Levitico 21:1 - Samarenyo Meaning-Based Bible (1984)

¹ Ginsugo han Ginoo hi Moises hin pagsumat han kapadian nga mga tulin ni Aaron, “Kinahanglan waray padi nga maghugaw han iya kalugaringon pinaagi hin pagbulig han mga seremonyas hin paglubong hin minatay kon mamatay in usa nga uropod,

Levitico 21:1 Iomraidhean Croise

Ezequiel 44:25

“Diri paghuhugawan hin usa nga padi an iya kalugaringon sumala han seremonyas pinaagi hin pagkamkam hin minatay, labot kon usa ini han iya mga kag-anak, usa han iya mga anak, o bugto nga lalake o daraga nga bugto.

Oseas 5:1

“Pamati hini, kamo nga kapadian! Pamati, katawhan han Israel! Pamati, kamo nga mga sakop han panimalay nga hadianon! Angay unta kamo maghukom hin matadong—sanglit paghuhukman kamo! Nahimo kamo nga bitik didto ha Mispa, usa nga pukot nga ginbitad didto ha Bukid Tabor,

Levitico 19:28

o pagtatohi o pagsamari an iyo lawas ha pagmasulob-on tungod hin mga minatay. Hi ako an Ginoo.

Levitico 21:11

Iginhalad na hiya ha akon, ngan diri na tugot ha iya nga magmahugaw pa hiya sumala han seremonyas o maghugaw han akon baraan nga Tulda pinaagi hin paggawas hini ug pagsulod hin balay nga may minatay, bisan kon iya ini kalugaringon nga amay o iroy.

Malaquias 2:1

Nasiring an Ginoo nga Labi Kamakagarahum ngadto han kapadian, “Para ha iyo ini nga sugo:

Malaquias 2:4

Niyan mahibabaroan niyo nga iginhatag ko ha iyo ini nga sugo, basi diri pagsupakon an akon ginsaaran han kapadian nga mga tulin ni Levi.

Numero 19:11

An bisan hin-o nga magkamkam hin minatay mahugaw hiya sumala han seremonyas sulod hin pito ka adlaw.

Numero 19:14

Hiunong hin usa ka tawo nga mapatay ha sakob hin usa nga tulda, an bisan hin-o nga aada ha sakob hini nga tulda o sumulod hini ha panahon han kamatay hini nga tawo, nagmamahugaw sumala han seremonyas sulod hin pito ka adlaw.

Numero 19:16

Kon may tawo nga magkamkam hin tawo nga ginpatay o namatay ha iya la kalugaringon ha gawas hin balay, o kon may tawo nga magkamkam hin tul-an hin tawo o hin lubnganan, nagmamahugaw hiya sulod hin pito ka adlaw.

Numero 5:2

“Sugoa an mga tawo han Israel nga pagawson nira ha kampo an ngatanan nga may sakit nga sanla o may nagaawas ha lawas, ngan an ngatanan nga maghugaw pinaagi hin pakakapot hin minatay.

Numero 6:6

An iya buhok amo an tigaman han iya paghalad ngadto sa Dyos, sanglit kinahanglan diri hiya maghuhugaw ha iya ngahaw pinaagi hin paghirani hin patay nga lawas, bisan pa ito kanan iya amay, iroy, bugto nga lalake, o bugto nga babaye.