Levitico 26:12 - Samarenyo Meaning-Based Bible (1984)

¹² Maupod ako ha iyo; magigin Dyos ako niyo, ngan magigin katawhan ko kamo.

Levitico 26:12 Iomraidhean Croise

Genesis 17:7

“Tutumanon ko an akon saad ha imo ngan han imo mga tulin ha tidaraon nga mga katulinan, sugad nga usa nga waray kataposan nga ginsaaran. Magigin Dyos ako nimo ngan an Dyos han imo mga tulin.

Genesis 17:8

Ighahatag ko ha imo ngan han imo mga tulin ini nga tuna diin usa ka nga lumalangyaw yana. Pagtatag-iyahon ha kadayonan han imo mga tulin an bug-os nga tuna han Canaan, ngan magigin Dyos ako nira.”

Genesis 3:8

Hito ngahaw nga kulopay hinbatian nira an Ginoo nga Dyos nga naglalakat dida han tanaman, ngan tinmago hira ha iya dida han kakahoyan.

Genesis 5:22

Kahuman katawo ni Matusalem, hi Enoc nag-ataman han Dyos sulod hin 300 ka tuig, ngan nagkamay-ada hiya iba pa nga mga anak.

Genesis 5:24

Nag-ataman hiya han Dyos ha bug-os niya nga kinabuhi ngan katapos waray na hikit-i hiya, kay ginkuha hiya han Dyos.

Genesis 6:9

Amo ini an susumaton mahitungod kan Noe. May-ada hiya tulo nga mga anak nga kalalaken-an: hira Sem, Ham, ug Jafet. Matadong nga tawo hi Noe ha atubangan han Dyos ngan maupay gud nga tawo hadto nga panahon. Nag-ukoy hiya hin kinabuhi nga nakalipay han Dyos,

2 Samuel 7:7

Ha ngatanan nga akon paglakaton upod han mga tawo han Israel waray ako pakiana han mga pangulo nga akon gintudlok kay ano nga waray ako nira ighimo hin templo nga sidro.’

Mga Salmo 50:7

“Pamati, o akon mga tawo, ngan magyayakan ako; magpapamatuod ako kontra ha imo, Israel. Amo ako an Dyos nga iyo Dyos.

Exodo 29:45

Mag-uokoy ako tampo han mga tawo han Israel ngan magigin Dyos ako nira.

Exodo 29:46

Mahibabaro hira nga ako amo an Ginoo nga ira Dyos nga nagdara ha ira tikang ha Ehipto basi makag-ukoy ako tampo ha ira. Ako amo an Ginoo nga ira Dyos.

Exodo 3:6

Ako amo an Dyos han imo kaapoy-apoyan, an Dyos nira Abraham, Isaac ug Jacob.” Sanglit gintahoban ni Moises an iya bayhon kay nahadlok hiya hin pagtan-aw han Dyos.

Exodo 6:7

Hihimoon ko kamo nga akon kalugaringon nga mga tawo, ngan magigin Dyos ako niyo. Mahibabaroan niyo nga ako amo an Ginoo nga iyo Dyos, kon talwason ko na kamo tikang han pagkaoripon didto ha Ehipto.

Isaias 12:2

An Dyos an akon magtaralwas; masarig ako ha iya ngan diri ako mahahadlok. Nahatag ha akon hin gahom ug kusog an Ginoo; hiya an akon magtaralwas.

Isaias 41:10

Ayaw kamo kahadlok—kaupod ako niyo! Ako amo an iyo Dyos—ayaw kamo kaawod! Pakukusgon ngan bubuligan ko kamo; pananalipdan ngan tatalwason ko kamo.

Jeremias 11:4

Amo ini an ginsaaran nga ginhimo ko ha ira kaapoy-apoyan han pagpagawsa ko ha ira han Ehipto nga tuna nga sugad hin naglalahinggab nga hudno. Gintugon ko hira hin pagsugot ha akon ngan hin pagbuhat han ngatanan nga akon iginsugo. Gintugon ko hira nga kon magsugot hira, akon hira mga tawo ngan ako ira Dyos.

