Levitico 2:12 - Samarenyo Meaning-Based Bible (1984)

¹² Pagdadad-on niyo ngadto han Ginoo in usa nga halad han syahan nga abot han gin-aani niyo ha kada tuig, kundi diri ini pagtutuboron dida han altar.

Levitico 2:12 Iomraidhean Croise

Genesis 23:17

Sanglit nakabutong ni Abraham han tuna ni Efron didto ha Macpela ha sinirangan han Mamre. Lakip hini an uma, an lungib nga nakada hini, ngan an ngatanan nga kakahoyan didto han uma nga nakakaluob han bug-os nga tuna.

2 Cronicas 31:5

Han paghatagan han sugo, gindara dayon han mga tawo han Israel in mga regalo han ira gimamag-upayi nga mga pagkaon, bino, lana hin olibo, dugos, ngan iba pa nga mga abot han uma, ngan gindara liwat nira an mga ikanapulo ka bahin han ngatanan nga ira gintatag-iya.

Exodo 22:29

“Ighatag niyo ha akon an mga halad tikang han iyo trigo, han iyo bino, ngan han iyo lana hin olibo kon panahon na hin paghalad hini. “Ighatag ha akon an iyo suhag nga kalalaken-an.

Exodo 23:19

“Kada tuig dad-a niyo ngadto han balay han Ginoo nga iyo Dyos an syahan nga trigo nga iyo pag-anihon. “Ayaw niyo paglutoa in nati nga karnero o kanding dida han gatas han iroy hini.

Exodo 34:22

“Sauroga niyo an Pyesta han Pag-ani kon magtikang na kamo hin pag-ani han syahan nga mga abot han iyo trigo, ngan sauroga niyo an Pyesta han mga Payagpayag dida han tikatarapos na an kathuraw, kon nangunguha na kamo han mga bunga han iyo gintanom nga mga kahoy.

Levitico 23:17

Magdadara an tagsa nga panimalay hin duha ka bug-os nga tinapay ngan ighahalad ini ngadto han Ginoo nga usa nga linain nga regalo. Hihimoon an kada usa ka bug-os nga tinapay tikang hin mga duha ka kilo nga harina nga hinudno nga may-ada patubo, ngan ighahalad ini ngadto han Ginoo nga usa nga halad han syahan nga abot nga gin-ani.

Levitico 7:13

Labot hini, maghahalad hiya hin mga tinapay nga ginhudno nga may patubo.

Numero 15:20

Kon maghimo kamo hin tinapay, ighahalad nga usa nga linain nga amot ngadto han Ginoo an syahan nga tinapay nga hinimo tikang han bag-o nga inani. Ighahalad ini niyo ha amo ngahaw nga paagi han iyo paghalad han linain nga amot nga iyo ginhimo tikang han inani nga iyo ginggiok.

Numero 18:12

“Ihahatag ko ha imo an gimamaupayi han syahan nga mga abot nga ihahatag ha akon han mga Israelita ha kada tuig: lana hin olibo, bino, ug trigo.

1 Mga Taga-Corinto 15:20

Kundi ha kamatuoran ginbanhaw gud hi Cristo, ngan amo ini an pinasisikaran nga pagbabanhawon man an mga minatay.

Deuteronomio 26:10

Sanglit yana gindadad-an ko an Ginoo han syahan nga bahin han inani nga iya iginhatag ha akon.’ “Niyan igbutang niyo an basket ha atubangan han Ginoo ngan pagsingba kamo didto.

Ginpadayag 14:4

Ini hira amo an kalalaken-an nga nagpabilin hin ka put-li, kay waray man hira makighilawas hin kababayen-an; mga uray hira. Nasunod hira han Kordero bisan diin hiya kakadto. Ha ngatanan nga katawhan, hira la an gintubos, ngan amo hira an syahan nga iginhalad ngadto han Dyos nga han Kordero.