Levitico 24:2 - Samarenyo Meaning-Based Bible (1984)

² nga sugoon niya an mga tawo han Israel hin pagdara hin puraw nga lana hin olibo para han mga lampara didto han Tulda, basi dayuday maglaga in usa nga suga.

Levitico 24:2 Iomraidhean Croise

2 Cronicas 13:11

Naghahalad hira hin insyenso ngan hin hayop nga gintutubod hin bug-os kada aga ug gab-i. Gindadara nira an mga halad nga tinapay ngadto ha lamesa nga malinis sumala han seremonyas, ngan gindadagkotan nira kada gab-i an mga suga ha kandilero nga bulawan. Ginbubuhat namon an iginsugo han Ginoo, kundi iginsikway hiya niyo.

Mga Salmo 119:105

Suga nga nag-uuna ha akon an imo pulong, ngan amo an kapawa para han dalan nakon.

Mga Salmo 119:130

Nahatag hin kapawa an dayag nga pagturon-an, an mga tapang natatagan hin kinaadman.

Exodo 39:37

an kandilero nga puraw nga bulawan, an mga lampara ngan an ngatanan nga kasangkapan hini, ngan an lana para han mga lampara;

Exodo 40:24

Iginsulod niya ngadto han Tulda an kandilero tugbang han lamesa didto han timogan nga ligid,

Mga Darahonon 6:23

Nasilaw nga kapawa an ira mga pagtutdo; nakakatutdo ha imo hin pag-ukoy hin matadong nga kinabuhi an ira pagwaydong.

Isaias 11:2

Mahatag ha iya hin kinaadman an espiritu han Ginoo, ngan hin hibaro ngan hin kaabtik hin paghadi han mga tawo han Ginoo. Makakasabot hiya han kaburut-on han Ginoo ngan han pagtahod ha iya,

Isaias 8:20

Babatonon niyo hira, “Pamati han igintututdo ha iyo han Ginoo! Ayaw kamo pamati han mga espiritista—diri makakaupay ha iyo an ira ighihimangraw ha iyo.”

Levitico 24:1

Ginsiring han Ginoo hi Moises

Levitico 24:3

Kada gab-i paparoktan ini ni Aaron ngan palalagahon tubtob han pagkaaga, didto ha atubangan han Ginoo ha gawas han biray ha atubangan han Kahon han Ginsaaran nga aadto han Labi ka Baraan nga Dapit. Kinahanglan tumanon ini ha ngatanan nga panahon nga tiarabot.

Mateo 4:16

An mga tawo nga nag-uukoy ha kasisidman makita hin dako nga kapawa. Ha ira nga nag-uokoy ha masirom nga tuna han kamatayon malamrag an kapawa!”

Mateo 5:16

Ha sugad nga paagi, kinahanglan an iyo suga magmapawa ha atubangan han mga tawo, basi hikit-an nira an iyo maupay nga buhat, ngan pagdayawon nira an Amay niyo ha langit.

Lucas 1:79

ngan masanag tikang ha langit ngada hadton ngatanan nga nag-uukoy dida han masirom nga lambong han kamatayon, ha pagtugway ha aton ngadto ha dalan han kamurayaw.”

Lucas 12:35

“Pag-andam dayuday kamo han bisan ano nga maabot, nga daan hinugtan ha hawak an iyo mga panapton, ngan daan dinagkotan an iyo mga suga,

Juan 1:4

Dida han Pulong nakada an kinabuhi, ngan an kinabuhi amo an kapawa han mga tawo.

Juan 1:9

Amo ini an matuod nga kapawa—an kapawa nga nakanhi ha kalibutan ngan nakalamrag han ngatanan nga katawhan.

Juan 5:35

Sugad hi Juan hin suga nga naglalaga ngan malamrag, ngan naruyag kamo ha usa ka dali hin pagpahimulos han iya kapawa.

Juan 8:12

Naghimangraw na liwat hi Jesus ha ira, “Ako an kapawa han kalibutan. Magkakamay-ada kapawa han kinabuhi an bisan hin-o nga magsunod ha akon, ngan diri na gud hiya maglalakat ha kasisidman.”

Mga Buhat 26:18

basi kabuksan mo an ira mga mata ngan pabalikon mo hira tikang ha kasisidman ngadto han kapawa, ngan tikang ha gahom ni Satanas ngadto han Dyos, ngan pinaagi han ira pagtoo ha akon pasayloon hira han ira mga sala ngan kumarawat hira han ira dapit dida han mga pinili nga mga tawo han Dyos!’

2 Mga Taga-Corinto 4:6

An Dyos nga nagsiring, “Masilaw an kapawa tikang han kasisidman!” amo ngahaw an Dyos nga nagpasilaw han iya kapawa ha aton mga kasingkasing paghatag ha aton ha kapawa han pagkilala han himaya han Dyos nga nasilaw ha bayhon ni Cristo.