Levitico 26:4 - Samarenyo Meaning-Based Bible (1984)

⁴ ipadadara ko an uran ha igo nga panahon basi humatag hin damo nga mga abot an tuna ngan mamunga an kakahoyan.

Levitico 26:4 Iomraidhean Croise

1 Hadi 17:1

Nagsiring kan Hadi Acab in usa nga manaragna nga ginngaranan kan Elias nga taga-Tisbe ha Galaad, “Nagsusumat ako ha imo ha ngaran han Ginoo, an buhi nga Dyos han Israel nga akon gin-aalagad, nga mawawaray tun-og o uran sulod hinin masunod nga pira ka tuig, ngada han akon liwat pagsiring ha imo.”

An Basahan ni Job 5:10

Pinauuranan niya an tuna ngan pinatutubigan an kaumhan.

Mga Salmo 104:13

Tikang langit uran mo ha kabukiran, puno'n tuna han im' mga kaupayan.

Mga Salmo 67:6

Kay an katunaan nanmunga hin duro, naghatag hin abot, hin ani nga husto. An Dyos, nga aton Dyos naglipay ha aton,

Mga Salmo 67:7

an Dyos amo an ha aton nagbendisyon. Katawhan ha tanan dapit mag-uruyon pagyukbo ha iya hin matinahoron.

Mga Salmo 68:9

Imo ginpabunok in banos nga uran, ngan ginpatambok mo uga nga kaumhan.

Mga Salmo 85:12

An Ginoo an magpapauswag ha aton, ngan mahatag an tuna hin hura nga aranihon.

Mga Salmo 85:13

Mag-uuna han Ginoo an pagkamatadong, ngan mag-aandam han dalan para ha aton.

Isaias 30:23

Ha kada pagtatanom niyo han iyo mga binhe, magpapadara an Ginoo hin uran hin pagpatubo han iyo tanom, ngan mahatag ha iyo hin hura nga aranihon, ngan hin damo nga panabsaban han iyo kabakahan.

Isaias 5:6

Patutuboan ko dida hini in kabanwaan. Diri ko pagtatag-an an mga sanga o pagdadalosan an tuna; kundi patutudkon ko in mga tunokon nga kabanwaan. Hahawiran ko ngani an mga dampog basi diri makauran.”

Jeremias 14:22

May-ada ba mga diyosdiyos han mga nasod nga makakagpadara hin uran? Ug an langit makakapauran ba? Naglaom kami ha imo, O Ginoo nga amon Dyos, kay ikaw amo an nagbubuhat hini nga mga butang.

Ezequiel 36:30

Padadamoon ko an abot han iyo bumurunga nga mga kahoy ngan han iyo kaumhan, basi mawaray na niyo mga kagutom nga magpapakaalo ha iyo dida han mga nasod.

Joel 2:22

Kamanampan, ayaw kahadlok. May banwa na an mga panibsiban; nanmunga na an kakahoyan, ngan damo na an mga igos ngan mga ubas.

Levitico 25:19

Mahatag an tuna hin damo nga mga abot ngan magkakamay-ada kamo han ngatanan nga karuyag niyo nga pagkaon, ngan mag-uokoy kamo hin waray kataragman.

Levitico 25:21

Pagbebendisyonan han Ginoo an tuna dida han ikaunom nga tuig basi makahatag ini hin igo nga pagkaon hin kanan duha ka tuig.

Zacarias 8:12

Dida hin kalinaw tatamnan nira an ira mga uma. Mamumunga an ira mga ubas, mahatag hin mga abot an tuna, ngan magkakamay-ada damo nga uran. Ihahatag ko ini ngatanan nga kaupayan ngadto han mga tawo nga mahisalin nga buhi han akon nasod.

Mateo 5:45

basi mahimo kamo nga mga anak han iyo Amay ha langit. Kay hiya in waray pinalabi, kay hiya an nagpapasirak han adlaw ug nagpapauran ngadto han mga magtadong ngan mga makasasala.

Mga Buhat 14:17

Kundi pirme hiya nagpapamatuod hiunong han iya kalugaringon pinaagi han magupay nga mga butang nga iya ginbubuhat: nahatag hiya ha iyo hin uran tikang ha langit ngan mga abot han tuna ha igo nga panahon; nahatag hiya ha iyo hin pagkaon ngan ginpupuno pa hin kalipay an iyo mga kasingkasing.”

Deuteronomio 11:13

“Sanglit tumana niyo an mga sugo nga akon ighahatag ha iyo yana nga adlaw; higugmaa an Ginoo nga iyo Dyos ngan pag-alagad hiya ha bug-os niyo nga kinasingkasing.

Deuteronomio 11:14

Kon buhaton niyo ini, magpapadara hiya hin uran ha iyo tuna ha igo nga panahon nga magkikinahanglan kamo hin tubig, basi magkamay-ada niyo binhe, bino, ngan lana hin olibo,

Deuteronomio 28:12

Igpapadara niya ha iyo in uran ha igo nga panahon tikang han iya hirimosan didto ha langit ngan bebendisyonan an ngatanan niyo nga ginbubuhat, basi makagpahuram kamo ngadto hin damo nga mga nasod, kundi diri kamo mangungutang bisan kan kanay.

Santiago 5:7

Sanglit, kabugtoan ko, pagmailobon kamo, tubtob han pag-abot han Ginoo. Kitaa niyo an kamailobon han parauma samtang naghuhulat han pag-ani han abot han iya uma. Naghuhulat hiya nga mapailobon han panahon han kat-uran.

Ginpadayag 11:6

May-ada nira gahom hin pagsada han langit basi diri makauran ha panahon nga magpapasangyaw hira han mensahe han Dyos. May-ada liwat nira gahom hin paghimo nga dugo han mga burabod han tubig; may-ada liwat nira gahom hin pagdara han bisan ano nga peste nganhi ha tuna, hin sugad ka agsob han ira karuyag.