ikaw la, O Ginoo, an nagmamangno ha akon.

Mga Salmo 85:8

Namamati ako han kanan Dyos mga pulong, nga nasaad hin kalinaw ug kadait ha aton; kon kita diri han maraot nga paagi magpadayon.

Exodo 23:29

Diri ko hira paiiwason sulod la hin usa ka tuig; kon pagbuhaton ko ini mawawaray tawo an tuna ngan magdadamo hin duro an ihalas nga kamanampan.

Mga Darahonon 3:24

Diri ka mahahadlok ha imo paghigda, ngan makaturog ka nga malinawon ha bug-os nga gab-i.

Mga Darahonon 6:22

An ira pagturon-an amo an mag-uuna ha imo paglalakton, amo an mananalipod ha imo kon gab-i, ngan magsasagdon ha imo kon adlaw.

Isaias 35:8

Magkakamay-ada didto hiluag nga dalan nga tinatawag “An Dalan han Pagkabaraan.” Waray gud makasasala nga maglalakat dida hito nga dalan; waray mga lurong nga magpapasimang hadton mga naagi hini nga dalan.

Isaias 35:9

Waray mga liyon nga mag-uokoy didto; waray magpintas nga kamanampan nga maagi hito nga dalan. Maglalakat dida hito nga dalan hin pag-uli adton mga gintalwas han Ginoo.

Isaias 45:7

Gintuha ko an kapawa ug kasisidman; gindara ko in kaupayan ug karat-an. Ako nga Ginoo an nagbuhat hini ngatanan nga mga butang.

Isaias 9:7

Magpapadayon hin kamainuswagon an iya hadianon nga gahom; dayuday magmamalinaw an iya ginhadian. Maghahadi hiya nga sumurunod ni Hadi David, ngan ipapakita niya an iya gahom dida han pagkamatadong ug katadongan, tikang yana tubtob han kataposan nga panahon. Pagbubuhaton gud ini ngatanan han Ginoo nga Labi Kamakagarahum.

Jeremias 30:10

“Ayaw kamo kahadlok, akon mga tawo; ayaw kalisang, mga tawo han Israel. Babawion ko kamo tikang hito nga hirayo nga tuna, han tuna nga diin mga bihag kamo. Mauli kamo ngan mag-uokoy ha kalinaw; himyang na an iyo kamutangan ngan waray na maghahadlok ha iyo.

Jeremias 31:26

Sanglit may hin siring han mga tawo, ‘Kinmaturog ako ngan malaksi na ako ha akon pagmata.’

Ezequiel 14:15

“O bangin magpadara ako hin magpintas nga kamanampan hin pagpatay han mga tawo, nga makakahimo han tuna nga makaharadlok paglaktan nga waray tawo nga magpapasipara hin paglatas hini,

Ezequiel 14:17

“O bangin magdara ako hin araway ngada hito nga nasod ngan magpadara ako hin makamaratay nga mga hinganiban hin pagpuo han mga tawo ngan mga mananap,

Ezequiel 14:21

Amo ini an igyayakan han Ginoo nga Dyos: “Igpapadara ko ngada ha Jerusalem an akon upat nga dagko nga mga kastigo—araway, gutom, magpintas nga kamanampan, ug mga sakit—hin pagpuo hin mga tawo ngan mga mananap.

Ezequiel 34:25

Maghihimo ako hin ginsaaran ha ira nga magpapasarig han ira kahimyangan. Pupuohon ko an ngatanan nga magpintas nga kamanampan dida han tuna, basi makag-ukoy an akon mga karnero hin waray kahadlok didto han kaumhan ngan makakaturog hira didto han mga kagurangan.

Ezequiel 34:27

Mamumunga an kakahoyan, mahatag hin mga abot an kaumhan, ngan mag-uokoy an tagsatagsa ha kamurayawan didto han iya kalugaringon nga tuna. Kon utdon ko na an mga kadena han akon mga tawo ngan buhian hira tikang hadton mga nag-oripon ha ira, niyan makilala hira nga ako amo an Ginoo.

