Levitico 26:1 - Samarenyo Meaning-Based Bible (1984)

¹ Nagsiring an Ginoo, “Ayaw kamo paghimo hin mga diyosdiyos, o pagtindog hin tinigib nga mga ladawan, mga harigi nga bato, o tinigib nga mga bato nga iyo pagsisingbahon. Hi ako an Ginoo nga iyo Dyos.

Levitico 26:1 Iomraidhean Croise

2 Hadi 17:10

Nagtindog hira hin mga harigi nga bato ngan mga ladawan han diyosa nga hi Asera ha ngatanan nga kapungtoran ngan ha sirong han kada marampag nga kahoy,

2 Hadi 17:16

Ginsupak nira an ngatanan nga mga balaod han Ginoo nga ira Dyos ngan naghimo hin duha nga metal nga baka basi pagsingbahon. Naghimo liwat hira hin ladawan han diyosa nga hi Asera, nagsingba han mga bituon, ngan nag-alagad han diyos nga hi Baal.

2 Hadi 17:8

nagsunod han mga batasan han mga tawo nga gintabog han Ginoo samtang nasulong an iya mga tawo, ngan nagtuman han mga pamatasan nga igintutdo han kahadian han Israel.

Mga Salmo 78:58

Gin-orit hiya han ira siringbahan, ngan napungot hiya han ira ladawan.

Mga Salmo 97:7

Tanan nga nasingba hin mga ladawan puro hira manta nga kaaalohan; an ngatanan gud nga kadiyosdiyosan hira mayukbo ha iya atubangan.

Exodo 20:2

“Ako amo an Ginoo nga iyo Dyos nga nagdara ha iyo tikang ha Ehipto, diin mga oripon kamo.

Exodo 20:23

Ayaw kamo paghimo para ha iyo kalugaringon hin kadiyosan nga salapi o bulawan nga pagsisingbahon niyo ngan itatampo ha akon.

Exodo 23:24

Ayaw kamo pagyukbo o pagsingba han ira kadiyosan, ngan ayaw niyo pagsunda an mga buruhaton han ira tuluohan. Bungkaga an ira kadiyosan ngan rub-a an ira baraan nga mga harigi nga bato.

Exodo 34:17

“Ayaw kamo paghimo ngan pagsingba hin kadiyosan nga metal.

Isaias 2:20

Kon umabot na ito nga adlaw, ilalabog nira an bulawan ug salapi nga mga diyosdiyos nga ira ginhimo, ngan babayaan nira ini ngadto han mga yatot ngan mga kulalaknit.

Levitico 19:4

“Ayaw ako niyo igsalikway ngan ayaw kamo pagsingba hin mga diyosdiyos; ayaw kamo paghimo hin mga diyos nga metal ngan ayaw kamo pagsingba ha ira. Hi ako an Ginoo nga iyo Dyos.

Levitico 25:55

Diri mahihimo nga oripon ha kadayonan in usa nga Israelita, kay mga oripon han Ginoo an mga tawo han Israel. Iya ginpagawas hira ha Ehipto; hiya an Ginoo nga ira Dyos.

Levitico 7:33

ngadto han padi nga maghalad han dugo ngan han tambok han halad hin pagkaurosa.

Numero 33:52

kinahanglan paiwason niyo an ngatanan nga mga umurukoy han tuna. Pagbungkaga niyo an ngatanan nira nga bato ug metal nga mga diyosdiyos ngan an ngatanan nira nga mga dapit hin pagsingba.

Mga Buhat 17:29

Tungod nga mga anak man kita han Dyos, diri kita maghunahuna nga an kinaiya han Dyos sugad hin bulawan o salapi o bato nga ginporma nga ladawan pinaagi han kabatiran han tawo.

Deuteronomio 27:15

“‘Higagabaan han Dyos an bisan hin-o nga maghimo hin diyosdiyos nga bato, kahoy, o metal, ngan magsingba hini hin hilom; nangangalas hini an Ginoo.’ “Ngan an ngatanan nga mga tawo mabaton, ‘Amen!’

Deuteronomio 5:6

‘Ako amo an Ginoo nga iyo Dyos nga nagpagawas ha iyo tikang ha Ehipto diin mga oripon kamo.

Ginpadayag 22:15

Kundi ha gawas ha syudad aadto an mga nagbubuhat hin maghilas nga kalaw-ayan ngan adton mga diwatero, adton mga maglaw-ay, mga parapamatay, adton nagsisingba hin mga diyosdiyos, ngan adton mga buwaon ha pulong ngan ha buhat.

Mga Maghurukom 18:30

Iginpahamutang han mga Danitanhon an mga diyosdiyos basi pagsingbahon, ngan nag-alagad nga padi hi Jonatan nga anak ni Gerson ngan apo ni Moises para han mga Danitanhon, ngan nag-alagad nga ira kapadian an iya mga tulin tubtob han kabihag han mga tawo.