Levitico 22:3 - Samarenyo Meaning-Based Bible (1984)

³ An bisan hin-o han iyo mga tulin, samtang mahugaw pa hiya sumala han seremonyas, nga magpasipara hin paghirani han baraan nga mga halad nga iginhalad ha akon han mga tawo han Israel, diri na gud hiya makakag-alagad dida han altar. Pagtutumanon ini ha ngatanan nga panahon nga tiarabot. Hi ako an Ginoo.

Levitico 22:3 Iomraidhean Croise

Esdras 8:28

Ginsiring ko hira, “Iginhalad kamo para ha Ginoo nga Dyos han iyo kaapoy-apoyan, ngan sugad man an ngatanan nga salapi ug bulawan nga mga garamiton nga gindara ngadto han Ginoo hin kinasingkasing nga paghalad.

Mga Salmo 16:11

Ipapakita mo ha akon an dalan, han kinabuhi nga waray kataposan; malipayon ako ha imo atubangan, han tim-os nga kalipay ha kadayonan.

Mga Salmo 51:11

Ayaw ako isikway ha imo atubangan, ngan ayaw kuhaa ha akon an imo baraan nga espiritu.

Exodo 30:33

Diri na gud pag-iisipon nga kausa han akon katawhan an bisan hin-o nga maghimo hin sugad hini o maggamit hini ngada hin bisan hin-o nga diri padi.’”

Levitico 22:2

hin pagsumat kan Aaron ngan han iya mga anak nga kalalaken-an, “Kinahanglan diri niyo pagpakaalohan an akon baraan nga ngaran, sanglit pagtahora niyo an baraan nga mga halad nga iginpapahinungod ha akon han mga tawo han Israel. Hi ako an Ginoo.

Numero 19:13

Mahugaw la gihapon an bisan hin-o nga magkamkam hin minatay ngan diri maglinis han iya kalugaringon, kay waray hiya kahugasi han tubig para hin paglinis. Ginhuhugawan niya an Tulda han Ginoo, ngan diri na gud hiya pag-iisipon nga sakop han mga tawo han Dyos.

Mateo 25:41

“Niyan masiring hiya ngadto han mga tawo ha iya wala: ‘Iwas kamo nga ginpanhimaraot han Dyos! Pakadto kamo han kalayo nga diri mapaparong nga gin-andam para han Yawa ngan han iya mga anghel!

2 Mga Taga-Tesalonica 1:9

Mag-aantos hira han sirot han dayon nga pagkalaglag, bulag hira han Ginoo ngan han iya langitnon nga gahom,