Levitico 2:3 - Samarenyo Meaning-Based Bible (1984)

³ Kanan kapadian na an salin han halad nga pagkaon labi hin baraan ini kay kinuha ini tikang han pagkaon nga iginhalad ngadto han Ginoo.

Levitico 2:3 Iomraidhean Croise

Esdras 2:63

Ginsumatan hira han Judiyo nga gobernador nga diri hira makakakaon han pagkaon nga iginhalad sa Dyos tubtob nga may-ada padi nga makakagamit han Urim ug Tumim.

Exodo 29:37

Buhata ini kada adlaw sulod hin pito ka adlaw. Niyan mababaraan gud an altar, ngan madadaot an bisan hin-o o bisan ano nga magpasipara hin pagkapot hini tungod han gahom han pagkabaraan han altar.

Ezequiel 44:29

An mga halad nga pagkaon, an mga halad para hin sala, ngan an mga halad para hin paglukat, amo ini an pagkaon han kapadian, ngan kakarawaton nira an ngatanan didto ha Israel nga iginggahin para ha akon.

Ezequiel 46:20

ngan nagsiring, “Amo ini an dapit nga ginlalagaan han kapadian han karne nga iginhahalad sugad nga mga halad para hin paglukat, ngan ginhuhudnoan han mga halad nga harina, basi waray baraan nga butang nga madara ngadto ha gawas nga bungsaran, kay bangin makadarahig ini han mga tawo.”

Levitico 10:15

Pagdadad-on nira an mangorhi nga paa ngan an dughan dungan han pagdara han tambok nga usa nga halad nga pagkaon ngadto han Ginoo. Ha kadayonan iyo ngan han iyo mga anak ini nga mga bahin, sumala han iginsugo han Ginoo.”

Levitico 14:13

Pag-iihawon niya an nati nga karnero didto han baraan nga dapit diin gin-iihaw an mga hayop para han mga halad tungod hin sala ngan an mga halad nga tutuboron. Kinahanglan pagbuhaton niya ini kay, sugad han halad tungod hin sala, para han padi an halad hin pagbayad ngan baraan ini kaupay.

Levitico 2:10

Kanan kapadian na an salin han halad; labi hin ka baraan ini kay kinuha ini tikang han pagkaon nga iginhalad ngadto han Ginoo.

Levitico 21:22

Makakahimo hin pagkaon in sugad nga tawo han iginhalad ha akon nga pagkaon: an human na ighalad nga baraan nga pagkaon ngan an ginhahalad pa nga baraan nga pagkaon,

Levitico 5:13

Hini nga paagi han padi an halad para han sala han tawo, ngan pasasayloon hiya. Kanan padi na an salin han harina, sugad han nahisalin dida han halad nga pagkaon.

Levitico 6:26

An padi nga naghahalad han hayop amo an makaon hini didto hin usa nga baraan nga dapit, ha bungsaran han Tulda han Ginoo.

Levitico 6:9

hin paghatag kan Aaron ngan han iya mga anak nga kalalaken-an han masunod nga mga turumanon para hin mga sinunog nga halad. Babayaan an sinunog nga halad dida han altar ha bug-os nga gab-i, ngan diri paparongon an kalayo.

Levitico 7:7

Usa la an turumanon para han halad tungod hin sala ngan han halad hin pagbayad: an karne kanan padi na nga nagtutubod han halad.

Levitico 7:9

An tagsa nga halad nga pagkaon nga ginluto dida hin hudno o dida hin karaha o dida hin lata nga parilyahan kanan padi na nga naghalad hini ngadto ha Dyos.

Numero 18:9

Han labi kabaraan nga mga halad nga diri tutuboron dida han altar, iyo an mga nasunod: an mga halad nga pagkaon, an mga halad tungod hin sala, ngan an mga halad hin paglukat. Imo ngan han imo mga anak nga kalalaken-an an ngatanan nga ihahalad ha akon nga mga halad nga baraan.

1 Samuel 2:28

Tikang han ngatanan nga mga tribo han Israel akon ginpili an iya panimalay nga akon kapadian nga mag-aalagad didto han altar, magtutubod han insyenso, ngan magsusul-ot han efod ha akon atubangan. Ngan gintagan ko hira han katungod hin pag-angkon hin usa ka bahin han mga halad nga gintutubod didto ha altar.