Levitico 23:3 - Samarenyo Meaning-Based Bible (1984)

³ May-ada niyo unom ka adlaw hin pagtuman han iyo mga buruhaton, kundi hinumdomi niyo nga an ikapito nga adlaw, nga Adlaw nga Igparahuway, usa ini nga adlaw hin pagpahuway. Ayaw kamo pagbuhat dida hini nga adlaw, kundi pag-urosa kamo hin pagsingba. Kanan Ginoo an Adlaw nga Igparahuway bisan diin kamo pag-uokoy.

Levitico 23:3 Iomraidhean Croise

Exodo 16:23

Ngan nagsiring hiya ha ira, “Nagsugo an Ginoo nga baraan nga adlaw hin pagpahuway buwas, ngan ighahalad ha iya ini nga adlaw. Lutoa yana nga adlaw an karuyag niyo paglutoon, ngan lagaa an karuyag niyo paglagaon. Kinahanglan isalin ngan himoson para buwas an bisan ano nga nahisalin.”

Exodo 16:29

Hinumdomi nga ako nga Ginoo naghatag ha iyo hin usa nga adlaw hin pagpahuway. Sanglit dida han ikaunom nga adlaw mahatag ako ha iyo hin pagkaon nga igo hin kanan duha ka adlaw. Dida han ikapito nga adlaw kinahanglan magpabilin an tagsatagsa dida han iya hinmumutangan ngan diri hiya bumaya han iya balay.”

Exodo 16:30

Sanglit waray magtrabaho an mga tawo dida han ikapito nga adlaw.

Exodo 23:12

“Pagtrabaho kamo sulod hin unom ka adlaw ha usa ka simana, kundi ayaw kamo pagtrabaho dida han ikapito ka adlaw, basi makapahuway an iyo mga oripon ngan an mga lumalangyaw nga nagtratrabaho para ha iyo, pati an iyo mga hayop.

Exodo 34:21

“May-ada niyo unom ka adlaw nga igtutuman han iyo buruhaton; ayaw kamo pagbuhat dida han ikapito ka adlaw, ayaw bisan ha panahon hin pag-arado o hin pag-ani.

Isaias 56:2

Pagpapakaupayon ko adton mga dayuday naglilihe han Adlaw nga Iparahuway, ngan adton diri nagpapasipara hini nga Adlaw. Pagpapakaupayon ko adton mga diri nagbubuhat hin bisan ano nga maraot.”

Isaias 56:6

Ngan nagsiring an Ginoo ngadto hadton mga lumalangyaw nga kausa na han iya mga tawo, nga nahigugma ngan nag-aalagad ha iya, nga nagtutuman han Adlaw nga Iparahuway, ngan nagtutuman hin kinasingkasing han iya ginsaaran:

Isaias 58:13

Nagsiring an Ginoo, “Kon paglihi-an niyo an Adlaw nga Iparahuway, ngan diri niyo pagbuhaton an iyo la kalugaringon nga mga kaupayan dida hito nga adlaw; kon iyo pagmahalon an akon baraan nga adlaw ngan pagpasidunggan ini pinaagi hin diri paglakat, pagtrabaho, o paghimangraw hin waray la pulos dida hito nga adlaw,

Levitico 19:3

Kinahanglan tumahod an kada usa ha iyo han iya iroy ngan han iya amay, ngan kinahanglan pagtumanon niyo an Adlaw nga Iparahuway, sumala han akon iginsugo. Hi ako an Ginoo nga iyo Dyos.

Lucas 13:14

Nasina an opisyal han sinagoga nga nagtambal hi Jesus ha Adlaw nga Iparahuway, sanglit nagsiring hiya ha mga tawo, “May unom ka adlaw diin kinahanglan magtrabaho kita; sanglit pakanhi kamo hin pagpatambal dida hito nga mga adlaw, kundi diri ha Adlaw nga Iparahuway!”

Lucas 23:56

Niyan nanguli hira ngan nag-andam hin mga pahamot ngan mga idirihog han iya lawas. Pinmahuway hira ha Adlaw nga Iparahuway sumala han sugo han Balaod.

Mga Buhat 15:21

Kay tikang pa han una nga mga panahon pirme ginbabasa an Balaod ni Moises ha mga sinagoga ha kada Adlaw nga Iparahuway, ngan iginwawali an iya mga pulong ha kada bungto.”

Ginpadayag 1:10

Dida han adlaw han Ginoo gindara ako han Ginoo nga hinbatian ko in dako nga tingog nga malanoy didi ha akon luyo sugad hin kanan trompeta.