Levitico 23:2 - Samarenyo Meaning-Based Bible (1984)

² inin masunod nga mga turumanon hiunong han mga pyesta nga pagsasaurogon diin magkakatirok hin pagsingba an mga tawo han Israel.

Levitico 23:2 Iomraidhean Croise

2 Hadi 10:20

Niyan nagsugo hi Jehu, “Isangyaw in adlaw hin pagsingba hin pagpasidungog kan Baal!” Ginhimo an pasangyaw,

1 Cronicas 23:31

ngan kon may-ada ginsusunog nga mga halad ha Adlaw nga Iparahuway, pyesta han Bag-o nga Subang han Bulan, ug iba pa nga mga siringbahon nga pyesta. Ihinatag ha mga Levita an mga buruhaton bahin han pagsingba han Ginoo ha ngatanan nga takna.

2 Cronicas 2:3

Nagpatugon hi Solomon hini nga mensahe kan Hadi Hiram han Tiro: “Pakigsabot ha akon sugad han imo ginbuhat ha akon amay han imo pagbaligyai ha iya hin mga kahoy nga sidro para hin pagtindog han iya palasyo.

2 Cronicas 30:5

sanglit gindapit nira an ngatanan nga mga Israelita, tikang ha Dan ha amihanan ngadto ha Berseba ha timogan, nga magtitirok hira didto ha Jerusalem ngan magsaurog han Paglabay sumala han Balaod, ngan magmadarodamo unta hira kay naiha na nga waray hira makakagsaurog han Paglabay.

Esdras 3:5

ngan labot hini, naghalad hira han mga unong nga kinahanglan tuboron ngatanan ngan adton mga iginhahalad ha Pyesta han Subang nga Bulan ngan ha iba pa nga mga katirok diin ginsisingba an Ginoo, sugad man an ngatanan nga mga halad nga kinasingkasing an ira paghatag hini Ginoo.

Mga Salmo 81:3

Huypa an budyong para han pyesta; kon bag-o an bulan ngan kon kadayaw ito.

Exodo 32:5

Niyan nagtindog hi Aaron hin usa nga altar ha atubangan han baka nga bulawan ngan nagpahibaro ha mga tawo, “Buwas magpapasidungog kita han Ginoo.”

Isaias 33:20

Tan-awa niyo an Sion, an syudad nga ginsasaurogan naton han aton baraan nga mga pyesta. Tan-awa an Jerusalem, usa nga mamingaw nga dapit nga maupay pag-ukyan, usa nga diri barubalhin nga tulda, kanay mga usok diri gud ginagabot, ngan kanay mga pisi diri gud nauutod.

Pagnguyngoy 1:4

Waray na yana napakadto han Templo hin pagsingba ha mga adlaw nga iglilihi. Nag-aantos an mga daraga nga nagkanta didto, ngan nag-aaraba nala an kapadian. Mamingaw na an mga ganghaan han syudad, ngan makalilisang an gin-aantos han Sion.

Ezequiel 44:24

Kon may umabot nga kalipongan, pagtutuhayon ini han kapadian sumala han akon mga balaod. Pagtutumanon nira an mga pagsalin-urog han mga pyesta sumala han akon mga lagda ngan mga turumanon, ngan pagtumanon nira an pagbaraan han Adlaw nga Iparahuway.

Oseas 2:11

Tataposon ko an ngatanan niya nga mga pagkalipay—an iya tinuig ngan binulan nga mga pyesta ngan an iya mga pagsaurog han Adlaw nga Iparahuway—an ngatanan niya nga mga katirok hin pag-ampo.

Joel 1:14

Pagsugo hin pagpuasa; pagtawag hin katirok! Tiroka an mga pangulo ngan an ngatanan nga mga tawo han Juda ngadto han Templo han Ginoo nga iyo Dyos ngan pagsangpit kamo ngadto ha iya!

Joel 2:15

Pagtrompeta didto han Bukid Sion; pagsugo hin pagpuasa ngan pagtawag hin katirok!

Levitico 23:1

Iginhatag han Ginoo kan Moises

Levitico 23:21

Dida hito nga adlaw ayaw kamo pagbuhat han iyo kada adlaw nga mga buruhaton, kundi pagtirok kamo hin pagsingba. Kinahanglan pagtumanon han iyo mga tulin ini nga turumanon ha ngatanan nga panahon nga tiarabot bisan diin hira pag-uokoy.

Levitico 23:37

Amo ini an mga pyesta nga siringbahon diin ginpapasidunggan niyo an Ginoo pinaagi hin pagtirok niyo hin pagsingba ngan hin paghalad hin mga halad nga pagkaon, mga halad nga tutuboron, mga halad nga inani, mga unong nga hayop, ngan mga halad nga bino, sumala han ginkikinahanglan adlaw-adlaw.

Levitico 23:4

Igsangyaw niyo an masunod nga mga pyesta dida han igintalaan nga mga panahon.

Levitico 23:44

Sanglit ha sugad nga paagi iginhatag ni Moises ngadto han mga tawo han Israel an mga turumanon hin pagsaurog han mga siringbahon nga pyesta ha pagpasidungog han Ginoo.

Nahum 1:15

Tan-awa, naabot dida han kabukiran in magsarangyaw nga may maupay nga sumat! Aada na hiya han iya dalan hin pagpahibaro han pagdarag-an! Mga tawo han Juda, sauroga niyo an iyo mga pyesta ngan tagi an Dyos han iyo ginsumpa ha iya. Diri na gud susulongon han mga magraogdaog an iyo tuna. Ginpuo na gud hira!

Numero 10:10

Dida liwat hin malipayon nga mga katirok—ha iyo mga Pyesta hin Bag-o nga Subang han Bulan ngan ha iba niyo nga siringbahon nga mga pyesta—patungga niyo an mga trompeta kon dadad-on niyo an iyo mga halad nga tutuboron ngan an iyo mga halad hin pagkaurosa. Niyan bubuligan ko kamo. Hi ako an Ginoo nga iyo Dyos.”

Numero 29:39

Amo ini an mga turumanon mahitungod han mga halad nga susunogon, mga halad nga pagkaon, mga halad nga bino, ngan mga halad hin pagkaurosa nga iyo ighahalad ngadto han Ginoo dida han iyo gintalaan nga mga pyesta. Labot ini han mga halad nga ihinahatag niyo hin pagtuman hin saad o nga mga halad ha iyo kaburot-on.

Juan 5:1

Katapos hini, nagpyesta an mga Judiyo ngan napakadto hi Jesus ha Jerusalem.

Mga Taga-Colosas 2:1

Tugoti ako hin pagsumat ha iyo han duro nga akon pagkabudlay para ha iyo, para han mga taga Laodicea, ngan para han ngatanan nga diri nakilala ha akon.

Mga Taga-Colosas 2:16

Sanglit ayaw kamo tugot nga may maghimo hin mga turumanon mahitungod han iyo kakaonon o iimnon, o mahitungod han baraan nga mga adlaw, o han pyesta han bag-o nga pagsubang han bulan o han Adlaw nga Iparahuway.