Levitico 2:9 - Samarenyo Meaning-Based Bible (1984)

⁹ Iibanan ini han padi sugad nga tigaman nga iginhalad na ini ngatanan ngadto han Ginoo ngan pagtutuboron ini niya dida han altar. Nakakalipay han Ginoo an kahamot hini nga halad nga pagkaon.

Levitico 2:9 Iomraidhean Croise

Exodo 29:18

Tubora an bug-os nga karnero nga lalaki dida han altar nga usa nga halad nga pagkaon. Nakakapahimuot ha akon an kahamot hini nga halad.

Isaias 53:10

Nagsiring an Ginoo, “Akon kaburot-on adto nga mag-antos hiya; usa nga paghalad an iya kamatayon nga magdadara hin pasaylo. Sanglit makita hiya han iya mga tulin; mag-uokoy hiya hin hilawig nga kinabuhi, ngan pinaagi ha iya matutuman an akon kaburot-on.

Levitico 1:9

Kinahanglan paghugasan han tawo an mga sakob han ginhawa ngan an mangorhi nga mga paa, ngan pagtuboron han nangungulo nga padi an bug-os nga halad dida han altar. Nakakalipay han Ginoo an kahamot hini nga halad nga pagkaon.

Levitico 2:16

Pagtutuboron han padi ito nga bahin han giniling nga halad ug an lana sugad nga usa nga hinumdoman, ngan an ngatanan liwat nga insyenso, sugad nga usa nga halad nga pagkaon ngadto han Ginoo.

Levitico 2:2

ngan pagdad-on ini ngadto han kapadian nga mga tulin ni Aaron. Makuha an nangungulo nga padi hin usa ka kumkom han harina ug hin lana ngan han ngatanan nga insyenso ngan pagtutuboron ini dida ha altar sugad hin usa nga hinumdoman nga ini ngatanan iginhalad ngadto han Ginoo. Makakalipay han Ginoo an kahamot hini nga halad nga pagkaon.

Levitico 2:8

Dad-a ini nga halad ngadto han Ginoo ngan ighatag ini ngadto han padi nga magdadara hini ngadto ha altar.

Levitico 24:7

Butangi hin puraw nga insyenso an kada rumbay sugad nga usa nga hinumdoman nga halad nga pagkaon ngadto han Ginoo liwan han tinapay.

Levitico 4:31

Niyan kukuhaon niya an ngatanan nga tambok hini sugad nga kinukuha an tambok han mga hayop nga gin-iihaw para han mga halad nga pagkaurosa, ngan pagtutuboron ini niya dida han altar, ngan nakakalipay han Ginoo an kahamot hini. Hini nga paagi tutuboron han padi an halad para han sala han tawo, ngan pasasayloon hiya.

Levitico 5:12

Pagdadad-on ini niya ngadto han padi nga makuha hin usa ka kumkom hini sugad nga iginhalad na nga hinumdoman ini ngatanan ngadto han Ginoo, ngan iya pagsusunogon ini dida han altar sugad nga usa nga halad nga pagkaon. Halad ini hin pagkuha hin sala.

Levitico 6:15

Niyan maharop hiya hin usa ka kumkom han harina nga sinaktan hin lana ngan insyenso, ngan pagsusunogon ini dida ha altar ngan usa ini nga hinumdoman nga iginhalad na ini ngatanan ngadto han Ginoo. Nakakalipay han Ginoo an alimyon hini nga halad.

Zacarias 13:7

Nasiring an Ginoo nga Labi Kamakagarahum, “Pagmata, espada, ngan sulonga an magmarangno nga nagbabantay ha akon ngaran! Pataya hiya ngan magsasarang an mga karnero. Susulongon ko an akon mga tawo,

Zacarias 13:9

Ngan sasarihan ko an ikatulo ka bahin nga mahisasalin nga buhi ngan lilinisan ko hira sugad nga ginpupurog hin kalayo an salapi. Sasarihan ko hira sugad han pagpurog hin bulawan. Niyan mag-aampo hira ha akon ngan babatonon ko hira. Pagsusumatan ko hira nga akon hira mga tawo ngan magtutug-an hira nga ako amo an ira Dyos.”

Numero 5:26

Niyan makuha hiya hin usa ka harop hini sugad nga usa nga halad nga hinumdoman ngan susunogon ini dida han altar. Ha kataposan, paiimnon niya han tubig an babaye.

Mga Taga-Roma 12:1

Sanglit, kabugtoan ko, tungod han dako nga kalooy han Dyos ha aton, nanginginyupo ako ha iyo; ighalad niyo ngadto sa Dyos an iyo kalugaringon sugad hin buhi nga halad nga tinubyan ha pag-alagad ha iya, ngan nakakalipay ha iya. Amo ini an matuod nga pagsingba nga angay niyo ighalad.

Mga Taga-Roma 15:16

hin ka surugoon ni Cristo Jesus ha pag-alagad para han mga Hentil. Nag-aalagad ako sugad hin padi hin pagwali han Maupay nga Sumat nga tikang sa Dyos, basi an mga Hentil magin halad nga kakarawaton han Dyos ngan itinubyan ha iya pinaagi han Espiritu Santo.

Mga Taga-Efeso 5:2

An gugma kinahanglan maghadi han iyo kinabuhi sugad han paghigugma ni Cristo ha aton, ngan iginhatag an iya kinabuhi tungod ha aton, sugad hin mahamot nga halad nga nakakalipay han Dyos.

Mga Taga-Filipos 2:17

Bangin sugad hin usa nga halad, an akon dugo iipison sugad han tinubod nga unong para han Dyos. Kon amo ini, nalilipay ako, ngan karuyag ko nga kamo ngatanan makaangbit han akon kalipay.

Mga Taga-Filipos 4:18

Sanglit, isinurat ko an iyo mga tambulig ha akon. Nakabalos na kamo ha akon, ngan sobra pa. Yana nga gindad-an ako ni Epafrodito han ngatanan nga iyo mga hatag ha akon, may-ada ko na han ngatanan nga akon ginkikinahanglan. Sugad ini hira han mahamot nga halad ngadto sa Dyos, usa nga tinubod nga unong nga nakakalipay ngan kinakarawat niya.