Levitico 24:4 - Samarenyo Meaning-Based Bible (1984)

⁴ Hi Aaron an magmamangno han mga lampara dida han kandelero nga puraw nga bulawan ngan kinahanglan dayuday palagahon gud ini niya ha atubangan han Ginoo.

Levitico 24:4 Iomraidhean Croise

1 Hadi 7:49

an 10 nga mga kandilero nga natindog ha atubangan han Labi Kabaraan nga Dapit, lima didto ha timogan nga ligid ngan lima didto ha amihanan; an mga bukad, mga lampara, ngan mga kimpit;

1 Cronicas 28:15

para han tapa nga suga ngan kandelero,

2 Cronicas 29:7

Ginsadhan nira an mga porta han Templo, ginpabay-an nga maparong an mga aragmahan nga suga, ngan waray magtubod hin insyenso o maghalad hin mga hayop nga tutuboron ha Templo han Dyos han Israel.

Exodo 31:8

an lamesa ngan an kasangkapan hini, an kandilero nga puraw nga bulawan ngan an ngatanan nga kasangkapan hini, an altar nga turuboran hin insyenso,

Exodo 39:37

an kandilero nga puraw nga bulawan, an mga lampara ngan an ngatanan nga kasangkapan hini, ngan an lana para han mga lampara;

Jeremias 52:19

Gindara nira an ngatanan nga hinimo hin bulawan o salapi: an gudti nga mga makaong, an mga karukaraha nga sinasaloran han mga baga, an mga makaong nga surudlan han dugo han mga halad, an mga surudlan hin agbon, an mga kandilero, an mga makaong nga surudlan hin insyenso, ngan an mga makaong nga ginagamit hin pag-ipis han mga halad nga bino.

Levitico 24:3

Kada gab-i paparoktan ini ni Aaron ngan palalagahon tubtob han pagkaaga, didto ha atubangan han Ginoo ha gawas han biray ha atubangan han Kahon han Ginsaaran nga aadto han Labi ka Baraan nga Dapit. Kinahanglan tumanon ini ha ngatanan nga panahon nga tiarabot.

Numero 3:31

May katungdanan hira han Kahon han Ginsaaran, han lamesa, han kandilero, han mga altar, han mga garamiton nga ginagamit han kapadian didto han Baraan nga Dapit, ngan han biray dida han agian ngadto han Labi ka Baraan nga Dapit. May katungdanan hira han ngatanan nga pag-alagad bahin hini nga mga butang.

Numero 4:9

Makuha hira hin asul nga dugnit ngan tatahoban an kandilero upod an mga lampara hini, mga kimpit, mga karaha, ngan an ngatanan nga mga surudlan hin lana hin olibo.

Numero 8:2

“Sidnga hi Aaron nga kon magbutang hiya han pito nga mga lampara dida han kandilero, kinahanglan nga an pito nga mga lampara makalamrag han atubangan han kandilero.”

Hebreo 9:2

May gintindog nga tulda didto ha gawas nga ginngaranan nga Baraan nga Dapit. Nakadto ha sakob hini an lampara, an lamesa, ngan an tinapay nga ihinalad ngadto sa Dyos.

Ginpadayag 1:20

Aanhi an tinago nga kahulogan han pito nga mga bitoon nga kinakaptan han akon tuo nga kamot, ngan han pito nga mga bulawan nga burutangan hin suga: an pito nga mga bitoon amo an mga anghel han pito nga mga singbahan, ngan an pito nga mga burutangan hin suga amo an pito nga mga singbahan.

Ginpadayag 11:4

Ini nga duha nga mga saksi amo an duha nga mga kahoy nga olibo, ngan an duha nga mga suga nga ibinutang ha atubangan han Ginoo han tuna.

Ginpadayag 2:5

Pamalandong daw kon ano kahitaas an imo nahulogan! Bayai an imo mga sala ngan balika an imo mga ginbuhat hadto. Kon diri mo bayaan an imo mga sala, mapakada ako ha imo ngan kukuhaon ko an imo burutangan hin suga ha iya hinmumutangan.