Ezequiel 5:17

Magpapadara ako hin gutom ngan magpintas nga kamanampan hin pagpatay han imo mga anak, ngan magpapadara ako hin sakit, paglupig, ug araway hin pagpatay ha imo. Ako nga Ginoo an nagyakan.”

Oseas 2:18

Hito nga panahon maghihimo ako hin ginsaaran han ngatanan nga ihalas nga kamanampan ug katamsihan, basi diri na nira paglabtan an akon katawhan. Kukuhaon ko liwat tikang han tuna an ngatanan nga mga hinganiban hin away, an ngatanan nga mga espada ngan mga pana, ngan pauukyon ko an akon katawhan ha kalinaw ngan waray kataragman.

Oseas 2:20

Pagtutumanon ko an akon saad ngan aangkonon ko ikaw, ngan makilala ka ha akon nga imo Ginoo.

Levitico 25:18

Pagsugta niyo an ngatanan nga mga balaod ngan mga sugo han Ginoo, basi mamurayaw an iyo pag-ukoy didto han tuna nga iyo kakadtoan.

Levitico 25:19

Mahatag an tuna hin damo nga mga abot ngan magkakamay-ada kamo han ngatanan nga karuyag niyo nga pagkaon, ngan mag-uokoy kamo hin waray kataragman.

Levitico 26:22

Ipadadara ngada ha iyo in magpintas nga kamanampan, ngan pamamatayon hini an iyo mga anak, pupuohon an iyo kahayopan, ngan gutiay gud la an isasalin ha iyo nga waray na hikikit-an nga maglalakat dida han iyo mga dalan.

Levitico 26:25

Ipadadara ko ha iyo in araway hin pagkastigo ha iyo tungod han diri niyo pagtuman han aton ginsaaran, ngan kon magtirok kamo didto han iyo mga syudad basi mamarayaw an iyo kamutangan, magpapadara ako ha iyo hin mga sakit nga makamaratay, ngan mapipirit kamo hin pagtubyan ngadto han iyo mga kaaway.

Levitico 26:7

Magmamadaogon kamo kontra han iyo mga kaaway;

Miqueas 4:4

Mag-uokoy ha kalinaw an tagsatagsa dida han iya kalugaringon nga mga urubasan ngan kaigosan, ngan waray na maghahadlok ha iya. An Ginoo nga Labi Kamakagarahum an nagsaad hini.

Sofonias 3:13

Diri na magbubuhat hin sayop bisan kan kanay an mga tawo han Israel nga mahibilin nga buhi, diri na magbibinuwa, o maglilimbong. Magmamainuswagon ngan himyang na hira, nga waray na nira sadang kahadlokan.”

Hageo 2:9

Malabaw kamatahom an bag-o nga Templo kay han daan, ngan didto tatagan ko an akon mga tawo hin kauswagan ug kalinaw.” An Ginoo nga Labi Kamakagarahum an nagyakan.

Zacarias 9:10

Nasiring an Ginoo, “Kukuhaon ko tikang ha Israel an mga karuwahe, ngan kukuhaon ko tikang ha Jerusalem an kakabayohan. Pamamarion ko an mga pana nga ginamit didto ha pag-awayan. An iyo hadi makikigsabot hin kalinaw dida han mga nasod; maghahadi hiya ha pataboktabok han kadagatan, tikang han salog Eufrates ngadto han kasidsiran han tuna.”

Juan 14:27

“Ibibilin ko ha iyo an kalinaw; ihahatag ko ha iyo an akon kalinaw. Ihahatag ko ini ha iyo diri sugad han paghatag han kalibutan. Ayaw kamo kabaraka ngan kalisang; ayaw kamo kahadlok.

Mga Buhat 12:6

Dida han gab-i nga pagdadad-on na hiya ni Herodes han pagkabuwas ngadto han mga tawo, nakaturog hi Pedro ha butnga hin duha nga mga gwardya. Ginapos hiya hin duha nga kadena, ngan may mga gwardya nga nagbabantay han portahan han bilanggoan.

Mga Taga-Roma 5:1

Yana, tungod nga gin-isip na kita nga matadong sa Dyos pinaagi hin pagtoo, may-ada na naton malinaw nga pakig-usa sa Dyos, pinaagi han aton Ginoo Jesu-Cristo.