Levitico 23:1 - Samarenyo Meaning-Based Bible (1984)

¹ Iginhatag han Ginoo kan Moises

Levitico 23:1 Iomraidhean Croise

1 Cronicas 23:31

ngan kon may-ada ginsusunog nga mga halad ha Adlaw nga Iparahuway, pyesta han Bag-o nga Subang han Bulan, ug iba pa nga mga siringbahon nga pyesta. Ihinatag ha mga Levita an mga buruhaton bahin han pagsingba han Ginoo ha ngatanan nga takna.

2 Cronicas 2:4

Nagtitindog ako hin templo ha pagpasidungog han Ginoo nga akon Dyos. Magigin baraan ini nga dapit nga pagsisingbahan ko ngan han akon mga tawo pinaagi hin pagsunog hin maghamot nga mga insyenso diin magpapadayon kami hin paghalad ha iya hin baraan nga tinapay, ngan maghahalad kami hin mga hayop nga tutuboron kada aga ug gab-i, sugad man ha mga Adlaw nga Iparahuway, mga Pyesta han Bag-o nga Subang han Bulan, ngan iba pa nga baraan nga mga adlaw nga makakagsingba kami han Ginoo nga amon Dyos. Ginsugo niya an Israel nga buhaton ini ha kadayonan.

2 Cronicas 8:13

Gindara niya ngadto ha altar in mga halad nga tinubod sumala han mga ginkikinahanglan han Balaod ni Moises ha kada baraan nga adlaw: mga Adlaw nga Iparahuway, mga Pyesta hin Bag-o nga Subang han Bulan, ngan an tutulo nga ikinatuig nga mga pyesta—an Pyesta han Tinapay nga Waray Patubo, an Pyesta han Pag-ani, ngan an Pyesta han mga Sirongan.

Isaias 1:13

Waray la gamit an pagdara han iyo mga halad. Ikinangangalas ko an baho han insyenso nga iyo gintutubod. Diri na ako nakakailob han iyo mga Pyesta han Subang nga Bulan, han iyo mga Adlaw nga Iparahuway, ngan han iyo siringbahon nga katirok, nahugawan ini ngatanan han iyo mga sala.

Ezequiel 44:24

Kon may umabot nga kalipongan, pagtutuhayon ini han kapadian sumala han akon mga balaod. Pagtutumanon nira an mga pagsalin-urog han mga pyesta sumala han akon mga lagda ngan mga turumanon, ngan pagtumanon nira an pagbaraan han Adlaw nga Iparahuway.

Ezequiel 45:17

Magigin iya katungdanan an pag-andam han mga mananap nga pagtutuboron hin bug-os, han mga halad nga pagkaon, ngan han mga halad nga bino para han bug-os nga nasod han Israel dida han mga pyesta han Subang nga Bulan, han mga Adlaw nga Iparahuway, ngan han iba pa nga mga pyesta. Hiya an mag-aandam han mga halad para hin sala, han mga halad nga pagkaon, han mga halad nga pagtutuboron hin bug-os, ngan han mga halad hin pagkaurosa, hin pagkuha han mga sala han mga tawo han Israel.”

Ezequiel 46:11

Dida han mga adlaw han pyesta ngan ha mga linain nga mga pyesta, magigin 17 1/2 ka litro nga pagkaon an halad nga upod han kada usa nga baka nga lalaki o kada usa nga karnero nga lalaki, ngan an karuyag la ihatag nga halad hanmagsiringba upod han kada usa nga nati nga karnero. Mga tulo ka litro nga lana hin olibo an ihahalad upod han kada 17 1/2 ka litro nga pagkaon.

Levitico 22:33

ngan ginpagawas ko kamo ha Ehipto basi ako magin iyo Dyos. Hi ako an Ginoo.”

Levitico 23:2

inin masunod nga mga turumanon hiunong han mga pyesta nga pagsasaurogon diin magkakatirok hin pagsingba an mga tawo han Israel.

Levitico 23:44

Sanglit ha sugad nga paagi iginhatag ni Moises ngadto han mga tawo han Israel an mga turumanon hin pagsaurog han mga siringbahon nga pyesta ha pagpasidungog han Ginoo.

Numero 15:3

Mahihimo pagdad-on ngadto han Ginoo in usa nga todo nga baka, usa nga karnero nga lalaki, usa nga karnero o usa nga kanding sugad nga usa nga halad nga susunogon, o usa nga unong nga tutuboron ha pagtuman hin saad, o hin usa nga kaburot-on nga halad, o hin usa nga halad kon nagsasaurog kamo han mga siringbahon nga pyesta; nakakalipay han Ginoo an alimyon hini nga mga halad.

Mga Taga-Galacia 4:10

May niyo linain nga pagsalin-urog hin mga adlaw, mga bulan, mga panahon, ngan mga tuig.

Mga Taga-Colosas 2:16

Sanglit ayaw kamo tugot nga may maghimo hin mga turumanon mahitungod han iyo kakaonon o iimnon, o mahitungod han baraan nga mga adlaw, o han pyesta han bag-o nga pagsubang han bulan o han Adlaw nga Iparahuway.