Levitico 24:8 - Samarenyo Meaning-Based Bible (1984)

⁸ Ha kada Adlaw nga Iparahuway, ha ngatanan nga panahon nga tiarabot, kinahanglan ibutang an tinapay ha atubangan han Ginoo. Padayon ini nga katungdanan han Israel.

Levitico 24:8 Iomraidhean Croise

1 Cronicas 23:29

pag-andam han tinapay nga ginhalad ngadto han Dyos, han arina nga ginagamit hin paghalad, han tinapay nga waray patubo, han pagkaon nga halad, han arina nga inahogan hin lana hin olibo; pagtimbang ug pagtakus han mga halad,

1 Cronicas 9:32

An mga kaapi han banay ni Cohat amo an gintubyanan hin pag-andam han mga baraan nga tinapay para han Templo kada Adlaw nga Iparahuway.

2 Cronicas 13:11

Naghahalad hira hin insyenso ngan hin hayop nga gintutubod hin bug-os kada aga ug gab-i. Gindadara nira an mga halad nga tinapay ngadto ha lamesa nga malinis sumala han seremonyas, ngan gindadagkotan nira kada gab-i an mga suga ha kandilero nga bulawan. Ginbubuhat namon an iginsugo han Ginoo, kundi iginsikway hiya niyo.

2 Cronicas 2:4

Nagtitindog ako hin templo ha pagpasidungog han Ginoo nga akon Dyos. Magigin baraan ini nga dapit nga pagsisingbahan ko ngan han akon mga tawo pinaagi hin pagsunog hin maghamot nga mga insyenso diin magpapadayon kami hin paghalad ha iya hin baraan nga tinapay, ngan maghahalad kami hin mga hayop nga tutuboron kada aga ug gab-i, sugad man ha mga Adlaw nga Iparahuway, mga Pyesta han Bag-o nga Subang han Bulan, ngan iba pa nga baraan nga mga adlaw nga makakagsingba kami han Ginoo nga amon Dyos. Ginsugo niya an Israel nga buhaton ini ha kadayonan.

Nehemias 10:33

Tatalinguhaon namon nga masangkap an Templo para hin pagsingba hini masunod nga mga tinmangnoan: an baraan nga tinapay, an ikinaadlaw nga halad nga inani nga pugas, an mga hayop han ikinaadlaw nga mga unong nga tutuboron, an baraan nga mga halad para han mga Adlaw nga Iparahuway, mga Pyesta han Subang nga Bulan, ngan iba pa nga mga pyesta, an iba nga baraan nga mga halad, an mga halad hin pagkuha han mga sala han Israel, ngan an bisan ano nga iba pa nga ginkikinahanglan para han Templo.

Exodo 25:30

Igbubutang an lamesa dida ha atubangan han Kahon han Ginsaaran ngan dayuday aada ha bawbaw han lamesa an tinapay nga baraan nga iginhalad ha akon.

Numero 4:7

Tatahoban nira hin dugnit nga asul an lamesa para han tinapay nga iginhalad ha Ginoo ngan igbubutang dida hini an mga plato, an mga surudlan hin insyenso, an mga surudlan hin halad, ngan an mga tibod para hin halad nga bino. Kinahanglan dayuday may tinapay dida han lamesa.

1 Samuel 21:7

Iginkatuman nga hito nga adlaw nakadto hi Doeg nga taga-Edom, nga labaw nga magmarangno han kabakahan ni Saul, kay kinmadto hiya hin pagsingba.)