Jeremias 31:33

Amo ini an bag-o nga ginsaaran nga akon paghihimoon han mga tawo han Israel: Igbubutang ko ha ira mga hunahuna an akon balaod ngan igsusurat ko ini dida han ira mga kasingkasing. Magigin Dyos ako nira, ngan magigin akon mga tawo hira.

Jeremias 32:38

Niyan magigin akon mga tawo hira ngan magigin Dyos ako nira.

Jeremias 7:23

Kundi nagsugo ako ha ira nga magsugot ha akon, basi magin Dyos ako nira ngan magin mga tawo nakon hira. Ngan gintugon ko hira nga mag-ukoy hira hin kinabuhi sumala han akon iginsugo ha ira, basi maghingaupay hira.

Ezequiel 11:20

Niyan pagtutumanon na nira an akon mga balaod ngan pagsusugton nira nga matinumanon an ngatanan ko nga mga sugo. Magigin akon hira mga tawo ngan magigin ira ako Dyos.

Ezequiel 36:38

Mapupuno hin mga tawo an mga syudad nga mga ruba yana sugad nga puno an Jerusalem hadto hin mga karnero nga iginhalad nga mga halad nga tinubod dida hin usa nga pyesta. Niyan makilala hira nga ako amo an Ginoo.”

Joel 2:27

Niyan, Israel, mahibabaroan niyo nga aada ako ha iyo ngan ako nga Ginoo amo an iyo Dyos ngan waray na gud iba. Diri na gud pagtatamayon an akon mga tawo.

Zacarias 13:9

Ngan sasarihan ko an ikatulo ka bahin nga mahisasalin nga buhi ngan lilinisan ko hira sugad nga ginpupurog hin kalayo an salapi. Sasarihan ko hira sugad han pagpurog hin bulawan. Niyan mag-aampo hira ha akon ngan babatonon ko hira. Pagsusumatan ko hira nga akon hira mga tawo ngan magtutug-an hira nga ako amo an ira Dyos.”

Numero 5:3

Igawas ini ngatanan nga mga tawo nga maghugaw sumala han seremonyas basi diri hira makahugaw han kampo diin nag-uokoy ako tampo han akon mga tawo.”

Mateo 22:32

‘Ako an Dyos ni Abraham, an Dyos ni Isaac, ngan an Dyos ni Jacob.’ Karuyag sidngon hini, nga Dyos hiya han mga buhi, diri han mga minatay.”

2 Mga Taga-Corinto 6:16

Uunanhon hin pagkatampo han templo han Dyos ngan han mga diyosdiyos? Kay kita amo an templo han buhi nga Dyos! Sumala han iginsiring han Dyos ngahaw: “Mag-uukoy ako upod han akon mga tawo, ngan mag-uukoy tampo ha ira; Magigin Dyos ako nira, ngan magigin akon hira mga tawo.”

Deuteronomio 23:14

Himoa niyo an iyo kampo nga malinis ini sumala han seremonyas, kay kaupod niyo didto han iyo kampo an Ginoo nga iyo Dyos ha pagpanalipod ngan pagpadaog ha iyo kontra han iyo mga kaaway. Ayaw kamo pagbuhat hin bisan ano nga malaw-ay nga makakapabaya ha iyo han Ginoo.

Deuteronomio 23:15

“Kon kumalagiw in usa nga oripon tikang han iya agaron ngan dumangop ha iyo hin pagpaugop, ayaw hiya pabalika.

Hebreo 11:16

Lugod namulat hira hin mauruopay nga tuna, an langitnon nga tuna. Sanglit waray an Dyos naawod ha ira nga magtawag hira ha iya nga ira Dyos, kay nag-andam hiya hin syudad para ha ira.

Ginpadayag 2:1

“Isurat ini ngadto han anghel han singbahan ha Efeso: “Amo ini an tugon tikang ha iya nga nakapot han pito nga mga bitoon ha iya tuo nga kamot, ngan naglalakat ha butnga han pito nga mga bulawan nga burutangan hin suga.

Ginpadayag 21:7

Adton makakapot han pagdarag-an makarawat hini ha akon. Ako an iya Dyos ngan hiya an akon anak.